Tu âs cirût la peraule
bilengâl monolengâl
Tu âs cirût la peraule
attuarsi
torne indaûr

bilengâl

attuarsi v.pronom.intr.
  • 1

    v.pronom.intr. deventâ, realizâsi, atuâsi, inverâsi Copie

    [CO] (deventâ alc di concret, vê realizazion)
    il suo sogno più grande si è attuato = il so sium plui grant si è inverât
    servono più finanziamenti perché si attui il progetto = a coventin plui finanziaments par che si realizi oppure si atui il progjet

monolengâl

deventâ v.intr.
(de-ven-tâ)
Cuntun complement predicatîf, passâ di une cundizion a di une altre, tacâ a jessi intune cierte maniere, a vê une cierte cualitât, cualifiche, profession e v.i.
sinonims
fâsi, vignî a jessi, riessi, vignî a stâi, tornâ
esemplis
"Agnese e jere deventade rosse di vergogne"
gjavât fûr di "Il muc" di Roberto Ongaro
"no mi cognossêso? soio deventât tant vecjo?"
gjavât fûr di "Resurezion a Pontinie" di Pieri Somede dai Marcs
"di chê sere lis sôs gnots a deventarin un masanâ pinsîrs, mai finît"
gjavât fûr di "Cjase di Dalban" di Maria Forte
"cualchi sodisfazion, si à di cjatâle ancje in cjase, par no che la cjase e deventi une preson"
gjavât fûr di "Lis predicjis dal muini" di Josef Marchet
Viôt ancje: doventâ, daventâ
deventâ v.intr.
(de-ven-tâ)
Cjapâ cuarp, deventâ concret, rivâ a un bon risultât, a une conclusion e v.i.
sinonims
concretizâsi, fâsi, materializâsi, vignî fûr, realizâsi, vignî
esemplis
"mi pâr che si va sù avonde ben. La cjase e devente"
gjavât fûr di "La tiere di Lansing" di Maria Forte
deventâ v.intr.
(de-ven-tâ)
Sucedi
sinonims
acjadê, avignî, jessi, nassi, vignî fûr, sucedi, capitâ, colâ
esemplis
"ma là sù, ta chel palc, ce dal diaul devential?"
gjavât fûr di "Al Macalè" di Alan Brusini
"la robe, dopo un pôc, e salte fûr. A van di jê lis vuardiis e po al deventà il procès"
gjavât fûr di "La fantate inzegnose" di Andreina Nicoloso Ciceri
"oh! ce imbroi che al devente"
gjavât fûr di "La buteghe dal barbîr" di Pieri Somede dai Marcs
detulis
"a concedi un passaç, al devente un transit"
"a fâ caritât, no si devente puars"
"a fuarce di puartâ, ancje un scarpin di lache al devente une çavate"
"a fuarce di sudôrs, si devente siôrs"
"al devente ce che Diu al vûl e no ce che il diaul al pense"
"al è miôr deventâ ros e dî di no, che no deventâ verts par vê il so"
"amôr vieri nol devente ranzit"
"cu la pazience si è maridât un frari e tal doman al è deventât un lari"
"cu la robe dai altris no si devente siôrs"
"cuant che il diaul al devente vieli, al cjol sù la corone"
"cuant che il lôf al devente vieli, i cjans i pissin intor"
"cuant che la cjar e devente fruste, ancje la anime si juste"
"cui che al mangje cjar di pic nol devente ric"
"cui che al tocje bacin al devente copari"
"cui che nol à mâl sù pe schene nol devente ros"
"cul plui menâ, il pan al devente tenar"
"cul tignî cont si devente parons di mieç mont"
"cul timp e cul lavôr il morâr al devente sede"
"daspò muarts si devente galantoms"
"galantoms si nas, no si devente"
"il corli plui al devente vieli e miôr al zire"
"il diaul cuant che al devente vieli si fâs eremite"
"il fûc fin che al è sclâf al è biel e bon, ma vuai a lassâlu deventâ paron"
"il fum al fâs deventâ biei"
"il mus no si spele, il mierli nol devente blanc"
"in taule no si devente viei"
"in trê dîs no si devente mestris"
"l'om che al alce masse il bocâl al devente un nemâl"
"la mignestre e fâs deventâ grancj"
"lis feminis ogni an a deventin plui zovinis"
"lis putanis no deventin rossis"
"lis robis lungjis a deventin madracs"
"nissun nol è deventât mai puar par fâ caritât"
"nol è miluç tant dûr che cul timp nol deventi madûr"
"ogni jerbe e devente fen"
"par no deventâ splantâts, bisugne sei simpri tirâts"
"pic pic, il taiepiere nol deventarà mai ric: finît di picâ, finît di mangjâ"
"plui si devente viei, plui i carnevâi a pesin"
"Sant Martin il most al devente vin"
"si viôt di vidiel ce che al devente bo"
"tic tic, il fari nol deventarà mai ric"
"une gabele no devente puieri cul metii la siele"
"vin, aghe e fûc a son bogns, se no si ju lasse deventâ parons"
torne sù
torne sù