Hai cercato la parola
bilingue monolingue
Hai cercato la parola
banco
Torna indietro

bilingue

banco
  • 1a

    s.m. bancje, banc Copia

    [FO] (plan par scrivi o inzenoglâsi, a voltis unît cuntune sente, par une o par plui personis)
    i banchi dell'aula di chimica sono rovinati = i bancs de aule di chimiche a son malmetûts
    i banchi della chiesa = i bancs de glesie
  • 1b

    s.m. banc Copia

    [FO] (in parlament e sim., sentis)
    i banchi della maggioranza = i bancs de maiorance
  • 1c

    s.m. banc, scagn Copia

    [FO] (in tribunâl il scagn dal magjistrât o des parts)
    il banco del magistrato = il scagn dal magjistrât
    il banco della difesa = il banc de difese
  • 2a

    s.m. banc Copia

    [FO] (in negozis, uficis e v.i.)
    beviamo un bicchiere al banco = bevìn un tai al banc
    il banco di consultazione della biblioteca = il banc di consultazion de biblioteche
  • 2b

    s.m. barache, bancut Copia

    [FO] (tai marcjâts, puest li che si vent e si compre)
    il banco dei formaggi = la barache dal formadi
    il banco dei salumi = la barache de robe purcine
  • 3

    s.m. bancon, desc Copia

    [FO] (taule di lavôr)
    il banco del falegname = il bancon dal marangon
  • 4

    s.m. bancje Copia

    [TS] (istitût, dipuesit di credits che al faseve operazions di bancje)

    s.m. Bancje Copia

    [CO] (cu la iniz. maiusc., te denominazion di istitûts di credit)
  • 5

    s.m. banc Copia

    [TS] (tai zûcs di cjartis, sume di bêçs che il zuiadôr che al ten zûc al à denant e che e covente par paiâ lis vincitis eventuâls di chei altris zuiadôrs)
    perdere il banco = pierdi il banc
    tenere banco = tignî banc
    vincere il banco = vinci il banc

    s.m. banc Copia

    (il zuiadôr che al ten il banc)
    questa sera vince sempre il banco = usgnot al vinç simpri il banc
  • 6

    s.m. banc, cenglon, cisat, bâr Copia

    [CO] (nûl fis di fumate che al cuvierç un spazi limitât)
    nebbia a banchi fra Palmanova e Aquileia = bârs di fumate oppure fumate a bancs jenfri Palme e Aquilee
    si era alzato un banco di nebbia = si jere jevât sù un cenglon oppure un cisat oppure un bâr di fumate
  • 7

    s.m. banc, scjap Copia

    [CO] (grande cuantitât di pes che si movin ducj adun)
    un banco di acciughe = un banc di sardons
  • 8a

    s.m. banc Copia

    [TS] (ingrum o strât di materiâi di elements naturâi disponûts par lunc)
    ha esplorato il banco corallino = al à esplorât il banc coralifar
    si è fermato su un banco di sabbia = si è fermât suntun banc
  • 8b

    s.m. banc Copia

    [TS] (strât di sediments plui alt di un metri)
    banco fluviale = banc di flum
  • 8c

    s.m. banc Copia

    [TS] (bocon di cret metamorfic a forme di taule)

