Tu âs cirût la peraule
bilengâl monolengâl
Tu âs cirût la peraule
battere
torne indaûr

bilengâl

battere v.tr., v.intr., s.m.
  • 1a

    v.tr. bati Copie

    [FO] (dâ jù plui voltis su di alc)
    battere chiodi = bati clauts
    battere i materassi = bati i jets
    battere i panni = bati i vistîts
    battere il tappeto = bati il tapêt
  • 1b

    v.tr. petâ, pacâ Copie

    [FO] (dâ jù, petâ jù a cdn.)
    il padre lo ha battuto = so pari lu à petât oppure i à petât
  • 1c

    v.tr. tibiâ, bati Copie

    [FO] (bati par dividi i grans de bule o dal curubul)
    battere i fagioli = bati i fasûi
    battere il grano = tibiâ il forment

    v.tr. bati, scomâ, davoni Copie

    (bati par fâ colâ)
    battere le nocciole = bati nolis
    battere le noci = bati coculis
  • 1d

    v.tr. bati Copie

    [FO] (segnâ cun colps o bots)
    battere il piede suonando la chitarra = bati il pît sunant la ghitare
    le campane hanno battuto le tre = lis cjampanis a àn batût trê bots
  • 1e

    v.tr. bati Copie

    [TS] sport (massime tal balon, tirâ la bale par tacâ o par tornâ a tacâ il zûc daspò di une infrazion)
    battere un calcio di rigore = bati un rigôr
    battere una punizione = bati une punizion
  • 1f

    v.tr. bati Copie

    [TS] sport (tal tenis, tal volley o bale a svol e v.i., fâ une batude, ancje ass.)
    battere la palla decisiva = bati la bale decisive
    ha battuto lungo = al à batût lunc
  • 2a

    v.tr. bati, petâ, dâ dentri Copie

    [FO] (dâ un colp, pocâ cence volê cuintri di alc)
    attento a non battere la testa = stâ atent di no bati il cjâf
  • 2b

    v.tr. bati Copie

    [CO] (movi svelte une part dal cuarp)
    battere la coda = bati la code
    battere le ali = bati lis alis
    battere le ciglia = bati i ceis
  • 3

    v.tr. bati Copie

    [CO] (scrivi cuntun imprest a tastiere)
    il testo deve essere battuto a macchina = il test al à di sei batût a machine
  • 4

    v.tr. bati Copie

    [TS] milit. (colpî un obietîf cun tancj tîrs di artiliarie)
    il settore è stato battuto da fuoco intenso = il setôr al è stât batût di fûc fis
  • 5a

    v.tr. passâ, bati Copie

    [CO] (passâ pardut, soredut par cirî alc)
    abbiamo battuto il bosco in cerca di funghi = o vin passât il bosc a cirî foncs
    la polizia batte il quartiere = la polizie e bat il cuartîr

    v.tr. bati, cjapâ, sielzi Copie

    (sielzi tra plui pussibilitâts par rivâ a di un obietîf)
    battere una pista sbagliata = bati oppure sielzi une piste falade
  • 5b

    v.intr. bati, bati il marcjepît Copie

    [CO] (prostituîsi su la strade)
    la ragazza batteva da tre mesi = la fantate e bateve il marcjepît di trê mês incà
  • 6

    v.tr. bati, lâ parsore Copie

    [FO] (vinci cdn.)
    battere gli avversari = bati i aversaris
    sono riuscito a battere il campione = o soi rivât a bati il campion

    v.tr. bati Copie

    (miorâ)
    battere il primato mondiale = bati il primât mondiâl

    v.tr. bati Copie

    (jessi miôr di cdn.)
    battere in furbizia = bati in furbetât
    battere nella forza = bati te fuarce
  • 7

    v.tr. bati Copie

    [TS] topogr. (rilevâ la posizion planimetriche e altimetriche cul partî dal pont di stazion)
    bisogna battere le quote = bisugne bati lis cuotis
  • 8a

    v.intr. bati, petâ Copie

    [FO] (pocâ su alc)
    battere col sedere per terra = bati cul cûl par tiere
  • 8b

