Tu âs cirût la peraule
bilengâl monolengâl cognons
Tu âs cirût la peraule
boato
torne indaûr

bilengâl

boato s.m.
  • 1

    s.m. ton, sclop Copie

    [CO] (sunôr fuart e improvîs)
    il boato di una bomba = il ton di une bombe

locuzions

monolengâl

ton s.m.
Il sunôr causât de saete
sinonims
tron
esemplis
"un timpat cun saldo ploie e tons e lamps che a scjavaçavin il cîl"
gjavât fûr di "Come tai romançs" di Alan Brusini
"il cîl al masanave tons e la aghe cu la brosate e dave il segnâl dal rogant"
gjavât fûr di "La rive di Sant Pieri" di Maria Forte
ton s.m.
Sunôr bas e fuart, causât in particolâr di une esplosion o di un colp fuart
sinonims
bot, tonade, tron, sclop, colp, bote
esemplis
"ogni tant un ton plui fuart al pandeve che cualchi cassele di munizions e veve cjapât fûc e tonât"
gjavât fûr di "Il muc" di Roberto Ongaro
"intant che a svuacaravin inte aghe a àn sintût un ton, come chel di un fûc di artifici"
gjavât fûr di "Faliscjis" di Cristina Noacco
ton s.m.
Azion o consecuence fuarte (fig.)
sinonims
bote, bot, colp
esemplis
"l'ultin ton al rive de Coopca, la storiche cooperative cjargnele che e riscje il faliment"
gjavât fûr di "Cjalìn indenant viers la Europe" di Dree Valcic
ton s.m.
Rapuart sessuâl (fig.)
sinonims
bote, colp, taconade
esemplis
"dal mâl al malan jo un ton a la triestine jal doi"
gjavât fûr di "Average Furlan Guy" di Luca Elzil
detulis
"cuant che a son fûr madracs e carbons, si è sigûrs di lamps e tons"
"daspò dal lamp il ton"
"ogni lamp al à il so ton"
"prin ton a soreli jevât, cjol il sac e va a marcjât; prin ton a soreli a mont, cjol il sac e va pal mont"
"Sante Barbare benedete vuardaitnus dal ton e de saete"
"Sante Barbare e Sant Simon vuardaitnus dal lamp e dal ton"
torne sù

cognons

Boato, Boatto
Di une variante dal non di persone Basilio, cul classic sufìs cognominâl venit -àto (Olivieri, 1923). De Felice 1978 al à une altre opinion, parcè che lu calcole tant che derivât di bove “bo" e, duncje, non di mistîr. Al è probabil che al vedi reson Soranzo 1996 che lu fâs derivâ di Bovato, che al ven di Bovo, non di persone di divignince gjermaniche (di une lidrîs bob “fi, fantat"). Boato si lu cjate a Pordenon e a Udin; Boatto a San Stin, Puart, Cjaurlis, Pordenon.
fonts
1373 Dominico q. Boatti de Remanzacho a Udin (Corgnali); 1611, ai 10 di Fevrâr dott. Antonio Boatio f. del Sig. Patrizio – dichiaraz. che vive e abita in Sacile nella Contrada di Ruga (Filze 1612); 1670 don Carlo Boatio – rettore di S. Benedetto d’Orsago (AB); 1632 Andrea Boatto e Lucia Boatta fittuali in Panigai dei nobb. Panigai (ASU Panigai 7); 1739 Osgualdo Boato di Plate fittuale nobb. Panigai (ASU Panigai 128.3); 1775 M.° Osvaldo Boato (o Boatto) gastaldo della Scuola della B.V. di San Stino di Livenza (ASU CRS 449).
torne sù