Hai cercato la parola
bilingue monolingue
Hai cercato la parola
biancone
Torna indietro

bilingue

biancone
  • 1

    s.m. falcon di bissis Copia

    [TS] (uciel predadôr cun schene brune e pet clâr dal gjenar Circaetus, lat. sient. Circaetus gallicus)
  • 2

    s.m. biancone Copia

    [TS] (non comun di plui sortis di vît di ue blancje di fâ vin)
  • 4

    s.m. piere blancje Copia

    [TS] (cret sedimentari calcari compat di colôr blanc lat, doprât tant che materiâl di costruzion)
  • 5

    s.m. biancone Copia

    [TS] (monede di arint plui grande dal bianco)
  • 6

    s.m. blanc Copia

    [TS] (pigment di carbonât di calci o polvar di alabastri doprade par preparâ il fonts di telis e lens par pituris di vueli)

locuzioni

    biancone falso
  • trifule falseCopia
    [TS] (fonc di colôr rossit che al somee la trifule)

monolingue

blanc s.m.
Il colôr plui clâr, chel de nêf o dal lat o sim.
esempi
"dôs spuindis altis, cun baraçs e plachis di glerie di un blanc sporc"
da "Cjalant la rive" di Agnul di Spere
"si vûl viodi il Cjanâl biel tant che un sium di fruts, al baste passâlu fûr cuant che la nêf frescje lu vistìs di blanc"
da "Il cjanâl vistût a blanc" di Josef Marchet
"a mangjavin sot Pasche la cuartuce cu la salate frescje e il cuarnet a bine, su tavaiis che a svuarbavin di blanc"
da "Come tai romançs" di Alan Brusini
"al rivà a Vendoi che al jere scûr come in bocje, e dibot al faseve fature a viodi il blanc de strade"
da "Prime di sere" di Carlo Sgorlon
blanc adi.
Dal colôr plui clâr, tant che il lat o la nêf
sinonimi
cjandit, cjanôr
esempi
"bisnono Pieri che al veva i cjavei blancs e riçots"
da "L'orloi fer" di Novella Cantarutti
"la cjamese blancje come un dint di cjan e tant fine che e pareve piel di ûf"
da "Il solt dal Signôr" di Catarine Percude
"[i ôcs] si ingruessivin dì par dì, biei che a jerin cu la plume blancje e dome cualchi pinelade di grîs su la ponte des alis"
da "I ôcs di Miute" di Maria Forte
blanc adi.
De piel o de ciere, cence colôr, soredut pe pôre, par une malatie e v.i.
sinonimi
clâr, palit, sbasît, smamît, smarît, smavît, smuart, spavit, tombadiç
esempi
"Angjeliche si tacà intor dal so om, blancje in muse, spasimade"
da "Devant di dut il cîl" di Dino Virgili
"Bastian si butà in zenoglon tremant par dutis lis comissuris, la muse blancje svuedade di sanc, ma come resurît di une pôre tremende"
da "L'avôt" di Dino Virgili
blanc adi.
Clâr, in relazion a varietâts plui scuris
esempi
"di chei raps di ue blancje, e di chei râfs che a fasevin vignî la aghegole"
da "A pescje tal suei" di Lucio Perès
"o clamìn a fâ compagnie al pes sîs fetonis di polente blancje"
da "Viaç a Vignesie" di Arturo Feruglio
"a son doi gjenars di magne: la magne blancje e chê nere. Chê nere e je un sarpint cualsisei, ma chê blancje impen e je il spirt di un muart che e torne incà a fâ pinitince"
da "Il miluç de magne" di Sandri Carrozzo
"tal curtîl de famee di Jacum a Talmassons, dongje dal mussulin a jerin doi figârs grandiôs, un blanc e un neri"
da "I fîcs" di Angelo Covazzi
blanc adi.
No scrit
esempi
"al cjalà il sfuei inmò blanc"
da "I forescj" di Alan Brusini, Gian Paolo Linda
"lassâ une rie blancje"
blanc adi., s.m.
In oposizion al neri, par pandi une idee, un concet, un fâ e v.i. dal dut contrari un di chel altri (fig.)
esempi
"i ai fat cognossi mê mari. Lui i à stât subit simpatic. Cun mê mari il grîs nol esist: o blanc o neri"
da "Trê feminis" di Gianni Gregoricchio
blanc s.m.
Part plui clare di un alc
esempi
"la muse nere e plene di grispis, dulà che si viodeve juste il blanc dai voi"
da "Il fi de Rosse" di Pieri Menis
blanc s.m.
Piture par mûrs
esempi
"al jere un lavôr mostro a tignî nete chê tutubie e a dâ une man di blanc a chei mûrs di cjalin, che lu refudavin"
da "La tiere di Lansing" di Maria Forte
blanc s.m.
[CO] (chim.) Compost chimic di colôr blanc
blanc s.m.
Vin blanc
esempi
"puartinus une buine butilie di chel blanc dal an passât"
da "Sul agâr" di Pieri Menis
""E ce bevêso... e ce bevêso, paron?" / "O blanc o neri, baste che al sedi bon""
da "Sul puint di Braulins" di Popolâr
blanc s.m.
Blancjarie, articul pe persone o pe cjase che par tradizion al jere di tiessût blanc
esempi
"a partivin pe Gjermanie, a Lork, tune fabriche là che a fasevin intimelis, bleons, robe di blanc insome"
da "Come tai romançs" di Alan Brusini
blanc adi., s.m.
Che, cui che al parten aes razis umanis europoidis cu la piel clare
esempi
"blancs, neris, ros, zâi, e il colôr nol faseve nissune diference, che si jere dome cristians"
da "Lis predicjis dal muini" di Josef Marchet
blanc adi., s.m.
[TS] (stor.) Che, cui che al faseve o che al fâs part di moviments o fazions che si identificavin ta chel colôr, in gjenar in contraposizion cun altris moviments o fazions caraterizadis di altris colôrs
blanc adi., s.m.
[CO] (zûcs) Tai scacs, tal pl., ancje cun iniz. maiusc., i tocs di colôr blanc
esempi
"il roc blanc al è rivât in h5 e al da scac mat al re neri"
da "Zuìn di scacs" di Nilde Teresa Negro
proverbi
"ancje il lat di vacje al è blanc"
"il mus no si spele, il mierli nol devente blanc"
"la vacje nere e fâs il vidiel blanc"
"la vite e je un regadin: un fîl blanc e un turchin"
"tancj a son i corvats blancs e tancj i çus contents"
"tiere nere a fâs bon pan, tiere blancje e fâs ledan"
"tiere nere e fâs bon gran, farine blancje a fâs bon pan"
"tiere nere e fâs bon gran, tiere blancje a lasse murî di fam"
"tiere nere e fâs bon gran, tiere blancje e fâs murî di fam"
"tiere rosse e fâs bon gran, tiere blancje a lasse murî di fam"
Torna in Cima
Torna in Cima