Tu âs cirût la peraule
bilengâl monolengâl cognons
Tu âs cirût la peraule
bomba
torne indaûr

bilengâl

bomba s.f.
  • 1

    s.f. bombe Copie

    [FO] (proietil çondar cun dentri esplosîf e un dispositîf che lu fâs tonâ)
    bomba a grappolo = bombe a rap
    bomba al fosforo = bombe al fosfar
    bomba lacrimogena = bombe lacrimogjene
    una bomba inesplosa della seconda guerra mondiale = une bombe no sclopade de seconde vuere mondiâl
  • 2

    s.f. bombe Copie

    [FO] (gnove no spietade che e fâs une vore di câs, fat clamorôs)
    oggi il giornale apre con un titolo che è una bomba = vuê il gjornâl al vierç cuntun titul che al è une bombe

    s.f. bombe Copie

    (in funzion adi.inv.)
    una rivelazione bomba = une rivelazion bombe
  • 3

    s.f. canon Copie

    [CO] (persone o cjosse cun cualitâts ecezionâls)
    il nuovo modello ha un motore che è una bomba = il model gnûf al à un motôr che al è un canon
    nello studio è una bomba = tal studiâ al è un canon
  • 5

    s.f. bombe Copie

    [TS] sport (doping, sostance improibide par esaltâ la prestazion di un atlete)
    i controlli hanno rivelato che il vincitore aveva appena preso una bomba = i controi a àn pandût che il vincidôr al veve a pene cjolt une bombe
  • 6

    s.f. miscliç bombe Copie

    [CO] (miscliç di sostancis tant che alcul, droghis e v.i.)
    una bomba di cocaina e alcol = un miscliç bombe di cocaine e alcul
  • 7

    s.f. crofe Copie

    [CO] (dolç frit taront)
    un piatto di frittelle e bombe = un plat di fritulis e crofis

    s.f. bombe Copie

    (gjelât grant di forme taronde)
    per concludere servirono a tutti una bomba = par sierâ ur servirin a ducj une bombe
  • 8

    s.f. bombe Copie

    [CO] (bevande a base di lat di coco)
    abbiamo ordinato due birre e una bomba = o vin ordenât dôs biris e une bombe
  • 9

    s.f. plombe Copie

    [CO] (cjoche)
    si è preso una bella bomba = al à tirât sù une biele plombe
  • 10

    s.f. bombe Copie

    [TS] med. (in radiologjie, aparât che al conten materiâl radioatîf par aplicazions terapeutichis)
  • 11

    s.f. bombe Copie

    [TS] aer. (figure acrobatiche di une scuadre di avions che e fâs simulazion dal sclopâ di une bombe)
    l'esibizione della pattuglia acrobatica si è chiusa con la bomba = la esibizion de patulie acrobatiche si è sierade cu la bombe

locuzions

    a prova di bomba
  • a prove di bombe, a prove di dutis lis provisCopie
    [CO] (une vore resistent, fuart)
    una cassaforte a prova di bomba = une cassefuart a prove di bombe
  • a prove di bombe, a prove di dutis lis provisCopie
    (sigûr)
    fornire un alibi a prova di bomba = puartâ un alibi a prove di dutis lis provis
    • bomba A
  • [TS] arm. (cjale bomba atomica)
    • bomba a mano
  • bombe a manCopie
    [CO] (bombe che e pues sei tirade a man)
    • bomba a orologeria
  • bombe a timpCopie
    [CO] (bombe cun argagn a timp)
    l'attentato è stato attuato con una bomba a orologeria scoppiata due ore dopo il posizionamento = l'atentât al è stât metût in vore cuntune bombe a timp sclopade dôs oris daspò dal logament
  • bombe a timpCopie
    (situazion di fuarte tension che e pues lâ in crisi di un moment a di chel altri)
    il contrasto latente fra le due fazioni è una bomba a orologeria = il contrast cidin jenfri lis dôs fazions al è une bombe a timp
    • bomba ad ananas
  • bombe a ananasCopie
    [CO], [TS] arm. (bombe a man che par difûr e somee ae scusse dal ananas)
    • bomba atomica
  • bombe atomicheCopie
    [CO], [TS] arm. (bombe che si fonde sul efiet di une reazion di fission nucleâr)
    un arsenale di bombe atomiche = un arsenâl di bombis atomichis
    • bomba ballerina
  • bombe balarineCopie
    [TS] milit. (bombe a man de prime vuere mondiâl che e veve une piçule tele di stabilizadôr dal svol une volte tirade)
    • bomba calorica
  • bombe caloricheCopie
    [CO] (aliment ipercaloric)
    i fritti sono buoni ma sono una bomba calorica = i frits a son bogns ma a son une bombe caloriche
    • bomba carta
  • bombe cjarteCopie
    [CO] (bombe rudimentâl a nitrocelulose, che e pues sei involuçade te cjarte o metude tune buste, no tant distrutive ma che e pues fâ mâl)
    • bomba d'artificio
  • [CO] (cjale fuoco artificiale)
    • bomba vulcanica
  • bombe vulcanicheCopie
    [TS] gjeol. (bloc di lave a forme tarondade o a fûs butade fûr di un vulcan)
    • pacco bomba
  • pac bombeCopie
    [CO] (pac cuntune cjarie esplosive che e sclope cuant che si lu vierç)
    • tornare a bomba
  • tornâ sotCopie
    [CO] (tornâ sul vîf di une cuistion daspò di un straviament)
    torniamo a bomba sull'argomento più importante = tornìn sot cul argoment plui impuartant