locuzioni

    banco corallino
  • banc coralinCopia
    [TS] (formazion di corais, di madreporis, alighis o altris organisims calcaris, tipiche des plateformis litorâls dai mârs tropicâi)
    • banco degli accusati
  • [CO] (vedi banco degli imputati)
    • banco degli imputati
  • sot procèsCopia
    (cundizion di cui che al à di difindisi di une acuse)
    devo sempre essere al banco degli imputati = mi tocje simpri di jessi sot procès
  • banc dai acusâts, banc dai imputâtsCopia
    [CO] (in tribunâl, banc là che si sente cui che al è sot procès)
    • banco del lotto
  • banc dal lotCopia
    [CO] (ricevitorie dal lot)
    non buttare via i soldi al banco del lotto = no stâ a butâ vie bêçs al banc dal lot
    • banco di beneficenza
  • [CO] (vedi pesca di beneficenza)
    • banco di comando
  • banc di comantCopia
    [TS] (unitât centrâl di control di un sisteme di strumentazion eletroniche)
    • banco di manovra
  • banc di manovre, banc di comantCopia
    [TS] (part di un implant li che a son i comants par manovrâ a distance i siei dispositîfs)
    • banco di pegni
  • mont di pietâtCopia
    [CO] (bancje che e preste bêçs in cambi di un pegn)
    ha lasciato gli ori al banco dei pegni = al à impegnât lis zoiis tal mont di pietât
    • banco di prova
  • banc di proveCopia
    [CO], [TS] (implant par colaudâ machinaris)
    il prototipo è stato respinto dal banco di prova = il prototip al è stât mandât indaûr dal banc di prove
  • prove vereCopia
    [CO] (event impuartant o decisîf par provâ la bontât o il valôr di alc o di cdn.)
    il banco di prova della squadra sarà la prima partita ufficiale = la prove vere de scuadre e sarà la prime partide uficiâl
    • banco di tipografia
  • banc di tipografieCopia
    [TS] (banc li che si compon e si impagjine un test)
    • banco frigo
  • banc frigorifarCopia
    [CO] (vetrine cun implant frigorifar par esponi aliments di tignî a basse temperadure)
    le bistecche già pronte sono al banco frigo = lis bistechis za prontis a son tal banc frigorifar
    • banco lotto
  • [CO], [OB] (vedi banco del lotto)
    • banco micrometrico
  • banc micrometricCopia
    [TS] (strument di misurazion di precision par lungjecis)
    • banco ottico
  • banc oticCopia
    [TS] (te didatiche di laboratori, aparât par esperiments di otiche)
  • banc oticCopia
    [TS] (plan o struture di tubis li che e scor une machine fotografiche di formât grant)
    • banco prova
  • [TS] (vedi banco di prova)
    • banco vibrante
  • [TS] (vedi tavola vibrante)
    • carta da banco
  • cjarte di involuçâCopia
    [CO] (cjarte di involuçâ doprade tes buteghis)
    • da banco
  • di bancCopia
    [CO] (di prodot farmaceutic che si pues vê cence recipe dal miedi)
    la crema per la pelle è un prodotto da banco = la creme pe piel e je un prodot di banc
    • far saltare il banco
  • fâ saltâ il bancCopia
    [CO] (in zûcs di azart vinci dute la pueste)
    con quella fortuna è capace di far saltare il banco = cun chê fortune al è bon di fâ saltâ il banc
    • partita di banco
  • partide di banc, scritureCopia
    [CO], [TS] (credit di un client scrit sui regjistris di une bancje o altris istituzions finanziariis)
    • potenza al banco
  • potence al bancCopia
    [TS] (potence di un motôr misurade sul banc di prove)
    • scaldare il banco
  • scjaldâ il bancCopia
    [CO] (lâ a scuele par scugne, cence nissune passion)
    quei bambini vengono a scuola solo per scaldare i banchi = chei fruts a vegnin a scuele nome che par scjaldâ i bancs
    • tenere banco
  • tignî bot, tignî banc, tignî bancje, tignî sù dut, tignî sù la compagnie, stâ tal mieç, jessi tal mieçCopia
    [CO] (jessi il centri de conversazion)
    è sempre lui che tiene banco = al è simpri lui che al ten sù la compagnie