    v.intr. bati Copie

    [FO] (colâ su alc, soredut cun regolaritât)
    la pioggia batte sui coppi = la ploie e bat sui cops

    v.intr. bati Copie

    il sole batte sul versante meridionale della montagna = il soreli al bat su la cueste meridionâl de mont
  • 8c

    v.intr. bati, tucâ Copie

    [CO] (bati par che a vierzin)
    battere alla porta = bati la puarte
  • 9

    v.intr. bati Copie

    [FO] (pulsâ)
    il cuore batte con regolarità = il cûr al bat regolâr
    sento il cuore che mi batte in testa = o sint il cûr che mi bat tal cjâf

    v.intr. bati, tremâ Copie

    (pulsâ plui fuart dal normâl, par fadie, emozion, pôre e sim.)
    le batteva il cuore per la paura = i tremave il cûr di pôre
    mi batteva il cuore per la gran corsa = mi bateve il cûr pe grande corse

    v.intr.

    (in loc.v., inamorâ)
    fare battere il cuore a un ragazzo = fâ bati il cûr a un fantat
  • 10

    v.intr. bati, bati dûr Copie

    [CO] (insisti)
    battere e ribattere = bati e tornâ a bati
    batteva su quell'argomento = al bateve dûr su oppure al tocjave chel cantin
  • 11a

    s.m. bati Copie

    [TS] mus. (dome sing., segnâl di ritmi di un diretôr di orchestre, di un mestri di musiche)
    il maestro batte il tempo = il mestri al bat il timp
  • 11b

    v.tr. bati Copie

    [TS] mus. (dome sing., timp fuart di une batude musicâl)
    cominciare in battere = scomençâ in bati

locuzions

    battere a macchina
  • bati a machine, scrivi a machineCopie
    [CO] (datilografâ)
    batti a macchina queste righe = bat a machine chestis riis
    • battere a tutte le porte
    battere bandiera
  • [CO] (spec. di barcjis e avions, presentâ la bandiere dal stât, apartignî a di un stât)
    una nave battente bandiera turca = une nâf cun bandiere turche
    • battere cassa
  • bati la catoliche, scuedi, batileCopie
    [CO] (domandâ bêçs)
    viene continuamente a battere cassa = al ven ogni moment a scuedi
    • battere i denti
  • bati i dincj, bati lis brucjis, bati la barbeCopie
    [CO] (tremâ par frêt, pôre, fiere e v.i.)
    • battere i piedi
  • bati i pîts, pestâ i pîtsCopie
    [CO] (pandi malpazience, gnervôs)
    il bambino batteva i piedi perché voleva il dolce = il frut al pestave i pîts parcè che al voleve il dolç
    • battere i pugni sul tavolo
  • bati i pugns, bati i pugns su la taule, pestâ i pugnsCopie
    [CO] (in riferiment a la puartade simboliche dal at, meti leç in maniere autoritarie)
    batte i pugni sul tavolo e non ragiona = al bat i pugns su la taule e nol resone
    • battere il capo nel muro
    battere il culo in terra
  • bati il cûl par tiere, lâ cul cûl par tiere, finî cul cûl par tiereCopie
    [CO] (fâ un erôr, falâ in alc)
