Hai cercato la parola
bilingue monolingue
Hai cercato la parola
biografia
Torna indietro

bilingue

biografia
  • 1

    s.f. biografie Copia

    [CO] (narazion de vite di une persone famose)
    la biografia di Michelangelo = la biografie di Michelangelo

    s.f. biografie Copia

    (opare che e conte la vite di une persone famose)
    la biografia di Casanova = la biografie di Casanova
  • 2

    s.f. vite Copia

    [CO] (spec. scherç., storie de vite)
    non ci lasciava più, ci ha raccontato tutta la sua biografia = no nus molave plui, nus à contade dute la sô vite

monolingue

vite s.f.
(vi-te)
Cundizion di esistence dai organisims che a nassin, che a cressin, che si riprodusin e che a muerin
sinonimi
esistence, jessi, vivi
esempi
"il cocolâr sut, indurît, pâr che nol vedi ni umôr ni vite"
da "La rosade di sant Zuan" di Catarine Percude
"tal so libri al conte de dificoltât emotive tal frontâ la linie fine fine che e divît la vite de muart"
da "Interviste a Amato De Monte" di Christian Romanin
vite s.f.
(vi-te)
Dade di timp jenfri la nassite e la muart
sinonimi
esistence
esempi
"un om gjubiâl che in vite sô nol à copade nancje une pavee"
da "I furlans e la cjace" di Riedo Pup
vite s.f.
(vi-te)
Dade di timp une vore lungje (fam.)
sinonimi
agnorums, di no dî, mont, secul
esempi
"Oh, se je fâs paiâ! Crodessio di spietâ une vite, ma i torni la farine e inmò cu la muldure"
da "Il muc" di Roberto Ongaro
"i scarpons mi son durâts une vite"
vite s.f.
(vi-te)
Mût di vivi
sinonimi
vivi
esempi
"al veve miôr dal sigûr une vite dure, cence fantasiis, cence fotis pluitost che une vite comude e sbrendulone"
da "O sielç lis stelis" di Pieri Somede dai Marcs
"si capive che i veve plasût la tace e l'aspiet di strissindul al pandeve une vite stuarte e straçone"
da "Cjase di Dalban" di Maria Forte
"une siorute di cûr, e faseve une vite dignitose e ritirade"
da "La aghe da pît la cleve" di Dino Virgili
vite s.f.
(vi-te)
Aspiet, ativitât specifiche de esistence, sedi individuâl che coletive
sinonimi
ativitât
esempi
"al è stât il moment plui dolorôs de mê vite politiche, che mai no varès imagjinât di scugnî lassâ il Moviment che i vevi dade la anime e la zoventût"
da "Memoriis di politiche linguistiche" di Adrian Cescje
"[Fred Pittino] al è stât un dai protagoniscj de vite artistiche locâl, e mestri di diviersis gjenerazions"
da "Storie de art in Friûl" di Bepi Agostinis
vite s.f.
(vi-te)
Complès des circostancis de vite umane, cors des vicendis dal om
sinonimi
mont, vivi
esempi
"no soi furbe, savêso, ma prudente sì. La vite mal à insegnât"
da "Prime di sere" di Carlo Sgorlon
vite s.f.
(vi-te)
Durade di alc inanimât, di un fenomen, di une organizazion e v.i.
esempi
"la esperience dal Istitût no varà vite lungje, ma par cualchi an e sarà il lûc par pandi un spirt di colaborazion che tal mont culturâl furlan al veve simpri fat fature a imponisi"
da "Un Friûl difarent: i 90 mhz di Onde Furlane" di Max Mauro
vite s.f.
(vi-te)
Ce che al permet di vivi (fig.)
esempi
"la Tor, une volte, e jere vite e lavôr: cui vencs a si fasevin zeis, cui claps la cjalcine, cu la aghe a si jemplavin lis roiis e a si fasevin zirâ i mulins"
da "Faliscjis" di Cristina Noacco
vite s.f.
(vi-te)
Robe o persone che si calcole une vore impuartante, che si dedichii la plui part des fuarcis, dal impegn, dai afiets e v.i. (fig.)
esempi
"dopo cualchi an la sô femine e je lade al Creatôr e Benvignude [sô fie] par lui e jere dute la sô vite"
da "Nadâl" di Pieri Somede dai Marcs
vite s.f.
(vi-te)
Dificoltât, stente (fig.)
sinonimi
dificoltât, grop, stente, strussie
esempi
""Cetantis vitis par tirâ sù lis nestris creaturutis""
