Tu âs cirût la peraule
bilengâl monolengâl cognons
Tu âs cirût la peraule
balzano
torne indaûr

bilengâl

balzano adi., s.m.
  • 1

    s.m. balçan Copie

    [TS] zool. (di cjaval, che al à une fasse di pêl blanc parsore dai çucui)
    balzano da tre = balçan di trê
  • 2

    adi. stramp, maturli, mataran Copie

    [CO] (che al manifeste alc di strani)
    che pensieri balzani! = ce ideis strambis!

monolengâl

mataran adi., s.m.
(ma-ta-ran)
Che, cui che al à un compuartament strani, ideiis straniis, che nol resone in maniere normâl
sinonims
matucel, maturli, strambel, mataniç, matescul, strambere, murlac, mat, matuç
esemplis
"o crodevi che al fos un mataran cu la sô teorie des divinitâts alienis che a vevin modificât l'om…"
gjavât fûr di "Sense" di Checo Tam
"a jerin dutis strambariis che a vignivin capidis e perdonadis cun facilitât de societât e dal public. “Un campion al devi sei ancje mataran! ” a disevin ducj"
gjavât fûr di "Gjeometriis" di Stiefin Morat
mataran adi., s.m.
(ma-ta-ran)
Che, cui che i plâs la ligrie, che si compuarte in maniere legre o ridicule
sinonims
bacanon, brighele, burlon, compagnon, fraion, fraiot, purcjinel, ridicul, zuiatulon, bufon, paiasso, matucel, zugulon, mataniç, matescul, matuç
esemplis
"al jere un gust a lâ in file là di lôr, un plui mataran e gjubiâl di chel altri, come che a jerin!"
gjavât fûr di "Lis predicjis dal muini" di Josef Marchet
""Ce volêso paron, i alpins e son matarans, ur plâs di mateâ""
gjavât fûr di "Amîs come prime" di Alan Brusini
""Jacum, Jacum o vês ogni dì une gnove, simpri il solit mataran""
gjavât fûr di "Domandait al paron" di Angelo Covazzi
torne sù

cognons

Balzàn, Balzani, Balzano
De Campo 2003, 69 al segnale il batisim di Giovanni de Balzan a Trave di Lauc tal 1578, uniche atestazion di chest cognon in chê localitât. O stimìn che si trati di un erôr di leture o di trascrizion par  Balzar, cognon che al à plui documentazion: 1493 Gaspare q. Leonardo de Balzar di Trava (AB), 1516 Leonardo q. Gaspare Balzario di Trava (AB), 1581 Gio. de Balzar giurato di Trava (segnalazions di G. Fantini in De Campo 2003, 110). Balzan / Balzano si podarà, forsit, colegâ al talian balzana o ben, par Cerruti, “guarnizion che si interpon bande la estremitât des viestis, blancjarie e similis". In merit al adietîf balzano, “si lu dîs dai cjavai che a àn i pîts segnâts di blanc e il mantel di un altri colôr" (ibidem). Il significât di “balçan, stramp" al dipent dal caratar cognossût dal cjaval balçan (DELI) e, stant che chê acezion e je documentade almancul dal Cuatricent, o calcolìn plausibil che e puedi vê concorût a formâ il cognon. Dutis trê lis formis cognominâls si lis cjate a Udin. Balzan al è cognon belumat, ma si lu cjate ancje inaltrò tal Venit; Balzani al è romagnûl e slargjât in maniere varie di altris bandis; Balzano al è massime napoletan e dal Sud (CI 143).
torne sù