SuperDizionari

Tu âs cirût la peraule

avere a mente

bilengâl

avere a mente

impensâsi v.pron.tr., v.pron.intr.
(im-pen-sâ-si)

Vê presint te memorie

sinonims

visâsi, ricuardâsi

esemplis

"al à scugnût lâ a cirî la clâf - che no si impensave plui là che le veve imbusade"

gjavât fûr di "I furlans e il muini" di Riedo Pup

"mi impensi di ce che mi contave mê puare none"

gjavât fûr di "Gno barbe Sisto" di Lucio Perès

impensâsi v.pron.intr.
(im-pen-sâ-si)

Vê a cûr, cjapâsi cure di cdn. o di alc

sinonims

visâsi, pensâsi, stâ daûr, viodi, tignî cont

esemplis

"[il cjan di nissun] al passe par dongje / al mene le code / al cîr cualchidun / che si impensi di lui"

gjavât fûr di "Il cjan di nissun" di Ennio Zampa

"e veve tant di chel cefâ a impensâsi di dut, a netâ di polvar lis antighis fotografiis, a fâ ordin tes vecjis cjartis"

gjavât fûr di "Il sium di Lissandri" di Franca Mainardis

impensâsi v.pron.intr.
(im-pen-sâ-si)

Concepî cu la ment, fâ un pinsîr, un resonament

sinonims

pensâ, pensâsi, considerâ, calcolâ

esemplis

"la Dosche si invià, ma dopo cualchi pas si impensà che forsit e faseve mâl a tratâ chel puar om in chê forme"

gjavât fûr di "Il cicin" di Meni Ucel

impensâsi v.pron.tr., v.pron.intr.
(im-pen-sâ-si)

Deventâ o jessi cussient, meti la atenzion su di alc o su di cdn.

sinonims

imparcevisi, incjolisi, indâsi, indaviodisi, intaiâsi, rindisi cont, visâsi, acuarzisi, inacuarzisi

esemplis

"[i fruts] a fasin des voltis stupidagjinis dome par che cualchidun si impensi di lôr"

gjavât fûr di "Sul florî" di AAVV

"spierdûts ta cuatri cjasis fumulis, ta un bûs dal Friûl, coma faia il Signour a impensâsi di nû? A si nas, a si vîf, a si mour. E Lui a nol sa nuia"

gjavât fûr di "I Turcs tal Friûl" di Pier Paolo Pasolini

detulis

"a la sense cui che al à ce fâ, si impense"

torne sù