Hai cercato la parola
bilingue monolingue
Hai cercato la parola
balordo
Torna indietro

bilingue

balordo ,
  • 1a

    s.m. sturnît, balort, mauc, sturnel, insemenît, balote Copia

    [CO] (che nol rive a capî, indaûr di capidorie)
    ha un figlio balordo = e à un fi balort oppure mauc
  • 1b

    s.m. fûr di se Copia

    [CO] (che, chi che nol è a puest par vie di une alterazion momentanie)
    ha bevuto, si sente balordo = al à bevût, si sint fûr di se
  • 2a

    s.m. storloc, balort Copia

    [CO] (che no si pues fâ afidament)
    si fida ancora di quel balordo = si fide ancjemò di chel storloc oppure di chel balort

    s.m. balort Copia

    (tant che s.m., che al à fate une azion criminose)
    la polizia ha catturato i due balordi = la polizie e à cjapât i doi balorts

    s.m. balort Copia

    (tant che adi., che nol è normâl o daben)
    vive una vita balorda = al vîf une vite balorde
  • 2b

    adi. stiçôs, ombrôs Copia

    [CO] (di animâl, che nol è cuiet)
    un cavallo balordo = un cjaval stiçôs oppure ombrôs
  • 2c

    adi. mat, balort, inciert Copia

    [CO] (no costant, imprevedibil)
    c'è un tempo balordo = al è un timp balort oppure mat oppure e je une timpesse
  • 3

    adi. balort, maturli, paziot, mataniç, fûr dal vade Copia

    [CO] (di alc, cence sens)
    un ragionamento balordo = un resonament fûr dal vade
  • 4

    adi. intrigôs, imberdeât, balort Copia

    [CO] (dificil, cun tancj problemis)
    è una situazione balorda = e je une situazion balorde
  • 5

