Tu âs cirût la peraule
bilengâl monolengâl cognons
Tu âs cirût la peraule
barbaro
torne indaûr

bilengâl

barbaro adi., s.m.
  • 1

    s.m. barbar Copie

    [TS] stor. (forest, par Grêcs e Romans antîcs)
  • 2

    s.m. barbar Copie

    [AU] (dai popui che a àn invadût l'Imperi Roman)
    le migrazioni dei barbari = lis migrazions dai barbars

    s.m. barbar, barbaric Copie

    (adi.)
    costumi barbari = costumancis barbaris
  • 3a

    adi. salvadi, barbar Copie

    [AU] (di une maniere di fâ fûr di ogni regule)
    modi barbari = mûts barbars

    adi. salvadi, barbar Copie

    (crudêl)
    una violenza barbara = une violence salvadie
  • 3b

    s.m. salvadi, barbar Copie

    [AU] (che al à mûts di incivîl)
    quel tuo amico è un barbaro = chel to amì al è un salvadi

    s.m. salvadi, barbar Copie

    (che al à mûts crudêi)
  • 4a

    adi. barbar, strambît, bastardât Copie

    [CO] (plen di barbarisims)
    parla un friulano barbaro = al fevele un furlan strambît oppure bastardât
  • 4b

    adi. barbar Copie

    [TS] let. (che al rinove te poesie moderne i ritmis di chê classiche cuantitative)
    metrica barbara = metriche barbare

monolengâl

salvadi adi.
(sal-va-di)
Di plante o animâl, che al vîf libar in nature, cence jessi coltivât o arlevât o tignût dal om
sinonims
spontani
esemplis
"tal mieç dai pins, a colp, si cjatave un prât florît di rosutis salvadiis"
gjavât fûr di "Cemût che o soi restât caporâl" di Pieri Menis
"un scjap di uciei neris a traviersavin il cîl, svolant in rie come gruis o razis salvadiis"
gjavât fûr di "Prime di sere" di Carlo Sgorlon
Viôt ancje: selvadi
salvadi adi.
(sal-va-di)
Di bestie di cjase, pôc mugnestre
esemplis
"cualchi cjanat salvadi al urlave di lôf vie pe taviele"
gjavât fûr di "La aghe da pît la cleve" di Dino Virgili
salvadi adi.
(sal-va-di)
Di un puest, che nol è tignût in culture, che nol à int a vivi o che a 'nd à pocje, che al è lontan di altris puescj dulà che e vîf plui int, che al da pocjis risorsis par vivi o par stâ cun comoditât
sinonims
pustot
esemplis
"dîs oris di cjaminade, intun ambient salvadi e cence aghe"
gjavât fûr di "Faliscjis" di Cristina Noacco
"[rivâts in Carintie] dopo lis streturis salvadiis dal Cjanâl dal Fier, ur pareve come di dismovisi intun zardin"
gjavât fûr di "La aghe da pît la cleve" di Dino Virgili
"il «Cuel de tese», une cuche salvadie, plene di clapigne, cun cisis bassis di çamars"
gjavât fûr di "Destins" di Pieri Menis
salvadi adi., s.m.
(sal-va-di)
Che, cui che al vîf in maniere primitive (ancje spres.)
sinonims
indigjen, primitîf
esemplis
"[I Langobarts] no jerin salvadis vignûts fûr dai boscs: une vore di lôr a jerin stâts in Italie a batisi cuintri i bizantins, dongje dai gotics, e a cognossevin benon il paîs e lis usancis"
gjavât fûr di "Cuintristorie dal Friûl fin sot la Italie" di Josef Marchet
"blestemis intun lengàs di salvadis"
gjavât fûr di "Catinuta" di Ugo Pellis
salvadi adi., s.m.
(sal-va-di)
Che, cui che nol à o nol mostre afiet, compassion, sintiments positîfs, che nol à rispiet pes normis di convivence (fig.)
sinonims
barbar, incivîl
esemplis
"chel altri al jere simpri stât, cun ducj, un salvadi prepotent"
gjavât fûr di "Varc di confin" di Maria Forte
salvadi adi., s.m.
(sal-va-di)
Che, cui che nol à plasê di stâ tant dongje di chei altris
sinonims
asociâl, ruspi, ruspiôs, storpeôs
esemplis
"[lis aganis] no jerin tristis, ma nome un tic salvadiis"
gjavât fûr di "Lis aganis" di Josef Cjargnel
"Luzie no veve mai cjolt un centesim di chei bêçs, ma i plaseve di viodi, di savê cetancj che a 'ndi veve chel salvadi di cugnât vedran"
gjavât fûr di "A uciei cu lis archetis" di Pieri Menis
salvadi adi.
(sal-va-di)
Che nol à limits, che nol rispiete regulis (fig.)
esemplis
"Saro-Wiwa al veve vuidât une lote no violente par difindi il so popul cuintri des multinazionâls dal petroli [...] responsabilis dal sfrutament salvadi e dal incuinament de regjon dal delta dal Nigjer"
gjavât fûr di "Teritoris - Oms di Libertât" di Carli Pup
salvadi s.m.
(sal-va-di)
Dome sing., puest là che e je une vegjetazion spontanie
esemplis
"al varès cambiât la muse a chel teren rampit e glereôs. [...] Al sarès rivât a fâ florî chel salvadi"
gjavât fûr di "Semenant tal salvadi" di Galliano De Agostini
salvadi s.m.
(sal-va-di)
Dome sing., complès des bestiis salvadiis, spec. in riferiment al fat di cjaçâlis e mangjâlis
esemplis
"lâ a cjace. Chê sì, che si svariisi tai cjamps e si torne dongje cu la sgoife sglonfe di salvadi par meti te cite"
gjavât fûr di "Par stradis lungjis" di Alan Brusini
"boscs che a i dismovevin tal pinseir il gust seneous da li ori di cjaça, li vuaiti, i trims dal salvadi socorât, li bracadi dai cjans"
gjavât fûr di "Il sâr Menon" di Novella Cantarutti
detulis
"no bisugne pierdi il dumiesti pal salvadi"
"no stâ mai pierdi il dumiesti pal salvadi"
torne sù

