Tu âs cirût la peraule
bilengâl monolengâl
Tu âs cirût la peraule
bollire
torne indaûr

bilengâl

bollire v.tr., v.intr.
  • 1

    v.intr. bulî Copie

    [AU] (di licuits che a son di bol)
    la minestra bolle = la mignestre e bol
  • 2a

    v.intr. bulî Copie

    [AU] (cueisi in aghe bulint)
    questa pasta doveva bollire di più = cheste paste e veve di bulî di plui
  • 2b

    v.intr. cisâ, bulî Copie

    [AU] (jessi in progjet)
    c'è qualcosa che bolle in pentola = al è alc che al bol te bote
    sapere cosa bolle in pentola = savê ce che al cise te cite
  • 3

    v.intr. bulî Copie

    [AU] (fermentâ)
    il vino sta bollendo = il vin al bol
  • 4a

    v.intr. tufâ, bulî Copie

    [AU] (vê masse calôr)
    in questa stanza si bolle = in chê stanzie ca si bol
  • 4b

    v.intr. bulî Copie

    [AU] (metisi in agjitazion)
    quando saprà, bollirà di rabbia = cuant che al savarà, al bulirà di rabie

    v.intr. cuei, scanâ, sabulî Copie

    (stracâsi o, tant che transitîf, stracâ)
    è bollito ormai, non combina nulla = al è aromai bulît, nol cumbine nuie
    mi hanno bollito il cervello = mi àn cuet il cerviel

    v.intr. bulî Copie

    (di une persone di passion)
    le bolle il sangue nelle vene = il sanc i bol
  • 5

    v.tr. bulî Copie

    [AU] (fâ bulî)
    è meglio bollire quel latte prima di berlo = al è miôr bulî chel lat prin di bevilu

    v.tr. bulî, lessâ Copie

    (fâ les)
    bollire le patate = bulî lis patatis

monolengâl

bulî v.intr.
(bu-lî)
Di licuits, tacâ a passâ tal stât aeriformi, formant te lôr masse bufulis di gas
esemplis
"meti le aghe a bulî cun pôc sâl, e cuant che e bol, butâ dentri i macarons un a la volte"
gjavât fûr di "Macarons di coce" di Margherita Timeus
Viôt ancje: boli
bulî v.tr.
(bu-lî)
Cusinâ te aghe bulinte
sinonims
lessâ
esemplis
"bulî lis patatis, passâlis e messedâ cun farine, ûfs e sâl, impastâ come par fâ i macarons"
gjavât fûr di "Jerbis salvadiis inte cusine furlane" di Giorgio Cadorini
"spelâ lis cjastinis (800 gr. ) e bulîlis par 40 minûts te aghe a pene salade"
gjavât fûr di "Cjastinis" di Margherita Timeus
bulî v.intr.
(bu-lî)
Cueisi in aghe bulinte
esemplis
"a bulivin i fasûi te pignate e sul fornel e cisave la bisate in tocj che e mandave un bonodôr di orâr"
gjavât fûr di "Vilie di Nadâl" di Pieri Somede dai Marcs
bulî v.intr.
(bu-lî)
Jessi une vore cjalt (ancje iperb.)
sinonims
scotâ, sbrovâ, brusâ
esemplis
"parcè che se il cjâf di un imprenditôr al è simpri cjalt, il so al bol"
gjavât fûr di "Contis sot spirt" di Raffaele Serafini
bulî v.intr.
(bu-lî)
Vê un procès di fermentazion
sinonims
fermentâ
esemplis
"e cuant che al gjave, dopo, che il vin al à bulît (al implenave dut il foledôr di un tuf che al cjoleve il flât), pre Jaroni al conte lis selis par un calcul"
gjavât fûr di "La aghe da pît la cleve" di Dino Virgili
"a taponarin i brentiei cuntun nailon e a lassarin che il most al bulìs"
gjavât fûr di "Prime di sere" di Carlo Sgorlon
bulî v.intr.
(bu-lî)
Jessi in progjet, movisi o sucedi intune situazion dinamiche, magari ancjemò no ben definide (fig.)
esemplis
"o sintivi dut chel businâ des feminis, che a tiravin jù tabârs al prossim: moroseçs de zoventût, pecjis dai viei, e ce che al bulive te cite di chê cjase o di chê altre"
gjavât fûr di "Sot il puarti" di Pieri Menis
"fâsi une idee di chel che al bulive inte societât furlane"
gjavât fûr di "Un Friûl difarent: i 90 mhz di Onde Furlane" di Max Mauro
bulî v.intr.
(bu-lî)
Movisi in maniere violente (fig.)
esemplis
"la tiara tremava duta sot dai pîts, cumi un venc co sofla il vint, la aga dal mâr buliva, cumi chê tal cjaldieron da la lissia"
gjavât fûr di "Il 'sinar dal re" di Ranieri Mario Cossâr
bulî v.tr.
(bu-lî)
[TS] (metal.) Saldâ a cjalt
esemplis
"al falà un pâr di voltis tal boli un fier e i de la colpe al garzon, disintji che no lu veve scjaldât ben"
gjavât fûr di "Cretevierte" di Roberto Ongaro
detulis
"l'onôr nol fâs bulî la cite"
"la aghe prin di bulî e cise"
torne sù
torne sù