Tu âs cirût la peraule
bilengâl monolengâl cognons
Tu âs cirût la peraule
balza
torne indaûr

bilengâl

balza s.f.
  • 1

    s.f. rive, cueste, cleve Copie

    [CO] (lûc che al è metût di rive jù)
    la balza è franata a causa della forte pioggia = al à plot fuart e la rive e je slacade

    s.f. terace Copie

    (toc di plan che al è a mieç di une rive)
    una balza ottima per piantare alberi da frutta = une terace une vore buine par plantâ pomârs
  • 2

    s.f. camuf Copie

    [CO] (striche di stofe riçade tacade di vistîts e tendis)
    le balze di una gonna = i camufs di une cotule

monolengâl

cueste s.f.
(cues-te)
Ognidun dai vues placs, luncs e arcâts che a formin la casse dal stomi
esemplis
"al jere colât di une impalcadure di cjase. Si veve rot il bacin e un pâr di cuestis"
gjavât fûr di "Tal ospedâl" di Amedeo Giacomini
cueste s.f.
(cues-te)
Part dal cuarp che e corispuint ai flancs de casse dal stomi, massime in espressions figuradis
esemplis
"une altre creature si nudrive tes cuestis de sô biade Ane"
gjavât fûr di ""Nocent"" di Maria Forte
cueste s.f.
(cues-te)
Tai di bestie maçade, massime dal purcit, fat dai vues des cuestis e de cjar che a àn intor
esemplis
"un regalut pal avocat, viodial, vin purcitât îr l'altri, un biel toc di cueste e une file di luianiis"
gjavât fûr di "L'avocat e la luianie" di Pieri Somede dai Marcs
cueste s.f.
(cues-te)
[TS] (bot.) Gnervadure centrâl de fuee
cueste s.f.
(cues-te)
Gjambe buine di mangjâ di cualchi verdure
esemplis
"comprâ spinaze e cualchi cueste di blede"
cueste s.f.
(cues-te)
Bande di un libri, formade dal fîl des pagjinis sieradis
esemplis
"il frut al scriveve, pleât parsore i libris, e ogni tant al disfueave un libron che al veve lis cuestis miezis blancjis e miezis rossis"
gjavât fûr di "Prime di sere" di Carlo Sgorlon
cueste s.f.
(cues-te)
(tess.) Rilêf che si forme tun tiessût in graciis di une urdidure particolâr
esemplis
"un pâr di bregons a cuestis"
cueste s.f.
(cues-te)
Teren in pendence
sinonims
rive, cleve, pale, rivâl
esemplis
"doi pelegrins a viazavin cun ande strache, marcant pas dopo pas, planc a planc, su la cueste di chê mont brustulide"
gjavât fûr di "Il Lâc di Cjavaç" di Josef Cjargnel
"tant plui che a erin rivâts da pît da mont e che bisugnave scomençâ a cjapâ sù la cueste biel plan"
gjavât fûr di "Il matescul di Cjabie" di Luigi Gortani
"i na sai pi dulà che a passin i cunfins da la cjera dai Indrîcs: a corevin par lunc e par traviers via pa li parts pi largji da la mont, a cjapavin drenti li pi bieli cuesti in recès fissi di vîts e di melârs"
gjavât fûr di "I cunfins" di Novella Cantarutti
cueste s.f.
(cues-te)
Zone di tiere ferme che e je dongje dal mâr
sinonims
lît, litorâl, marine, ôr, rive, splaze, rasule
esemplis
"cueste rimpinide"
"la centrâl di Fukushima Dai-ichi [...] si cjate dongje de citât di Okuma, su la cueste nordorientâl dal Gjapon"
gjavât fûr di "Il disastri de centrâl nucleâr di Fukushima Dai-ichi" di Alessandro Pascolini
"il tren al cor sù pal stivâl di Italie, sfrissant la cueste tireniche"
gjavât fûr di "Memoriis di politiche linguistiche" di Adrian Cescje
"par turisim si sielzeve la Cjargne; e par fâ la cjase si sielzeve il Friûl des culinis, dai flums, des citâts bielis come paîs. La cueste dal mâr, e jere palût"
gjavât fûr di "I furlans e il mâr" di Riedo Pup
cueste s.f.
(cues-te)
(arch.) Element costrutîf doprât tai volts formât di gnervaduris che a dan fûr in rilêf
esemplis
"une abside cuadrade cun volt a crosere e velis dividudis di cuestis pituradis a fresc daûr dal ûs dai tumiecins"
gjavât fûr di "Cjavalì - Glesie di Sant Lenart" di Aministrazion Publiche
cueste s.f.
(cues-te)
Origjin, divignince familiâr (fig.)
esemplis
"no si po migo pretindi di jessi ducj nassûts intune cueste di re"
gjavât fûr di "Cjase di fitâ" di Pieri Somede dai Marcs
detulis
"il mâl dai altris no i juste lis cuestis a dinissun"
torne sù

cognons

Balzàn, Balzani, Balzano
De Campo 2003, 69 al segnale il batisim di Giovanni de Balzan a Trave di Lauc tal 1578, uniche atestazion di chest cognon in chê localitât. O stimìn che si trati di un erôr di leture o di trascrizion par  Balzar, cognon che al à plui documentazion: 1493 Gaspare q. Leonardo de Balzar di Trava (AB), 1516 Leonardo q. Gaspare Balzario di Trava (AB), 1581 Gio. de Balzar giurato di Trava (segnalazions di G. Fantini in De Campo 2003, 110). Balzan / Balzano si podarà, forsit, colegâ al talian balzana o ben, par Cerruti, “guarnizion che si interpon bande la estremitât des viestis, blancjarie e similis". In merit al adietîf balzano, “si lu dîs dai cjavai che a àn i pîts segnâts di blanc e il mantel di un altri colôr" (ibidem). Il significât di “balçan, stramp" al dipent dal caratar cognossût dal cjaval balçan (DELI) e, stant che chê acezion e je documentade almancul dal Cuatricent, o calcolìn plausibil che e puedi vê concorût a formâ il cognon. Dutis trê lis formis cognominâls si lis cjate a Udin. Balzan al è cognon belumat, ma si lu cjate ancje inaltrò tal Venit; Balzani al è romagnûl e slargjât in maniere varie di altris bandis; Balzano al è massime napoletan e dal Sud (CI 143).
torne sù