cognons

Barbaro
Par De Felice 1978 al è un cognon difondût pal plui intal Sud, e in maniere sporadiche intal Nord, al à origjins e tradizions diviersis, che dispès no si puedin plui identificâ e distingui. Ae base a puedin di fat jessi il non latin Barbarus, formât dal adietîf barbarus che, in origjin, al voleve dî “barbot“, ma che dopo al à significât “forest", o un sorenon etnic, formât di bàrbaro, che al podeve indicâ sedi i varis individuis e grups gjermanics che si son logâts in Italie inte alte Ete di Mieç, sedi i no cristians, e massime i Arabics e i Môrs presints in variis zonis talianis dal secul VIII ae etât moderne. Intal Schedari Corgnali: 1339 presb. Barbaro de Fanna Canon. Concordiese; 1556 fra Tiberio Barbaro procurator del Convento di S. Lucia di Udine; 1569 Zuan Barbaro de Quals. Presint a Cjaurlis, Pordenon e Udin (si lu cjate tes provinciis di Vignesie e di Trevîs, in plui che intal Meridion de Italie).
fonts
Dal Cuatricent indevant in Friûl a son une lungje schirie di Barbaro, tant che Patriarcjis, Lutignints, Proveditôrs, e v.i., rivâts di Vignesie. 1510, ai 27 di Dicembar Gio. Antonio Barbaro Provveditore di Cividale (ANU 727); 1613, ai 19 di Setembar Francesco Barbaro patriarca – era in S. Daniele (Filze); 1563 Matrimonio e patti dottali tra il nob. Gio. Batta Panigai et la Mag.ca Sig.ra Zuana fu Cl.mo Ser Franc. Barbaro (ASU Panigai 215); 1615, ai 21 di Avost Francesco Barbaro patriarca – era in S. Vito (Filze); 1618, ai 20 di Fevrâr Antonio Barbaro, f.llo dei patriarchi – era venuto Generale dell’Armi nella Patria del Friuli (Guerra di Gradisca) – (Filze); 1678, ai 22 di Novembar Per la nascita di un figlio al Provv. Giacomo Barbaro, in Consiglio di Pordenone delibera un dono di 40 ducati (Candiani, 1902); 1715, ai 13 di Març Angelo Barbaro di Giovanni da Udine S. Giacomo (Filze); 1756 Maso del Nob. Barbaro d.° di Madama da Gorgo, in Lison (ASU CRS 498/2); 1762 Antonio Barbaro notaio di Udine (ASU); 1781 Nob. Sig. Alessandro Barbaro, fittuale della Fraterna di San Rocco di Morsano di Prata (ASU CRS 291); 1796, ai 11 di Lui Zorzi Barbaro Provv. e Capitano di Pordenone (ACR 368/3); 1816 muore a Sacile Angela Barbaro di Giovanni di anni 71, tessitrice, nativa di Castel Franco (A.P. Sacîl); 1866 Campagna del 1866: Marco Barbaro, volontario di Pordenone accorso in difesa della Patria, Milite (Candiani, 1902).
Barbarotto
Incressitîf di Barbaro (viodi). Presint a Brugnere, Pordenon e Rivignan (si lu cjate ancje tes provinciis di Palermo e di Enna).
torne sù