Tu âs cirût la peraule
bilengâl monolengâl
Tu âs cirût la peraule
bollente
torne indaûr

bilengâl

bollente adi., p.pres.
  • 2

    adi. bulint Copie

    [CO] (massime di un licuit, une vore cjalt)
    una pentola di acqua bollente = une cite di aghe bulinte

    adi. bulint, imbuît Copie

    (di alc che al scote)
    oggi la sabbia è bollente = il savalon vuê al è bulint oppure al è imbuît
  • 3

    adi. scjaldinôs, cjalt, bulint Copie

    [CO] (che si rabie o si scjalde une vore ae svelte)
    avere il sangue bollente = vê il sanc cjalt oppure bulint
    un tipo bollente = un scjaldinôs

locuzions

    patata bollente
  • gjate di petenâ, gjate a petenâCopie
    [CO] (situazion dificile di frontâ e di risolvi, teme ingredeât)
    i superiori hanno passato a me la patata bollente = i superiôrs mi àn passade a mi la gjate a petenâ

monolengâl

cjalt adi.
Che al à temperadure alte o plui alte di chê ambientâl o corporâl, che al da une sensazion di calôr
esemplis
"al sintive la bisugne di parâ jù alc di cjalt che i comedàs il stomi ancjemò savoltât"
gjavât fûr di "Tal ospedâl" di Amedeo Giacomini
"une fetute di polente cuntune slepute di formadi e une scudiele di mignestre cjalde cuntune taçute di vin lis cjatave simpri"
gjavât fûr di "Caritât" di Pieri Somede dai Marcs
"e implenave la vascje di aghe cjalde, di sâl profumât, e e faseve il bagn"
gjavât fûr di "Ombris tal infinît" di Carlo Sgorlon
"anidride carboniche, che invezit e contribuìs a stratignî la lûs dal Soreli, fasint deventâ la atmosfere plui cjalde come se e fos une cuvierte trasparente"
gjavât fûr di "Clime e incuinament: prime l'ûf o la gjaline?" di Dario Bianchini Giaiotti, Fulvio Stel
"a paritât di cuote o di pression l'aiar frêt al è plui fis, ven a stâi plui pesant, di chel cjalt"
gjavât fûr di "Notis di meteorologjie pal Friûl - Vignesie Julie" di Stefano Micheletti, Marcellino Salvador
cjalt adi.
Di vistiari, che al pare ben dal frêt
esemplis
"un capot cjalt"
"un pâr di cjalçuts cjalts di lane"
cjalt adi.
Di persone, che e à un temperament vîf, massime tes manifestazions di afiet
sinonims
afetuôs, apassionât, cordiâl, espansîf, fiestôs, franc, ninin, viert, vîf
esemplis
"si vin fats une vorute di nemîs, ma ancje di amîs cjalts e sigûrs"
gjavât fûr di "Alo, indenant!" di Josef Marchet
cjalt adi.
Plen di voie, ancje di presse par alc
sinonims
bramôs, seneôs
esemplis
""Si sposìn subit e o decidìn di lâ vie." "Ma ce ti esal vignût tal cjâf, ah, Rine, cuant che tu tu jeris cjalde di stâ ca a ogni cost?""
gjavât fûr di "La cjase" di Alviero Negro
"i sfuarçs par distudâ la lenghe a son vignûts dopo. A son vignûts di ogni bande: [...] de bande de stampe nazionaliste che e jere cjalde di netâ ducj i cincuante mil dialets talians"
gjavât fûr di "La nestre lenghe" di Josef Marchet
cjalt adi.
Fat cun partecipazion, cun convinzion
sinonims
animât, vîf, vivarôs
esemplis
"il dibatiment al fo cjalt e scombatût, fra ostruzionisims, iniziativis di lobbying inviadis di associazions e moviments des minorancis"
gjavât fûr di "La Cjarte di Strasburc dal 1981. Une Risoluzion “storiche” e ancjemò di atualitât" di Marc Stolf
"il Bide al doveve vê une preiere cussì cjalde e cussì fuarte tai voi che il vecjo Mucjin nol olsâ a dîi di no"
gjavât fûr di "Il Bide di Miot" di Maria Forte
cjalt adi.
Di un puest o di un timp, caraterizâts di tante ativitât o ancje di lotis, vueris, di tensions sociâls, di contrast politic, e v.i. (fig.)
sinonims
critic
esemplis
"lis zonis plui cjaldis dal front"
"al sucedeve che magari o jerin impegnâts a prontâ lis notiziis par lâ in onde e, massime la sabide, che al jere il dì plui cjalt, e fos altre int che e vignive li par discuti di alc o nome par fâ un zîr"
gjavât fûr di "Un Friûl difarent: i 90 mhz di Onde Furlane" di Max Mauro
cjalt adi.