da "Resurezion a Pontinie" di Pieri Somede dai Marcs
"dopo tantis vitis, e à decidût di lassâsi invidâ a cene"
da "Faliscjis" di Cristina Noacco
"se il guvier, a fuarce di vitis, nus à molât alc pe ricostruzion, al à fate nome la part dal so dovê"
da "Fevelâ par dibant" di Josef Marchet
vite s.f.
(vi-te)
Vitalitât, salût (fig.)
sinonimi
morbin, salût, spirt, vigôr, vitalitât, vivacitât, vivece, vivôr
esempi
"etât o no etât, al jere ancjemò un om plen di vite e di fûc"
da "Trê feminis" di Gianni Gregoricchio
vite s.f.
(vi-te)
Moviment (fig.)
sinonimi
ferment, moviment, vitalitât, vivacitât, vivece, vivôr
esempi
"Triest si è svilupât, dopleât, al è deventât une citadone grande, siore, plene di vite sot da la Austrie"
da "Cui nus liberaraial des liberazions?" di Josef Marchet
"la strade, cumò, i someave cetant plui maluseriose, cundut che tancj contadins i davin vite e sunsûr"
da "La tiere di Lansing" di Maria Forte
vite s.f.
(vi-te)
Singul vivent, spec. singule persone
sinonimi
persone, vivent
esempi
"a àn sierât cul reticolât e distrut cu la torture milions di vitis umanis"
da "Vieri e gnûf" di Pieri Piçul
"tantis vitis çoncjadis. Tantis lagrimis"
da "Lis pinessis" di Checo Tam
vite s.f.
(vi-te)
Opare scrite, o ancje rapresentazion artistiche, che e conte i fats de esistence di cdn.
sinonimi
biografie
esempi
"te «vite» dal Pordenon di Giorgio Vasari (1568) o cjatìn lis plui vieris notiziis de storie de art sul nestri Pelegrin di Udin o di S. Denêl"
da "Storie de art in Friûl" di Bepi Agostinis
vite s.f.
(vi-te)
Part ingjavade dal cuarp parsore dai flancs o plui in gjenerâl, part centrâl de persone, cuarp de persone
sinonimi
cinture
esempi
"co le cjapi pe vite sutiline e tenare, e à la muse dolce"
da "La aghe da pît la cleve" di Dino Virgili
"cui cu passe al cjale chê aghe scure, chê ombrene, al sint un sgrisulaç pe vite e al fui spaurît"
da "Lis aganis di Borgnan" di Catarine Percude
"sot di chê camisole cjaminant si môf une vite di agnul"
da "La furlane" di Dolfo Zorzut
"blancje e rosse come un miluç, une vite gaiarine, i voi come dôs moris, il nasut visentin, e filave, e cjantave, e jere la plui biele dal paîs"
da "L'ucielut de Mont Cjanine" di Catarine Percude
vite s.f.
(vi-te)
Toc di un vistît che al corispuint a chê part dal cuarp
sinonimi
cinture
esempi
"al veve un pâr di bregons smolaçâts te vite di cjanaipe e bombasine"
da "Il gno prin mestri" di Pieri Somede dai Marcs
"bregons cu la vite basse"
proverbi
"al è plui timp che no vite"
"cence sacrifici no si à nuie de vite"
"cjase mê, vite mê"
"cualchi volte e dure plui une vite viere che no une gnove"
"cui che al vuarde la sô vite al vuarde un grant cjistiel"
"cui che al vûl stâ ben une dì, che al mangji ben; un mês, che si maridi; un an, che al maci il purcit; dute la vite, che al ledi predi"
"daspò: vite dulcedo, a ven: vite suspiremo"
"il brût de pite al va par dute la vite"
"il dì plui biel de vite al è cuant che si purcite"
"il presit de libertât e je la vite"
"la bausie e à curte vite: se e guste no cene"
"la muart dai çus e je la vite dai zupets"
"la muart de piore e je la vite dal corvat"
"la tô muart e je la mê vite"
"la vite e je il content dai fortunâts, il malcontent dai disperâts"
"la vite e je il content dai fortunâts, il torment dai disgraciâts"
"la vite e je un regadin: un fîl blanc e un turchin"
"lis feminis a àn siet vitis e un vitin"
"panze famentade, vite disperade"
"vin e amôr, vite di siôr"
"vite di jentrade, vite disperade"
"vite di jentrade, vite stentade"
"vite e gjolt, vite e paie"
"vite e stime scjampadis, no tornin sul vergon"
Torna in Cima
Torna in Cima