    ci ha provato, ma ha finito per battere il culo in terra = al à provât, ma al è lât cul cûl par tiere
    • battere il ferro finché è caldo
  • stuarzi la tuartie fin che e je frescje, bati il fier fin che al è cjaltCopie
    [CO] (dâi dentri tal moment just)
    • battere il ferro quando è caldo
    battere il marciapiede
  • bati il marcjepît, batiCopie
    [CO] (prostituîsi)
    era una ragazza perbene, ora batte il marciapiede = e jere une fantate di sest, cumò e bat
    • battere il tacco
  • [CO] (cjale alzare i tacchi)
    • battere il tamburo
  • [CO] (cjale battere la grancassa)
    • battere in ritirata
  • bati il tac, cjapâ il trenteun, fâ ritirade, fâ gambin, cjapâ il trê di cope, bati il dûrCopie
    [CO] (spec. fig., scjampâ vie)
    ha battuto in ritirata prima di prenderle = al à fat ritirade prime di cjapâlis
    • battere in testa
  • batileCopie
    [CO] (compuartâsi in mût stramp, pandi scuilibri mentâl)
    sei matto? Ti batte in testa? = sêstu mat? Le batistu?
  • bati in testeCopie
    [CO], [TS] mec. (di motôr a sclop, produsi un sunsûr particolâr cuant che la combustion no je regolâr)
    • battere la fiacca
  • distirâ la sflacje, bati la sflacjeCopie
    [CO] (lavorâ pôc e nuie, di malevoie)
    lavora! Non battere la fiacca! = lavore! No stâ a bati la sflacje!
    • battere la grancassa
  • bati il tambûr, sunâ il tambûrCopie
    [CO] (pandi notiziis e peteçs cun grant rivoc)
    • battere la stecca
  • (fâ notâ in mût scherçôs a cdn. di sei stât miôr di lui, di vêlu batût in alc e v.i.)
    non contento, gli batteva la stecca = ancjemò no apaiât i deve a diviodi che al veve vinçût lui
  • bati la stecheCopie
    [CO] (cjoli vie, cuntun mot tipic dai dêts, cui che al à di fâ il servizi militâr)
    • battere la strada
  • [CO] (cjale battere il marciapiede)
    • battere la testa contro il muro
  • bati il cjâf tal mûr, no savê dulà bati il cjâf, dâ il cjâf tal mûrCopie
    [CO] (disperâsi)
    • battere la testa nel muro
    battere le mani
  • bati lis mans, sbati lis mansCopie
    [CO] (aplaudî)
    il pubblico ha battuto le mani al suo intervento = il public al à batût lis mans al so intervent
    • battere moneta
  • bati monede, meti fûr monedeCopie
    [CO], [TS] (di une autoritât statâl, stampâ monede)
    • non battere chiodo
  • no bati un clautCopie
    [CO] (no fâ nuie nuie di ce che si varès di fâ)
    sono tre mesi che non batte un chiodo = a son trê mês che nol bat un claut
    • non battere ciglio
  • no bati voliCopie
    [CO] (restâ impassibil)
    mi ha ascoltato senza battere ciglio = mi à scoltât cence bati voli
    • non battere occhio
  • [CO] (cjale non battere ciglio)
    • non battere palpebra
  • [CO] (cjale non battere ciglio)
    • non sapere dove battere il capo
    non sapere dove battere la testa