Di argoment, situazion e simii, che al è sintût pe sô atualitât o pe sô gravitât (fig.)
sinonims
urgjent
esemplis
"une des cuistions plui cjaldis, ven a stâi chê dal scuintri jenfri proprietaris e contadins sul valôr dai lavôrs fats dai fituâi par miorâ i cjamps, e ven sierade intal 1503 cuntune sentence a pro dai possidents"
gjavât fûr di "Il Friûl de Joibe Grasse dal 1511" di Carli Pup
"e su la gjestion de sanitât tal teritori, di ce si isal discutût? Al è un teme cjalt ancje pal Friûl: ise vignude fûr cualchi formule gnove?"
gjavât fûr di "Interviste a Fabio Pizzul" di Dree Venier
cjalt adi.
Une vore resint o che si riferìs a alc sucedût di pôc (fig.)
sinonims
crei, fresc, gnûf
esemplis
"lis dimissions dal sindic a son une notizie cjalde di vuê"
"ricuarts ancjemò cjalts"
gjavât fûr di "Cjase di Dalban" di Maria Forte
cjalt adi.
Di colôr, che al fâs part de serie dal ros e dal zâl o che ju à come components predominants
esemplis
"lis fueis de vît che si rimpinave pal mûr e si slungjave vie pal fîl di fier parsore la scjale, a colavin sgrosolant, zalis, rossis, nosele. Al svariave tal ultin colôr cjalt, Otubar"
gjavât fûr di "Varc di confin" di Maria Forte
cjalt adi.
Di sun e spec. de vôs, bas ma vîf
sinonims
pastôs, profont
esemplis
"chê vôs cjalde i cresseve la confusion, ma al saveve di cedi, … di volê cedi"
gjavât fûr di "La tiere di Lansing" di Maria Forte
cjalt adi.
Di mascje di animâl, in calôr
esemplis
"la cjice e je cjalde"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
"la cjice e va cjalde"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
cjalt s.m.
Temperadure alte
sinonims
canicule, fogaç, scjafoiaç, scjaldadice, scotôr, stofaç
esemplis
"no si durmive nie parcè che tes casermutis di Cjaurêt di dì a saran stâts cuarante grâts di cjalt"
gjavât fûr di "I ribei" di Alan Brusini
"ducj a scoltavin cence mot di cei, tal cjalt de flame che e sclopetave dal çoc di agacie"
gjavât fûr di "Cjase Basse" di Maria Forte
"di Istât i vûl il cjalt e di Invier il frêt. A ogni stagjon il so"
gjavât fûr di "Prime di sere" di Carlo Sgorlon
cjalt s.m.
Puest, situazion dulà che la temperadure e je avonde alte o alte
esemplis
"ma jentrait, vignît tal cjalt"
gjavât fûr di "Ombris tal infinît" di Carlo Sgorlon
"dopo cene, mandade la mularie a durmî, tes lungjis gnots di Invier, i grancj in file, tal cjalt des stalis plenis di bestiis che a polsin rumiant…"
gjavât fûr di "Sul agâr" di Pieri Menis
cjalt s.m.
Sensazion di calôr
esemplis
"vê un cjalt di scjafoiâsi"
"murî di cjalt"
cjalt s.m.
Voie, brame, ancje capriçose e irazionâl o sensuâl
sinonims
voie, brame, gri, pice, sbisie, gole
esemplis
"chê altre dì, tu sês stade ferme cun lui su la place, ce confidencis… [...] ce cjalts ti vegnino sù a la to etât…?"
gjavât fûr di "La buteghe dal barbîr" di Pieri Somede dai Marcs
cjalt s.m.
Partecipazion emotive, sensazion, atmosfere di stâ ben cun chei altris (fig.)
esemplis
"i fîs di siôr Simon no vevin nissun dafâ cun chê braide, che no jere mai jentrade tal lôr sanc cu la fadie o cul cjalt di un afiet"
gjavât fûr di "La tiere di Lansing" di Maria Forte
detulis
"bisugne bati il fier cuant che al è cjalt"
"ce che al pare il frêt al pare ancje il cjalt"
"che al sedi cjalt che al sedi frêt, cui che al à di bevi al à simpri sêt"
"cuant che al è cjalt a vegnin lis moscjis"
"cui che al è scotât ta la aghe cjalde al à pôre di chê frede"
"cul cjalt dai bleons no si fâs boli la cite"
"cul cjalt dal jet no si scjalde la cite"
"il cjalt dai bleons nol fâs boli il pignat"
"il cjalt dai bleons nol fâs boli la cite"
"il jet cjalt al fâs la mignestre frede"
"man frede, cûr cjalt"
"ni il cjalt ni il frêt il lôf no ju à mangjâts"
"ni il cjalt ni il frêt nissun no ju à mangjâts"
"ni il frêt ni il cjalt nissun no ju à mangjâts"
"si nas cjalts e si mûr frêts"
"tal cjalt dut fûr che la glace"
torne sù
torne sù