Tu âs cirût la peraule
bilengâl monolengâl cognons
Tu âs cirût la peraule
aura
torne indaûr

bilengâl

aura s.f.
  • 1

    s.f. lûs, ombre, ale Copie

    [CO] (atmosfere, alon, espression)
    un fatto avvolto da un'aura di mistero = un fat cuviert di une ombre oppure di une ale di misteri
    un'aura di serenità = une lûs di serenitât
  • 2

    s.f. aure Copie

    [TS] filos. (in estetiche, aspiet origjinari di une opare di art che si va a pierdi cul passâ a ogjet di cumierç, che si pues riprodusi in maniere tecniche)
  • 3

    s.f. aure Copie

    [TS] neurol. (complès di sintoms che si manifestin un pôc prin di un atac epiletic)
  • 4

    s.f. aure Copie

    [TS] ocult. (alon di energjie che cdn. al rive a viodi intor di un cuarp uman in forme colorade)

monolengâl

lûs s.f.
Ent fisic, che al ven di une font naturâl o artificiâl, che al fâs che si puedin viodi lis robis cun clarece
sinonims
lusôr
esemplis
"il solfar mandât fûr in atmosfere [...] al judave il vapôr di aghe a condensâ, formant nûi [...] cuntune plui grande capacitât di rifleti indaûr la lûs dal Soreli "
gjavât fûr di "Clime e incuinament: prime l'ûf o la gjaline?" di Fulvio Stel, Dario Giaiotti
"la lûs frede dal lampion de strade e bateve dentri pe puarte fin sul ultin scjalin"
gjavât fûr di "Nadâl ancje par Gjelmin" di Pieri Menis
"o sintivi il gno gjal a saludâ la prime lûs dal dì"
gjavât fûr di "Lis predicjis dal muini" di Josef Marchet
lûs s.f.
Puest o posizion li che a batin i rais dal soreli o di une altre font luminose
sinonims
lusôr, clâr
esemplis
"Dorine e cor sù e, cjolte in braç la piçule, si met denant dal barcon, te lûs, a dâi di tete"
gjavât fûr di "Chei di Muraie" di Pieri Menis
lûs s.f.
Ogjet che al mande rais luminôs
sinonims
lusôr
esemplis
"il cîl al jere dibot scûr, lis lûs de citât alte a tacavin a impiâsi"
gjavât fûr di "Usgnot partide di balon" di Agnul di Spere
lûs s.f.
Corint eletriche
esemplis
"spesis di lûs, riscjaldament, telefon"
gjavât fûr di "Efiets economics e ocupazionâi des leçs di tutele de lenghe furlane" di Sandri Carrozzo, Linda Picco
lûs s.f.
Pont di viste (fig.)
esemplis
"par furtune che il Mestri Valcic mi à fat cjalâ il fat sot di une altre lûs"
gjavât fûr di "La cjacarade dal Mestri" di Christian Romanin
lûs s.f.
Impression che e fâs someâ lis robis intune cierte maniere (fig.)
sinonims
lusôr, ombre
esemplis
"o vevi let su la sô muse la ombre di une femine che e vîf come bandonade. [...] Chest pinsîr me presentave sot di une lûs plui umane"
gjavât fûr di "I forescj" di Alan Brusini, Gian Paolo Linda
"la storie le contin difarente e e cjape dute une altre lûs"
gjavât fûr di "Storie o storiis?" di Laurin Zuan Nardin
lûs s.f.
Aspiet, spec. de muse, de maniere di cjalâ e de ciere (fig.)
esemplis
"chês frutis a vevin tai voi e su la muse la lûs di lôr mari, une lûs vive e dolce"
gjavât fûr di "Come tai romançs" di Alan Brusini
"e veve la muse dure e une lûs di tristerie intes balis dai voi"
gjavât fûr di "Trê feminis" di Gianni Gregoricchio
lûs s.f.
Entitât o emanazion positive, robe caraterizade di bielece, bontât e v.i. (fig.)
esemplis
"a i sabol tal cour siminci vecji che a dislontanein la lûs di Diu e a distuein il soleif"
gjavât fûr di "Cença sunsûr" di Novella Cantarutti
"al pensà che ce che nol jere rivât a fâ in chel martars al varès podût fâlu la joibe dopo. E al torne la joibe dopo, cun chê lûs di sperance tal cûr"
gjavât fûr di "Rosaris" di Meni Ucel
"Crist di fat al mûr e al resurìs, al puarte vite, lûs di cognossince e salvece"
gjavât fûr di "Nadâl" di Sandri Carrozzo
lûs s.f.
Viertidure di une puarte o di un barcon
esemplis
"si sint un movi di cjadreis e une femine e compâr te lûs de puarte"
gjavât fûr di "I forescj" di Alan Brusini, Gian Paolo Linda
lûs s.f.
[TS] (tecn.) Sezion di un condot par licuits
detulis
"il vuarp al brame la lûs, l'uciel la libertât"
"la lûs no art cence vueli"
"ogni vuarp al brame la sô lûs"
torne sù

cognons

Aura
Cognon rivât a Osôf de Calabrie (al è slargjât massime tes provinciis sicilianis di Catania e Caltanissetta). Di un non feminin che al à tant che fonde il latin aureus “di aur”.
fonts
Nons dal gjenar une volte a jerin ancje in Friûl: 1320 del Auro Francesco da Udine, teste (Osp. 121, 21); 1501 pre Michele de Aurificibus notaio da Albona (ASU); 1737 Sebastiano Auriis notaio da Raveo (ASU).
torne sù