monolingue

barache s.f.
(ba-ra-che)
Costruzion fate di materiâl grês e puar, doprade tant che magazen o ancje tant che cjase misare, soredut par tignî a durmî lavoradôrs, soldâts, presonîrs o puare int
sinonimi
cjason, scarabere, caboite, cabôt, taboghe, carabere
esempi
"la barache dai imprescj"
"tai comuns taramotâts a forin tiradis sù, cuasi simpri dongje dai paîs distruts, une desene di “baracopolis” fatis di cjasis prefabricadis e barachis"
da "La culine furlane" di Luigina Di Giusto, Andrea Guaran e Mauro Pascolini
"o ai trê fruts e l'om ducj intun grum, intune barache dulà che al plûf pardut"
da "Cjase di fitâ" di Pieri Somede dai Marcs
"il lager al è un sierai cu la filiade ator ator e dentri cu lis barachis dai presonîrs"
da "Storie di Min" di Ivano Urli
barache s.f.
(ba-ra-che)
Cjase une vore malsestade
sinonimi
scrosop, scrusup, taboghe, casope
esempi
"a son a stâ tune barache di cjase, frede di Invier e cjaldone di Istât"
barache s.f.
(ba-ra-che)
Tai marcjâts, puest li che si vent e si compre
sinonimi
barachin
esempi
"in bande nome i colaçârs cu lis lôr barachis di angurie o di mandolât"
da "I furlans e lis sagris" di Riedo Pup
"i fantats invezit lant a messe grande a compravin su la barache in place nolis miestiis, bagjigjis e coculis"
da "I siops" di Pieri Menis
"Jacum tai paîs dongje, nol mancjave mai par vie che la sô barache e faseve colôr e la int lu viodeve vulintîr"
da "Fradi dal plevan" di Angelo Covazzi
barache s.f.
(ba-ra-che)
Imprese o ativitât economiche (coloc.)
esempi
"cussì o viodarês cui vuestris voi ce che e reone la barache"
da "Prime di sere" di Carlo Sgorlon
barache s.f.
(ba-ra-che)
Famee, soredut tant che grup di personis che a àn di cjatâ avonde bêçs par vivi
sinonimi
barcje
esempi
"ma la sô no jere avarizie, si ben une necessitât dai timps e soredut, par lui, une robe naturâl, abituât come che al jere a mangjâ a cjase polente e lidric, e fûr doi centesims di pan e cinc di vin, par podê tirâ indenant la barache de famee"
da "Gno nono" di Pieri Menis
"e veve cuatri fruts e nome i doi braçs dal so om, che al faseve il manoâl, par parâ indenant la barache"
da "Cretevierte" di Roberto Ongaro
barache s.f.
(ba-ra-che)
Fieste
sinonimi
fraie
esempi
"lâ a fâ barache cui amîs"
barache s.f.
(ba-ra-che)
Situazion confusionarie
sinonimi
confusion, mismàs, casin, berdei, gredei
esempi
"une reson par che gjenitôrs insegnants e dirigjents scolastics a refudassin la lenghe furlane cause di tante barache"
da "Memoriis di politiche linguistiche" di Adrian Cescje
"se no si fâs alc, ca al va a finî dut in barache"
barache s.f.
(ba-ra-che)
Ent statâl o parastatâl che nol è produtîf (fig.)
sinonimi
baracon
esempi
"si trate simpri di une barache cussì complicade, cussì pesante, viere e mâl dade dongje, che no podarès mai rispuindi aes dibisugnis de nazion"
da "La scrassigne" di Josef Marchet
barache s.f.
(ba-ra-che)
Femine che e vent prestazions sessuâls, o di pocje moralitât, massime tant che ofese (volg.)
sinonimi
piore, svualdrine, putane, scrove, svualde, femenate, troie
esempi
"a someavin fûr di cjâf pe rabie, e le clamavin strie, civuite, barache, svualdrine"
da "Ombris tal infinît" di Carlo Sgorlon
barache s.f.
(ba-ra-che)
[BF] Persone pôc oneste (ancje scherç.)
sinonimi
ligjere, birbant, barabe
Torna in Cima
Torna in Cima