monolengâl

passâ v.intr.
(pa-ssâ)
Lâ par un puest o traviers di un o plui elements cence fermâsi, o ancje in sens gjeneric o cuntune relazion spaziâl che no je traviers, ma dongje, parsore, in bande e v.i.
esemplis
"e viôt e e sint a passâ par aiar i aeroplans. E sint a dî che a bombardin di sgrisulâsi"
gjavât fûr di "Storie di Vera" di Ivano Urli
"Pieri al montà su di un bus che al passave par li"
gjavât fûr di "Tal ospedâl" di Amedeo Giacomini
"a passavin autos che a menavin int in place, tai cafês, in glesie pe Messe"
gjavât fûr di "Vivi a Codroip" di Agnul di Spere
passâ v.intr.
(pa-ssâ)
Lâ intun puest par pôc timp prime di tornâ a lâ vie
sinonims
fâ un salt
esemplis
"Mine, prin di lâ in glesie, e passave in bancje"
gjavât fûr di "Il sium di Lissandri" di Franca Mainardis
""O ai viodude la femine dal Girlando: je passade in Preture par firmâ il ricognossiment dal so quondam""
gjavât fûr di "Ah! la provincie" di Sandri Di Suald
passâ v.intr.
(pa-ssâ)
Lâ indenant rispiet a une dificoltât, un ostacul, un esam e v.i. (fig.)
esemplis
"l'acuardi al jere che ducj i partîts a varessin presentât un sôl candidât comun, che al sarès automatichementri passât cul 100% dai vôts"
gjavât fûr di "Il risultât eletorâl dai partîts di identitât teritoriâl - A case study: Scottish National Party" di Sergio Cecotti
"Ricut al à dodis agns e nol è ancjemò passât di prime"
gjavât fûr di "Lis predicjis dal muini" di Josef Marchet
passâ v.intr.
(pa-ssâ)
[TS] (zûcs) Intai zûcs di cjartis, fâ di mancul di zuiâ la sô man
passâ v.intr.
(pa-ssâ)
Mudâ posizion, lâ di un puest, une cundizion, une compagnie e v.i. a une altre (ancje fig.)
sinonims
lâ
esemplis
"[Di Cjaurià] di sostignidôr de Dc tai agns 80 al jere passât cul Pci"
gjavât fûr di "Memoriis di politiche linguistiche" di Adrian Cescje
" i todescs, passâts di aleâts a nemîs, a copavin ducj chei che a cjatavin o ju depuartavin in Gjermanie"
gjavât fûr di "Faliscjis" di Cristina Noacco
passâ v.intr.
(pa-ssâ)
Jessi considerât intune cierte maniere
esemplis
"Milio Vuaraç al jere za anzian cuant che il Fassio, cuntune firme, lu fasè passâ par volontari e lu spedì a Rodi"
gjavât fûr di "I furlans e il mâr" di Riedo Pup
"in cierts moments, il vêr, si pues dîlu dome se al passe par matetât, tant di cjapâlu in ridi"
gjavât fûr di "Cjase di Dalban" di Maria Forte
"o sin rivâts al pont che si passe par stupits o par mats o par bausârs se no si fasisi paiâ su la brucje un plasê, un servizi"
gjavât fûr di "Lis predicjis dal muini" di Josef Marchet
passâ v.intr.
(pa-ssâ)
Mudâ di proprietât dilunc dal timp (ancje fig.)
esemplis
"la filande di Çampâr [...] agns daspò e passà a Josef Zanon, che al veve vierte une seconde filande, e plui tart al fi so Antoni"
gjavât fûr di "Liniis di storie sociâl e economiche dal Friûl 1500 – 1800" di Adrian Cescje
"«Tenle cont… [une monede antighe]» i veve dit. «Al è un ricuart di famee, al è passât di man in man cuissà di cetantis gjenerazions […]»"
gjavât fûr di "Chei di Muraie" di Pieri Menis
passâ v.intr.
(pa-ssâ)
Di timp, no jessi plui tal presint
esemplis
"a jerin passâts doi mês da la ultime volte che Nardon al veve fevelât cun Vigjute"
gjavât fûr di "Nardon e Vigjute di Nani" di Pieri Somede dai Marcs
"passâts altris vincjesiet agn, il Diaul in persone si presente al nestri om, e i dîs che al fasi il plasê di lâ cun lui"
gjavât fûr di "Meni Fari" di Luigi Gortani
passâ v.intr.
(pa-ssâ)
Cessâ di lâ indevant, di esisti
sinonims
cessâ, finî, sparî, lâ vie
esemplis
"mi jere passade la voie di zuiâ"
gjavât fûr di "Il dolfin" di Carlo Sgorlon
"a Tunina a i era vignût un pô di matetât e che al coventava spetâ che a i fos passada"