    adi. malsacodât Copia

    [CO] (fat mâl)
    è un lavoro balordo = al è un lavôr malsacodât

monolingue

mat adi., s.m.
Che, cui che al à une menomazion des facoltâts mentâls
sinonimi
dement, psicopatic, scuilibrât
esempi
"[Freud] al fo un dai prins a usmâ la esistence di plui personalitâts intun individui. Chestis ideis i vignirin cul cirî di judâ e di studiâ lis personis gnervosis e i mats che al veve in cure"
da "Il cjâf dai furlans" di Franc Fari
"al barbote chel altri e se moche tal palaç dai telefons, convint di vê vût da fâ cuntun mat vignût fresc fresc di Sant Svualt"
da "Viaç a Vignesie" di Arturo Feruglio
"Guri al zigà a fuart, come mat"
da "La aghe da pît la cleve" di Dino Virgili
mat adi., s.m.
Cun ûs averbiâl o in locuzions averbiâls o in comparazions al pues dâ valôr di superlatîf
esempi
"Febo al coreve come un mat intes braidis, saltant i riui come un zupet"
da "Domenie di cjace" di Checo Tam
"i mucs che e jerin li parsore, su la crete plui alte, a traevin come mats"
da "Tinut di Libro" di Pieri Menis
"o soi stufe mate ancje jo, plui di te"
da "Co l'amôr al cimie" di Costantino Smaniotto
"une gole mate di maridâsi"
da "A la oselade" di Pieri Somede dai Marcs
"par parâsi dal scjafoiaç dal dopodimisdì, no mancjavin di lâ a nadâ te sfondare di Montagnôl. O gjoldevin di mats"
da "Tal Cuar" di Lucio Perès
mat adi., s.m.
Stramp
sinonimi
estrôs, matucel, maturli, strambel, stramp, stravagant
esempi
"une lûs zale, cjalde come l'aur, che e lave a dissegnâ schiribiçs e formis matis su lis colonis, sui mûrs, su lis musis de int"
da "Il pignarûl" di Pieri Menis
mat adi.
Che nol è stabil, che no si rive a capî, a previodi, a individuâ e v.i.
sinonimi
balarin, maturli, morbit, strambel, stramp
esempi
"no si capìs ben… e je une lûs mate che e cambie colôr, che e somee saltâ di ca e di là tra lis ramascjis di pôi"
da "Cirî gnot" di Checo Tam
mat adi.
No vêr, no autentic
sinonimi
contrafat, fals, falsificât
esempi
"al prove a muardi cui dincj la monede di arint par viodi se e je mate"
da "Come tai romançs" di Alan Brusini
"la lidrîs [di tale] si gjave di Sierade; e je une vore mare (une volte si doprave come surogât, par fâ il cafè mat)"
da "Jerbis salvadiis inte cusine furlane" di Giorgio Pascoli
"e veve ancjemò intor il vistît di fieste e ator dal cuel un fîl di perlis matis"
da "Prime di sere" di Carlo Sgorlon
mat adi.
Di part dal cuarp, malformade, mâl cressude o che e funzione mâl
esempi
"cjar mate"
"ongule mate"
"passe une ore impins cu la sô gjambe mate, cuntun braç su lis spalis di mê mari che i faseve di sbacjo"
da "Come tai romançs" di Alan Brusini
"il gno cûr mat, il so bati ledrôs, i mancjaments, il flât che nol torne"
da "Cui sêstu?" di Laurin Zuan Nardin
mat adi.
Di plante, salvadie o lassade cressi a salvadi vie e che no da pomis buinis
esempi
"dilunc dal cei da la aghe la jerbe mate e jere folte e grasse"
da "La aghe da pît la cleve" di Dino Virgili
mat s.m.
[BF] (tecn.) Piertie che si pues movi sù e jù par aurî aghe in cierts poçs
proverbi
"a cui che al cjale il so fat, no si po dâi dal mat"
"a cuinçâ la salate al vûl un mat a meti il vueli e un savi l'asêt"
"a un mat, un mat e mieç"
"ai mats e ai parons nissun no ur comande"
"al è miôr un cjaval fat che no un puieri mat"
"al sa plui un mat a cjase sô che no un savi a cjase di altris"
"bielis peraulis e cjatîfs fats a incjanin savis e mats"
"ce colpe aie la gjate se la massarie e je mate?"
"cjace che no si viôt e je cjace mate"
"cu lis bielis peraulis e i bruts fats si ingjane savis e mats"
"cui che al cjante in taule e in jet al è un mat perfet"
"cui che al è mat che si fasi leâ"
"cui che al è mat nol vuarìs mai e se al vuarìs al è fortunât assai"
"cui che al sta in fidance dai altris al pie di mat"
"cui che i da il dêt al mat, al vûl il dêt cun dut il braç"
"di carnevâl ogni mat al vâl"
"di ogni dì al ven Nadâl e di martars Carnevâl, di joibe a ven la Sense: a son ducj mats cui che le pense"
"ducj à gust di viodi mats in place ma no dai siei"
"femine pelose o mate o virtuose"
"fi sôl: o mat o lôf"
"fidance di altris, cjapiel di mat"
"i fruts e i mats a àn simpri l'agnul custodi a vuardâju"
"i mats no àn stagjon ni di Istât ni di Invier"
"il mat al bute il clap tal poç e il savi al scuen gjavâlu"
"il mont al è un ospedâl di mats"
"la femine daben e fâs la cjase, la femine mate le disfe"
"la femine savie e drece la cjase e la mate le strucje"
"la robe no sta cui mats"
"mat di piçul, om di grant"
"mat di zovin, om di grant"
"mats e fruts a puedin dî ce che a vuelin"
"mats, feminis, paron, timp e cûl fâs ce che al vûl"
"ni cun mats ni cun baraçs no bisugne impaçâsi"
"ogni mat al pâr savi cuant che al tâs"
"par cuinçâ ben il lidric al vûl: pal vueli un avâr, pal asêt un moderât e a messedâlu un mat"
"rispiet pai viei, pazience cui mats e sopuartâ lis malis lenghis"
"se la massarie e je mate, no stâ dâi la colpe a la gjate"
"sperance dai altris, cjapiel di mat"
"un mat a meti il vueli, un savi a meti l'asêt"
"un mat al fâs mateâ cent savis"
"un mat ind fâs cent"
"un solt butât vie di un mat, al è racolt di un savi"
"une ore ogni mat al lavore"
Torna in Cima
Torna in Cima