Al pues derivâ dal talian bizzàrro, ma si sint dispès la pronunzie Bìzzaro: al podarès jessi, duncje, un cognon di divignince gjermaniche. B. Cinausero (informazion personâl) mi sugjerìs dôs teoriis: di un non di localitât dal todesc alt medi biziune “peçâl di teren centât", todesc alt moderni fevelât Bitze “zardin jerbôs", o pûr dal verp dialetâl austriac bavarês pitzen “provocâ, stiçâ, becâ". La spiegazion di Scaramuzza 2001, 124 dal sorenon Biseri/Bisero/Bizzarri a Grau tra i Verginella e sclarìs une vore ben la cuistion: al sarès dome la deformazion dialetâl dal etnic “svuizar".
Cognon di Flaiban che si cjate ancje a Udin, Concuardie, Pordenon.
fonts
1519, ai 2 di Avrîl Battista vocato Bizar (o Bizaro) – barbiere di Rive Arcano abit. S. Daniele (ANU 3880); 1611 Michiel Bizar (o Bizaro) de Felettis di Bicinins (ACAQ 893); 1654 Angelo Bizaro, huomo di Commun di Beano (ASU CRS 59/3); 1656 Osgualdo q. Dom.co Bizzuto, cameraro Fraterna Madonna dei Battuti di Flaibano (ASU CRS 223/1); 1664 Sig. Agnolo Bizaro pubblico estimatore a Beano (AB); 1703 Pietro Bizzaro (o Bissaro) di Flaibano (ASU CRS 223/1); 1757 Antonio Bizaro, cameraro Fraterna Concezione di Meduna (ASU CRS 281); 1765 Antonio Bizzaro di Flaibano, fittuale Fraterna di S. Giuseppe di Coderno (ASU CRS 190/2); 1785 Pasqualin Bizaro, cameraro Chiesa S.ta Maria di Brischis di Midune (ASU CRS 31); 1875 il nobil Paolo Antonio Bizzarro, nassût tal 1814, avocat, al ven nomenât conservadôr dai monuments storics e artistics de provincie di Gurize (Nazzi, 2002).
[CO] (sbroc di rabie che al passe)il motore fa le bizze = il motôr al fâs i capriçs