gjavât fûr di "Li Anzuliti" di Novella Cantarutti
"lu viodeve come vuarît di un mâl, la muse no plui ingropade, i voi une altre volte lusorôs, insome il piês al someave passât par simpri"
gjavât fûr di "Par stradis lungjis" di Alan Brusini
passâ v.intr.
(pa-ssâ)
Murî
sinonims
lâ, murî, spirâ
esemplis
"la bisnone è passade in un suspîr"
gjavât fûr di "La Ave" di Ercole Carletti
passâ v.intr.
(pa-ssâ)
Jessi sopuartât, perdonât
esemplis
"[Nino, l'om di Vera] dopo zuiât si pierdeve vie cui amîs de scuadre tornant dongje a straoris. Passe une volte, passin dôs, la tierce Vera lu clame adoremus"
gjavât fûr di "Veruska" di Ivano Urli
passâ v.tr.
(pa-ssâ)
Traviersâ, superâ, lassâ indaûr e v.i. (ancje fig.)
sinonims
lassâ, lassâ indaûr, superâ, traviersâ
esemplis
"a Chiasso no si viodè doganîrs, ni talians ni svuizars. Passât Chiasso, il tren aromai al coreve a lunc tal scûr"
gjavât fûr di "In viaç di domenie" di Agnul di Spere
"[un forest par lâ di Udin in "Jugoslavie"] al passe la Tor, Remanzâs, la ferade e al rive a Cividât"
gjavât fûr di "No impaçâsi" di Riedo Pup
"il Benevento al vinç e al passe l’Udin in classifiche"
gjavât fûr di "Udinese – Benevento 0-2" di Marc Stolf
passâ v.tr.
(pa-ssâ)
Rivâ o jessi là di là, parsore, superiôr e v.i. (ancje fig.)
sinonims
superâ
esemplis
" i vâs a vignivin cuets intun ambient ridutôr (vâl a dî cun pôc ossigjen) a temperaduris che no passavin i 700 grâts"
gjavât fûr di "La preistorie in Friûl" di Andrea Pessina, Gaetano Vinciguerra
"un “export” che al passe i sîscent milions di euros ad an"
gjavât fûr di "Dal setôr dal len un dramatic chivalì" di Redazion il Diari
passâ v.tr.
(pa-ssâ)
Movi o fâ movi a traviers, dentri o intune altre relazion spaziâl
sinonims
meti
esemplis
"il presonîr al mangjave une volte in dì di un plat che nus passavin a traviers i gatars de puarte"
gjavât fûr di "Storie di Min" di Ivano Urli
passâ v.tr.
(pa-ssâ)
Fâ lâ di une posizion, cundizion, funzion, di un sisteme e v.i. a di une altre o fâ rivâ a une cierte posizion, cundizion e v.i.
sinonims
meti
esemplis
"il plevan Vuarint [...] al vignì gjavât di Glemone e passât cjaluni a Cividât"
gjavât fûr di "Gran Dio benedite l' Italia" di Riedo Pup
"il furlan al à une scriture convenzionâl [...] che le àn passade a leç politics di diviersis crodincis politichis"
gjavât fûr di "Presentazion DOF piçul" di Zorç Cadorin
passâ v.tr.
(pa-ssâ)
Fâ vê
sinonims
dâ
esemplis
"i secjave che il predi nol lavoràs, e i rincresseve di passâi il cuartês"
gjavât fûr di "I furlans e i predis" di Riedo Pup
"Vignesie e rispuindè che [...] al plui e varès lassât al patriarcje il guvier temporâl di Sant Vît e di Sant Denêl e i varès passâts, come indenitât, trê mil ducâts ad an"
gjavât fûr di "Cuintristorie dal Friûl fin sot la Italie" di Josef Marchet
"une lenghe duncje no pues jessi considerade dome un imprest par passâ informazions"
gjavât fûr di "Pseudopragmatisim linguistic" di Sandri Carrozzo
passâ v.tr.
(pa-ssâ)
Fâ fevelâ cun cdn., meti in comunicazion
esemplis
"la sô assistente mi passe par telefon propit Sandra Pizzolitto Pupatello"
gjavât fûr di "Interviste a Sandra Pizzolitto Pupatello" di Christian Romanin
passâ v.tr.
(pa-ssâ)
Rivâ a frontâ cun sucès une prove, une dificoltât, un ostacul e v.i. (fig.)
sinonims
superâ
esemplis
"par rivâi [aes gnovis leçs di tutele dal furlan e dal solven] si à vût di passâ cuntun sfuarç no di pôc ducj i pidiments fats indenant massime di cierts rapresentants politics e sindicâi"
gjavât fûr di "Pai dirits linguistics in Friûl - Vignesie Julie 2008-2013" di Comitât 482
"passâ un esam di abilitazion par jentrâ intune tabele professionâl"
gjavât fûr di "Memoriis di politiche linguistiche" di Adrian Cescje
