Hai cercato la parola
bilingue monolingue
Hai cercato la parola
balzo
Torna indietro

bilingue

balzo
  • 1

    s.m. salt, strabalç Copia

    [CO] (moviment svelt e imburît)
    il rumore gli ha fatto fare un balzo = il rumôr i à fat petâ un salt oppure un strabalç
  • 2

    s.m. salt Copia

    [CO] (progrès cressût a colp)
    la tecnologia informatica ha fatto un altro balzo in avanti = la tecnologjie de informatiche e à fat un altri salt indenant

locuzioni

    cogliere la palla al balzo
  • cjapâ la bale al sbalç, cjapâ la bale cuant che e sbalce, cjapâ i uciei co a passin, cjapâ il balon sul braçâl, lâ a mulin cuant che e je agheCopia
    [CO] (doprâ la ocasion, aprofitâ de situazion)
    • prendere la palla al balzo

monolingue

salt s.m.
Moviment che si fâs distacantsi dal dut de tiere, o di dulà che si è, par tornâ jù tal stes puest o inaltrò, ancje su di un plan plui alt o plui bas
sinonimi
sbalç, zup
esempi
"il jeur al fâs un salt e vie lui!"
da "Cjaçadôrs" di Meni Ucel
"un cjavrûl al petà un salt pôc lontan"
da "La tiere di Lansing" di Maria Forte
"fruts che si rimpinavin sù par cualchi brusse o, i plui ardîts, su di cualchi agacie, par petâ il salt ta la aghe"
da "Cuant che l'Istât al finìs - Ogni etât la sô maravee" di Gianluca Franco
salt s.m.
Moviment di alc che, par efiet de velocitât, dal fat di bati o di une altre fuarce, si distache di tiere
sinonimi
sbalç
esempi
"[lant fûr di strade] cuntun grant salt si sin cjatâts tal mieç di un cjamp, cu la machine dute stuarte e a fîl di un canâl, che al mancjave dome un pas par plombâ dentri"
da "Pre Pitin" di Antoni Beline
"un camion todesc plen di munizions al ven centrât in plen e, dal curtîl dal asîl, al fâs un salt fin sul cuviert de cjase di Pascat, adulà che al reste cu lis ruedis par aiar"
da "Amîs come prime" di Alan Brusini
salt s.m.
Il lâ svelt di un puest a di un altri
sinonimi
corse, sbrissade
esempi
"«Pieri, tu che tu âs gjambe, fâs un salt a cjolinus un boçon di bire.»"
da "La gjaline robade" di Pieri Menis
salt s.m.
Tal pl., spetacul di acrobazie
esempi
"sul marcjât di Sant Scjefin a son za lis cavalaricis e ancje i salts"
da "La tiere di Lansing" di Maria Forte
salt s.m.
Disnivel sec
esempi
"Matie al veve sintût dûl di chei roncs che a levin jù a salts incuintri ai cjamps gras slargjâts te planure, abàs dal cuel dai Moràs"
da "Sul agâr" di Pieri Menis
salt s.m.
Passaç, svelt o in ogni câs net, di une cundizion a di une altre (fig.)
sinonimi
cressude, impenade, montade, sbalç
esempi
"la Italie, finalmentri, in fat di eficience organizative e statistiche, e à fat il salt di cualitât che si sperave e che si spietave"
da "I talians in esodo" di Riedo Pup
"la sô invenzion e à viert une strade e e à fat fâ un “salt tecnologjic” grandiôs"
da "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini
salt s.m.
Diference, distac o interval tal timp, tal spazi, tal ordin logjic e v.i.
esempi
"i fîs di Catine a nasserin un daûr dal altri: Pieri intal cuindis [...]; Nedo e Meni - zimui - intal disenûf; Elide intal vincjeun e - cuntun salt di cinc agns - Jacum"
da "Trê feminis" di Gianni Gregoricchio
proverbi
"ogni cjavret al à di fâ il so saltet"
"ogni cjavret il so saltet"
"ogni zocul al fâs il so salt"
"polente e lat bulît, cuatri salts al è digjerît"
Torna in Cima
Torna in Cima