SuperDizionari

Tu âs cirût la peraule

barcata

bilengâl

barcata s.f.

barcje s.f.
(bar-cje)

Mieç di traspuart fat par lâ su la aghe, in gjenar no masse grant, a vele, a rems o a motôr

sinonims

batel, batele

esemplis

"il rem mâl diret da una sola di chês mans debilis, al saltà fûr dal so puest, e la barcja si zirà un pôc da una banda, come mâl guviarnada"

gjavât fûr di "Il me paîs" di Federigo Comelli

"un ram di mâr, che tai dîs di buere pocjis barcjis a olsavin frontâ"

gjavât fûr di "Int no consumade" di Agnul di Spere

barcje s.f.
(bar-cje)

Cuantitât di robe puartade in chel mieç di traspuart

barcje s.f.
(bar-cje)

Imprese o situazion o ancje famee di mandâ indenant (coloc.)

esemplis

"e veve sintût a colp che la barcje dulà che si jere imbarcjade [la famee dal om] e jere lade in doi tocs, che cumò a lavin ognun par so cont"

gjavât fûr di "Chei di Muraie" di Pieri Menis

"dai partîts nol è mai di infidâsi: a manovrin la barcje seont la buere che e sofle par lôr"

gjavât fûr di "Furlans autonomiscj platonics" di Josef Marchet

barcje s.f.
(bar-cje)

In paragons o metaforis, in riferiment a une persone une vore grasse (coloc.)

sinonims

baghe, caratel

esemplis

"la Marceline che e zirave par cjase gruesse come une barcje"

gjavât fûr di "Cjase di Dalban" di Maria Forte

"Margarite, che è une barcje, / par fâ vite scarmuline / dut cuant l'an e se la marcje / cu la pure spolvarine"

gjavât fûr di "Cjalait ce che son" di Pieri Çorut

torne sù