passâ v.tr.
(pa-ssâ)
Stâ intune cierte maniere par une cierte dade di timp o intune cierte situazion
sinonims
fâ, stâ, lâ
esemplis
"al jere zovin, e al veve gust di passâ cualchi ore di libertât la sere"
gjavât fûr di "Orazions" di Meni Ucel
"i siôrs a passavin lis lôr vacancis in culine là che a vevin cjistiei e coloniis cun vignâi e zardins, cun boscs e roiuçs"
gjavât fûr di "I furlans e lis feriis" di Riedo Pup
passâ v.tr.
(pa-ssâ)
[CO] (gastr.) Fâ lâ par un tamês o tratâ cuntun imprest di cusine par fâ vê une consistence fine e vualive
esemplis
"bulî lis patatis, passâlis e messedâ cun farine, ûfs e sâl"
gjavât fûr di "Jerbis salvadiis inte cusine furlane" di Giorgio Pascoli
passâ v.tr.
(pa-ssâ)
[CO] (gastr.) Someti a un cualchi tratament che al compuarte une azion svelte, cun moviment e contat
esemplis
"passâ la cjar in padiele"
"fâ a daduts un pet di poleç e passâju te farine"
gjavât fûr di "Cusine etniche, parinte strete de cusine furlane" di Margherita Timeus
passâ v.tr.
(pa-ssâ)
Movi mantignint il contat
sinonims
freâ, sfreâ, freolâ, sfreolâ
esemplis
"cun man lizere, e scomençà a netâlu: i passave il peçotut su lis feridis"
gjavât fûr di "Il muc" di Roberto Ongaro
passâ v.tr.
(pa-ssâ)
Someti a un cualchi tratament
esemplis
"passâ un test cul coretôr"
passâ v.tr.
(pa-ssâ)
Someti ae atenzion par cjatâ ce che al interesse
sinonims
cjalâ, spulzinâ, lei
esemplis
"al passave cul dêt ogni non, par sigurâsi di no dismenteâ nuie"
gjavât fûr di "Il Bide di Miot" di Maria Forte
"o vin provât a passâ cun calme dute la sfilze dai manifescj che a forin publicâts an par an, cun decrets e proviodiments dal guvier"
gjavât fûr di "Cuintristorie dal Friûl fin sot la Italie" di Josef Marchet
detulis
"a Sant Benedet la cisile e passe sot il tet, passe no passe, il frêt nus lasse"
"a volê trai il ves plui grant de buse o che il ves nol passe o che la buse si sprece"
"al è passât il timp che a colave la mane"
"al è passât il timp di lâ a moris"
"bisugne cjapâ i uciei cuant che a passin"
"bisugne cjapâ lis vuitis cuant che a passin"
"ce che al passe al ingrasse"
"cuant che a passin i codons, i uciei a finissin"
"cui che al vûl cjapâ ducj i uciei che a passin no 'nt cjape nissun"
"dal dâ al vê e passe une biele diference"
"dal dit al fat al passe un grant trat"
"Diu mieze zornade le passe a fâlis, e chê altre mieze a dâlis"
"dulà che si passe la etât biele ogni piere a fevele"
"dut al passe fûr che il mani dal furducjin"
"i è passade ancje a Napoleon che al veve i spirons di aur"
"i gjenitôrs a àn il dovê di mantignî i fis fin che a àn sessante agns finîts; e po passâur il tabac"
"i passarà se i è passade ancje a napoleon che al veve i spirons di aur"
"i vedui il prin dì a vain, il secont se passin, il tierç se ridin"
"il timp al passe e la muart e ven"
"il timp al passe e no si po fermâlu"
"joibe stade, setemane passade"
"miôr passâ par stupits che par masse svelts"
"misdì di vile o che al passe o che nol rive"
"ogni an al passe un an"
"ogni dì e passe chê zornade"
"passade la cincuantine a 'nd è une ogni matine"
"passade la cjoche si sint la bote"
"passade la doie, tornade la voie"
"passade la trentine a van in vuaìne"
"passât il glotidôr, passât ogni savôr"
"passât il trenteun no lis vûl plui nissun"
"passât il volt di Clement, nissun no ti à iniment"
"passâts i sessante agns si torne fruts"
"passe un, passe cent"
"prin di Nadâl il frêt nol è rivât, daspò Nadâl il frêt al è passât"
"Sant Gregori pape la cisile a passe la aghe, passâ o no passâ e je ore di arâ"
"se no passe, metii un stec a la volte"
"un bon avocat al fâs passâ par cjan ancje il gjat"
"voltât il cjanton, passade la passion"
torne sù
torne sù