Tu âs cirût la peraule
bilengâl monolengâl
Tu âs cirût la peraule
attaccaticcio
torne indaûr

bilengâl

attaccaticcio adi., s.m.
  • 1

    adi. tacadiç, petadiç Copie

    [CO] (che si tache cun facilitât)
    un liquido attaccaticcio = un licuit tacadiç

    adi. infetîf Copie

    (di malatie, che si pues cjapâ cun facilitât)
  • 2

    adi. tacadiç, peolon, peolot Copie

    [CO] (di persone invadente e fastidiose, che si fâs fature a tignî lontane)
  • 3

    s.m. stiç, brusadiç Copie

    [CO] (dome sing., savôr di brusât tipic di une mangjative che tal cueisi si è tacade tal fonts de cite, de padiele e v.i.)
    questa pasta ha un sapore di attaccaticcio = cheste paste e sa di stiç

monolengâl

stiç s.m.
Stec che al tache a brusâ, che al bruse, che al è in bore o che al à finît di brusâ
sinonims
tofet
esemplis
"lui al va sul fogolâr, i treme la man, al pare in bande i stiçs cu lis molecjis, al cîr fûr une borone"
gjavât fûr di "La furlane" di Dolfo Zorzut
"nol jere restât che un pugn di cinise e doi o trê stiçs"
gjavât fûr di "Lis leiendis di Buie" di Pieri Menis
stiç s.m.
Spagnolet o zigar (fam.)
esemplis
"al contave i grums di panolis e i côi di fen e i zeis di ue dai vignâi, cuntun stiç di zigar in bande de bocje"
gjavât fûr di "La aghe da pît la cleve" di Dino Virgili
stiç s.m.
Dome sing., odôr o savôr di brusât
sinonims
brusât, fum
esemplis
"il cogo si indurmidìs e tes pagjelis dut al cjape di stiç"
gjavât fûr di "La fie e la fiastre" di Andreina Nicoloso Ciceri
"un sporc, une peste di lisp e di stiç di fâ gomit"
gjavât fûr di "Amîs come prime" di Alan Brusini
stiç s.m.
Situazion di pericul o che e fâs suspietâ alc di brut (fig.)
sinonims
brusât
esemplis
"lu cjapin des sôs bandis che al ven jù de montagne e nol à documents, une robe che ai Todescs ur puce di stiç tant di calcolâlu partigjan"
gjavât fûr di "Storie di Min" di Ivano Urli
"[tancj fassiscj] a sintivin la puce di stiç e tancj di lôr a cirivin di svuincâse"
gjavât fûr di "Il muc" di Roberto Ongaro
stiç s.m.
Rabie, soredut se ven par vie di une provocazion, o provocazion fate par fâ rabie (fig.)
sinonims
stice, rabie, bruseghin
esemplis
"a cui che i domandave par meti stiç: "Us fasie il jet vuestre brût?" Jê e rispuindeve: "E la vuestre us al fasie?""
gjavât fûr di "La cotule di none Betilde" di Maria Forte
detulis
"a son piês i stiçs che no lis boris"
"a son plui i stiçs che no lis boris"
"i stiçs a son piês des boris"
"nol è stiç che nol dei fum"
torne sù
torne sù