Tu âs cirût la peraule
bilengâl monolengâl
Tu âs cirût la peraule
avventarsi
torne indaûr

bilengâl

avventarsi v.pronom.intr.
  • 1

    v.pronom.intr. butâsi Copie

    [CO] (lâ cuintri di cdn. o di alc)
    il cane si è avventato contro il ladro = il cjan si à butât cuintri dal lari
    si sono avventati contro di lui per fermarlo = si son butâts cuintri di lui par fermâlu

    v.pronom.intr. butâsi Copie

    (di alc, finî cuintri di cdn. o di alc)
    il vento si abbatte sugli alberi = l'aiar si bute sui arbui
  • 2

    v.pronom.intr. butâsi Copie

    [CO] (impegnâsi a font intune azion)
    i giornalisti si avventano sulla notizia senza verificarla = i gjornaliscj si butin su la gnove cence verificâle
  • 3

    v.pronom.intr. butâsi Copie

    [CO] (pandi critichis fuartis)
    l'opposizione si è avventata contro la politica economica del governo = la oposizion si è butade cuintri la politiche economiche dal guvier

monolengâl

butâsi v.pron.tr., v.pron.intr.
(bu-tâ-si)
Vt. butâ
butâsi v.pron.tr.
(bu-tâ-si)
Butâ alc un cun chel altri o un cuintri di chel altri
esemplis
"a si impense [...] das frutis che a saltavin cu la cuarde, a zuavin di campo o di butasi la bale o il cercli"
gjavât fûr di "Tumieç e il ventesim secul" di Federico Morocutti
butâsi v.pron.tr.
(bu-tâ-si)
Butâ alc intor di se stes, o metisi intor un cul altri
esemplis
"si butà sul cjâf un façoletat e un grumâl intor de panze"
gjavât fûr di "Il fi de Rosse" di Pieri Menis
butâsi v.pron.intr.
(bu-tâ-si)
Petâ un salt
sinonims
lançâsi, plombâ, precipitâsi, proietâsi, saltâ, scaraventâsi, slançâsi
esemplis
"il brâf on si butà di un lamp su la sponda de la barcja vicina"
gjavât fûr di "Il me paîs" di Federigo Comelli
butâsi v.pron.intr.
(bu-tâ-si)
Fâsi colâ dal alt o lâ cuintri alc par copâsi (ancje scherç.)
esemplis
"isal chest ce che tu vuelis? No, pluitost mi buti intal poç!"
gjavât fûr di "Trê feminis" di Gianni Gregoricchio
"jo... ma jo i mi copi, i vai a butâmi pal cret di Picjàs"
gjavât fûr di "Il cosacut" di Novella Cantarutti
"ma va a butiti te Ledre, çondar!"
gjavât fûr di "Opoku invitato da Wikipedia a "butasi te Ledre"" di Redaziion Udinetoday
butâsi v.pron.intr.
(bu-tâ-si)
Metisi sentât o distirât
sinonims
saltâ, slançâsi, traisi
esemplis
"le convincerin a butâsi une orute intal jet"
gjavât fûr di "Trê feminis" di Gianni Gregoricchio
"cu lis mans su la muse si bute sul sofà sbrendolôs e si met a vaî come un frutin"
gjavât fûr di "Il tesaur di done Cheche" di Pieri Menis
"si bute sfinide suntune cjadree poiant il cjâf sui braçs incrosâts"
gjavât fûr di "Un pugn di moscjis" di Pieri Somede dai Marcs
butâsi v.pron.intr.
(bu-tâ-si)
[TS] (venat.) Dai uciei, lâ a poiâsi
butâsi v.pron.intr.
(bu-tâ-si)
Lâ cuintri di cdn. o di alc
sinonims
assaltâ, lâ cuintri, saltâ intor, butâsi intor
esemplis
"si bute cuintri di Rite e le cjape pai cjavei e le sdrane"
gjavât fûr di "Barbane" di Pieri Somede dai Marcs
"chei doi si butarin su di lui a sflanconadis, cun fuarce rabiose, e la pistole e finî par tiere, e Sandri al fo strissinât vie"
gjavât fûr di "Cjase di Dalban" di Maria Forte
butâsi v.pron.intr.
(bu-tâ-si)
Lâ incuintri, lâ intor di cdn. ancje par amôr, afiet e v.i.
esemplis
"tal curtîl e rivà Mariute che si butà vaìnt fra i siei braçs"
gjavât fûr di "Cretevierte" di Roberto Ongaro
"si butà parsore di lui a bussâlu e lu bussave sui voi, sul cerneli"
gjavât fûr di "Il muc" di Roberto Ongaro
butâsi v.pron.intr.
(bu-tâ-si)
Lâ svelt
sinonims
precipitâsi, cori, lâ di corse
esemplis
"Gjelmin si butà a cjapâ il prin puest suntun scagnut di confessionari"
