Tu âs cirût la peraule
bilengâl monolengâl
Tu âs cirût la peraule
benda
torne indaûr

bilengâl

benda s.f.
  • 1a

    s.f. fasse, bende Copie

    [AD] (strisse di tele o garze par fassâ feridis, roturis)
    fascia il piede con una benda elastica = fasse il pît cuntune bende elastiche
  • 1b

    s.f. fasse Copie

    [TS] sport (intal pugjilât, striche protetive par fassâ lis mans sot des manecis)
  • 2

    s.f. bende Copie

    [AD] (strisse metude denant dai voi)
    la benda gli impediva la vista = la bende no i lassave viodi nuie
  • 3

    s.f. fasse, bende Copie

    [AD] (strisse di stofe lungje e strete par involuçâ alc)
    il contadino ha messo una benda all'innesto = il contadin al à metût une fasse al incalm

locuzions

    avere la benda sugli occhi
  • [CO] (no rivâ a viodi la realtât)
    aveva la benda sugli occhi e non si accorgeva che lo imbrogliavano = al veve i voi strupiâts oppure al veve i voi fodrâts di persut oppure al veve lis svuarbadoriis e no si inacuarzeve che lu imbroiavin

monolengâl

fasse s.f.
(fa-sse)
Strisse di tele, tiessût, garze par fâ sù, in particolâr robis che a àn di stâ dongje, parts dal cuarp, feridis e v.i.
sinonims
bende
esemplis
"Fonso i spalancà une cjalade cence lûs: "O vuei bevi", al disè cuntune calme stranie, puartantsi la man cu la fasse insanganade tal cerneli"
gjavât fûr di "Tal ospedâl" di Amedeo Giacomini
Viôt ancje: fassje
fasse s.f.
(fa-sse)
Toc lunc e plui o mancul stret di tiessût doprât tant che element dal vistiari, pal solit tor dal cuel o tor de vite
esemplis
"il sindic si comedave la fasse ator de panze"
gjavât fûr di "Il figâr dal plevan" di Pieri Menis
fasse s.f.
(fa-sse)
Robe di forme lungje e strente
sinonims
bande, curdele, liste, sdrasse, strisse, striche
esemplis
"il soreli che al jentrave pai veris sporcs, al jere dome une fasse cenarine che no iluminave"
gjavât fûr di "Cjase di Dalban" di Maria Forte
"la lune e murive jenfri dal bosc, intune fasse di fumate lontane"
gjavât fûr di "La aghe da pît la cleve" di Dino Virgili
"al sintive come une fasse di dolôr dentri tal stomi che i lave jù fin ai rognons"
gjavât fûr di "Tal ospedâl" di Amedeo Giacomini
fasse s.f.
(fa-sse)
Part di superficie de tiere lungje e strete
sinonims
aree, zone
esemplis
"in chest timp une largje fasse di teritori disore e disot de Stradalte e scomence a popolâsi di paisuts che a àn un non sclâf"
gjavât fûr di "Cuintristorie dal Friûl fin sot la Italie" di Josef Marchet
fasse s.f.
(fa-sse)
Dade di timp te zornade
esemplis
"al conte Giorgio Cantoni, condutôr storic de fasse serâl, ex musicist dai Detonazione - Onde Furlane e veve la fame di jessi la radio dulà che si trasmeteve la miôr musiche"
gjavât fûr di "Un Friûl difarent: i 90 mhz di Onde Furlane" di Max Mauro
fasse s.f.
(fa-sse)
Part di un complès plui grant, fate di elements che a àn cualchi caratar in comun
esemplis
"lis primis dôs fassis individuadis di Tullio De Mauro (FO, vâl a dî lemis fondamentâi, e ÛA, vâl a dî lemis di ûs alt) a son stadis otignudis cuntune osservazion di frecuence statistiche "
gjavât fûr di "La elaborazion di un corpus etichetât de lenghe furlane scrite: esperiments e prospetivis" di Sandri Carrozzo, Franz Feregot
fasse s.f.
(fa-sse)
Comunitât di personis cun cundizions e interès in comun
sinonims
classe, cuarp, grup, strât, categorie
esemplis
"vôs che par solit no àn acès al sisteme de informazion: imigrâts, centris sociâi, fassis plui debilis de societât, associazions"
gjavât fûr di "Un Friûl difarent: i 90 mhz di Onde Furlane" di Max Mauro
"lis valutazions a van fatis par fassis di etât e par categoriis sociâls"
gjavât fûr di "Memoriis di politiche linguistiche" di Adrian Cescje
detulis
"brut in fasse, biel in place; biel in fasse, brut in place"
"i parincj si cognossiju a fassis, a gnocis e a cassis"
"nissun che al disi mâl in place se in cjase ind à in fasse"
torne sù
torne sù