Barón o Barone al jere un non di persone, di divignince gjermaniche, doprât te Ete di Mieç. Al jere ancje deventât sinonim di “birbant, furbat" e, pai fruts, "berechin" (si ricuarde la locuzion al è plen di baronade) e, in cheste forme, al pues vê gjenerât sorenons deventâts cognons. Il non di persone Baronus al è, dut câs, za presint tal NA; tal 1329 il cjamerâr glemonàs Biagio al regjistre Dedi Barono de Camuçacho pro octo lapidibus regis unam marcham denariorum aquillegensium; Baruninus de Utino tal1330; un Simon Baron si lu cjate a Vençon tal 1336, un çuan baron a Are di Tresesin tal 1450; tal Obituari di Tresesin Baron d’Ara, Baron filius Stephani de Agra, Barronus filius Stephani pillizarii de Agra, e v.i. Intal Schedari Corgnali: 1299 in terra Baronis Scinilini a Glemone; sec. XIII Martinus Baron de Bultinico a Cividât; 1323 Barono q. Iacobi de Clauceto; 1336 Simone Baron a Vençon; 1416 Iohannes q. Baroni de Agra; 1462 Barone Simeone q. Iohannis de Raccolana.
Al è un cognon te Glemone dal Cinccent (1546 Joannes Thomas filius magistri Andrea Baron). La forme Baron e je avonde slargjade a Pontêbe e si le cjate ancje a Pramaiôr, Udin, Cordenons, Paulâr, Ariis di Rivignan, Rivignan, Bibion, Pucinie, San Zorç di Noiâr. Lis formis Barone e Baroni si lis cjate a Udin (la seconde ancje a Puart) e Pordenon.
A Maniaie di Glemone il toponim Pravarons al varès di vignî di Pra Baron, po dopo passât al plurâl. A Gjian di Cividât, l'atuâl Pravaron al jere scrit Prat Baron tal Cinccent.
fonts
1574 Colaus Baroni (o Baronus) olim Blasij della Vicinia Muimaci (ASU CRS 107); 1593, 12 nov. Bernardo Barone da Godia accusato di uso di cibi proibiti (ACAU – Inq. pr. 233); 1604, 6 maggio Sig. Giovanni Baroni mercante d’olio e sapone di Venezia – creditore di Ser Franc. Locatello di S. Daniele duc. 60 cui viene incantata casa (ANU 3939); 1604 Camillo Baron ortolan di Pordenon fittuale Sigg. Popaite (ASU Popaite 6.4); 1618 Bernardin Baron q. Pietro di Azzano (ASU CRS 206/1); 1618 m.° Piero Baron, gastaldo Fraterna dei Battuti di Pordenone (ASU CRS 367/1); 1636 don Joseph Baroni de Glemona (ACAU); 1643, 14 novembre don Giuseppe Baron (o Baroni) capp. di Sottoselva e S. Lorenzo – diffidato dall’offendere o molestare ser Pietro Cossa di Palma (Patriarcalis); 1653, 21 genn. Dario Baron Ney da Cormons accusato di lettura di libri proibiti (ACAU – Inq. pr. 219); 1665 don Stefano, Filippo e Rocco f.lli q. Andrea Fortini di Pordenone – eredi residuari di Varaschina ved. q. Pietro Baron (ACR 380); 1816 Cattarina figlia d’Antonio Baron di Pontebba, artigiana, sposa Francesco di Bortolomio Cargnelutti di Gemona, agricoltore (A.P. Pontebba); 1930 al mûr Isidoro Baroni, cjapitani di marine, astronom. Al jere nassût tal 1863 a Davâr (Nazzi, 1992).
[CO] (cui che al imbroie tal zûc di cjartis)il casinò ha espulso un baro = il casinò al à parât fûr un baradôr