gjavât fûr di "I furlans e la confession" di Riedo Pup
"Mirco si jere butât pes scjalis, al jere lât tra i zuiadôrs di balis"
gjavât fûr di "Par stradis lungjis" di Alan Brusini
butâsi v.pron.intr.
(bu-tâ-si)
Jentrâ intune situazion pericolose o no spietade, che e domande cûr, fuarce e v.i.
sinonims
impegnâsi, olsâ, provâsi
esemplis
"mi à scrit lui da la Afriche, prin di butâsi disperât in combatiment "
gjavât fûr di "Vilie di Nadâl" di Pieri Somede dai Marcs
"bisugnave butâsi tal viaç voie o no voie"
gjavât fûr di "Cjase di Dalban" di Maria Forte
butâsi v.pron.intr.
(bu-tâ-si)
Impegnâsi, meti lis fuarcis, metisi a fâ alc
esemplis
"si butave sul lavôr cence padin"
gjavât fûr di "Ombris tal infinît" di Carlo Sgorlon
" int di bêçs e di cumierç, che si butà a fitâ cjasis e magazens"
gjavât fûr di "Trê feminis" di Gianni Gregoricchio
"ogni volte che al capite un ricors la istituzion si bute a corezi lis sôs sieltis par contentâ cui che al ricor"
gjavât fûr di "Memoriis di politiche linguistiche" di Adrian Cescje
butâsi v.pron.intr.
(bu-tâ-si)
Di flum, lâ a finî intal mâr, intun lât o intun altri flum
sinonims
finî, lâ
esemplis
"il Cuar si bute tal Tai a Romans di Vildivar, invezit il Cormôr, dopo jessi stât canalizât a Cjasteons di Strade, si bute te lagune di Maran"
gjavât fûr di "La culine furlane" di Luigina Di Giusto, Andrea Guaran e Mauro Pascolini
"la aghe de riviere di Samardencje e vignive jù bruntulant a butâsi te Urane"
gjavât fûr di "I colaçs" di Meni Ucel
butâsi v.pron.intr.
(bu-tâ-si)
Di stradis, condots e v.i., lâ tun ciert pont
esemplis
"a rivin dulà che la strade si bute sot vie dai ramaçs dai cjastinârs che le sierin parsore"
gjavât fûr di "Misure" di Meni Ucel
butâsi v.pron.intr.
(bu-tâ-si)
Dal soreli, de lune e v.i., calâ o lâ, in aparence, daûr di alc
sinonims
finî, lâ, lâ jù
esemplis
"chel soreglut che al jeve di Cuie e po al passe adasiin li parsore intun cîl net e clâr tant che un voli di uciel, par butâsi, tal ultin, daûr dal Cjaval tun sflandôr di no crodi;"
gjavât fûr di "La "Fieste dai Roncs"" di Meni Ucel
butâsi v.pron.intr.
(bu-tâ-si)
Ancje ass., stuarzisi di une bande
esemplis
"il peç, come rassegnât al so destin, dopo un ultin rezisi impins, come di creature che e vûl resisti, al spacà i leams e si butà dut di une bande e po jù a plombâ jenfri chei altris peçs "
gjavât fûr di "La tiere di Lansing" di Maria Forte
"tignî lis breis pognetis par no che si butin"
butâsi v.pron.intr.
(bu-tâ-si)
Vê une cierte evoluzion
esemplis
"no vevin rivât a salvâi i pîts che za a tacavin a butâsi in gangrene"
gjavât fûr di "Cretevierte" di Roberto Ongaro
"sigûr il timp si bute in ploie e o varìn di stâ dentri in cjase"
gjavât fûr di "Artiscj par zûc" di Mirella Fanutti, Marcella Zampa
butâsi v.pron.intr.
(bu-tâ-si)
Cjapâ une part, sielzi di stâ di une bande
esemplis
"al voleve sintî cence sei viodût, par butâsi di ca o di là dome tal ultin"
gjavât fûr di "Varc di confin" di Maria Forte
"buine part de siorie [...] no spietà agns par butâsi de lôr bande, cjapant sù ideis e mûts di fâ dai gnûfs parons"
gjavât fûr di "Cuintristorie dal Friûl dal 1866 fint in dì di vuê" di Francesc Placerean
butâsi v.pron.intr.
(bu-tâ-si)
Bandonâsi a di un compuartament, a di un umôr e sim.
esemplis
"cul stâ dibant, si butisi tai vizis e si jemplisi di debits "
gjavât fûr di "Cretevierte" di Roberto Ongaro
"butâsi te disperazion e bandonâsi al vin"
gjavât fûr di "Cretevierte" di Roberto Ongaro
"butâsi tal fanatisim plui vuarp"
gjavât fûr di "Sflacjons e insolents" di Josef Marchet
torne sù
torne sù