Tu âs cirût la peraule
bilengâl monolengâl
Tu âs cirût la peraule
baraccopoli
torne indaûr

bilengâl

baraccopoli s.f.inv.
  • 1

    s.f.inv. baracopoli Copie

    [CO] (complès di barachis li che a vivin personis emargjinadis, soredut inte perifarie di une grande citât)
  • 2

    s.f.inv. cjamp, baracopoli, tendopoli Copie

    [CO] (complès des barachis li che al ven metût in vie provisorie cui che al à pierdût la cjase par vie di taramots, aluvions e v.i.)
    nelle baraccopoli si erano formati comitati per organizzare la ricostruzione = tes baracopolis si jerin dâts dongje comitâts par organizâ la ricostruzion

monolengâl

cjamp s.m.
Toc di tiere coltivade
sinonims
mitât, peçâl, ordenâl, fîl, furip
esemplis
"un cjamp di forment"
"cjamps di blave"
"lavorâ un cjamp"
"a voltis la Lisute si cjapave sù e e lave ancje jê tal cjamp a judâ so pari che al dave di côt al falcet"
gjavât fûr di "La fie çuete" di Maria Forte
"tancj cjamps a jerin stâts vendûts vie pai agns, ma a jerin restâts, di istès i prâts vierts dal Lavio pal fen di une vacje e lis vîts gropolosis dal Costeon, e ancje i cjamps dal Abìs e dal Nasoç. Ma chê tiere e finive in bumbuie e cualchi bolç insom al jere palût"
gjavât fûr di "Cjase di Dalban" di Maria Forte
"Lui mi capìs no mo, culì a van di mieç i lôr interès, i cjamps, lis stalis, i boscs; a riscjaressin di jessi tocjâts"
gjavât fûr di "I forescj" di Alan Brusini, Gian Paolo Linda
"lassâ un cjamp in vieri"
"lassâ un cjamp in pustot"
"cuant che al sarès muart, i varès lassât la cjase, i cjamps e dut ce che al veve"
gjavât fûr di "Faliscjis" di Cristina Noacco
"par lâ e tornâ i coventavin un pâr di oris. E taiave pai cjamps, dilunc vie trois e stradelis che e cognosseve dome jê"
gjavât fûr di "Trê feminis" di Gianni Gregoricchio
cjamp s.m.
Zone di planure, dispès ancje maiuscul tant che toponim
sinonims
taviele, plane, plan, plagne, planure, campagne
esemplis
"i colôrs frescs de Cjargne, dilunc dal Tiliment di cristal cul soreli che al lacje di lûs la strade e al impie lis clevis jenfri ramaçs di miluçârs e cjantis di aghe, si smocjin ca jù tai vueits dal Cjamp di Osôf"
gjavât fûr di "Friûl di Sierade" di Dino Virgili
cjamp s.m.
(milit.) Spazi di operazions militârs
esemplis
"cjamp des manovris"
"cirî di puartâ la bataie suntun cjamp favorevul"
"inte logjiche de cortine di fier il [Friûl] al jere zone di confin strategjic e cussì une grande part dal so teritori al jere a disposizion dai militârs, sedi cun casermis, cjamps di esercitazion, poligons e v.i."
gjavât fûr di "Un Friûl difarent: i 90 mhz di Onde Furlane" di Max Mauro
cjamp s.m.
(milit.) Instalazion militâr o sim., massime temporanie
sinonims
baracament, incjampament
esemplis
"plantâ il cjamp"
"gjavâ il cjamp"
cjamp s.m.
Sît provisori par passâ la gnot o une cierte dade di timp
esemplis
"un cjamp di zingars"
cjamp s.m.
Sît organizât des autoritâts o che si da dongje par dibisugne, formât pal plui di tendis o barachis, li che al ven metût in vie provisorie cui che al à pierdût la cjase par vie di taramots, aluvions, vueris e v.i.
esemplis
"fâ une donazion par mandâ medisinis tun cjamp di rifugjâts"
cjamp s.m.
(sport) Aree o teren destinât ae ativitât sportive
esemplis
"cjamp di atletiche"
"cjamp di balon"
"cjamp di tenis"
cjamp s.m.
Complès di argoments leâts tra di lôr (fig.)
sinonims
aree, setôr, sfere, dissipline
esemplis
"tal cjamp dai media la richieste e jere chê di “permeti l'ûs di radio e televisions locâls in formis che a garantedin une comunicazion continue e valide a nivel des singulis comunitâts”"
gjavât fûr di "La Cjarte di Strasburc dal 1981. Une Risoluzion “storiche” e ancjemò di atualitât" di Marc Stolf
"cualchi volte ti ven l'aviliment parcè che tu viodis che tai cjamps religjôs, oltri che civîi, i sorestants a no capissin ce che al covente"
gjavât fûr di "La glesie di Aquilee e je stade une mari che nus à fats nassi e cressi come popul" di Francesc Placerean
"la stesse casualitât des cumbinazions, sperimentade intal cjamp leterari, e à dimostrât che la creazion artistiche e pues sei simulade, o propit realizade, dal elaboradôr"
gjavât fûr di "Il brevet" di Mario Turello
"il Logos elenic al fo chel passâ des osservazions di un cjamp fenomenic aes “teoriis” costruidis su principis"
gjavât fûr di "Viaç aes origjins dal Logos" di Adrian Cescje
cjamp s.m.
[TS] (fis.) Grandece fisiche no materiâl distribuide tal spazi e tal timp, che ogni so pont si pues cubiâlu a un vetôr che al rapresente par solit une fuarce
esemplis
"il grant salt al è la cuantizazion di chel particolâr cjamp che al è il cjamp gravitazionâl - ven a stâi la cuantizazion de stesse Relativitât Gjenerâl"
gjavât fûr di "Teologjie algjebriche" di Sergio Cecotti
cjamp s.m.
[TS] (fis.) Regjon misurabile dal spazi
esemplis
"cjamp di misurazion"
cjamp s.m.
[TS] (cinem.) Part de sene che e jentre tal angul dal obietîf
cjamp s.m.
[TS] (pit.) Sfont dulà che a son logadis lis figuris di une piture o di un basrilêf
cjamp s.m.
[TS] (erald.) Colôr di sfont intun scût
esemplis
"la steme e je une acuile di aur coronade in cjamp perlin"
gjavât fûr di "Statût de Provincie di Udin" di
cjamp s.m.
[TS] (numism.) Spazi tra la figure e l'ôr di une medaie o di une monede
cjamp s.m.
[TS] (inform.) Sezion unitarie di informazion parentri di un record
detulis
"a Sant Martin al vûl il forment tal cjamp o tal mulin"
"bêçs in bancje e ledan tal cjamp"
"cjamp sierât al è mieç coltât"
"cui che al à buine voie di lavorâ, al è plui siôr di cui che al à sîs cjamps di arâ"
"cui che al à un sôl cjamp al fâs un ort, cui che al à un sôl fi al fâs un porc"
"cui cjamps si fâs la cjase, nome cu la cjase si mangje i cjamps"
"il cjamp plen di jerbaç e il prât grintôs a palesin il paron oziôs"
"il cjamp plen di jerbatis e il prât grintôs a palesin il paron oziôs"
"il flôr tal cjamp, lu jude ogni sant; l'om tal mont, Diu lu jude ogni tant"
"il mulin al è un bon cjamp e la glesie une grande famee"
"il sorc tal cjamp bisugne che lu judi ogni sant"
"ogni cjamp la sô jentrade"
torne sù
torne sù