monolengâl

bombe s.f.
(bom-be)
Arme formade di un contignidôr o proietil cun dentri esplosîf e cuntun dispositîf che le fâs sclopâ
esemplis
"butâ, tirâ, molâ, trai, fâ sclopâ une bombe"
"tes cjasis si vaìve ancjemò i muarts, lis feridis a jerin ancjemò viertis, il fum dai fûcs e des bombis no si jere ancjemò sfantât tal cîl…"
gjavât fûr di "Sul agâr" di Pieri Menis
"a Vignesie cualchidun al veve plaçât vie pe gnot une bombe denant dai uficis di un gjornâl, e un vuardian al jere muart"
gjavât fûr di "Chê dì che al neveà a Vignesie" di Agnul di Spere
"une bombe e vâl plui di mil libris, plui di cent comizis, plui di dîs siopars, bombis al plastic, bombis molotov i vuelin, altri che fotis"
gjavât fûr di "Un pugn di moscjis" di Pieri Somede dai Marcs
"la Ete Atomiche e ven screade in maniere distrutive cu la decision dal guvier dai Stâts Unîts de Americhe di finî la vuere cul Gjapon butant su Hiroshima e Nagasaki dôs bombis atomichis"
gjavât fûr di "Un mont cence armis nucleârs. Sfidis sientifichis e tecnologjichis" di Alessandro Pascolini
bombe s.f.
(bom-be)
Robe che e fâs scjas, fat clamorôs (fig.)
esemplis
"a pene sclopade la bombe dal armistizi, i soldâts a àn butadis vie lis armis e bandonade la caserme, cirint di svuincâsi dai todescs"
gjavât fûr di "Sul agâr" di Pieri Menis
bombe s.f.
(bom-be)
Situazion di tension (fig.)
esemplis
"une dì, prime che la frutate e partìs par lâ a vore in fabriche, e sclopà la bombe, al vignì fûr il marum, la bile e il velen. Anzule e veve lassât che sô mari e tontonàs un biel pieç, po e tacà jê"
gjavât fûr di "La maghe no fale" di Pieri Menis
"fintremai che une dì e sclopà la bombe, e ce bombe! Ancjemò a buinore, di scûr, al tacà a sberghelâ che lu vevin ruvinât, che i vevin robâts i siei sudôrs"
gjavât fûr di "Il fi de Rosse" di Pieri Menis
bombe s.f.
(bom-be)
Cui che al è provocant (fig.)
esemplis
"chê femine e je une bombe"
bombe s.f.
(bom-be)
Ce che al è une vore fuart di savôr, di grât alcolic e v.i. (fig.)
esemplis
"une salse cul pevaroncin che e je une bombe"
bombe s.f.
(bom-be)
In zûcs, sports o sim., tîr o colp une vore fuart (fig.)
esemplis
"al tire une bombe su punizion, che e lasse De Sanctis incocalît ma e sbat su la travierse"
gjavât fûr di "Roma – Udinese 2-1" di Marc Stolf
bombe s.f.
(bom-be)
Machine, moto e v.i. une vore svelte e potente (fig.)
esemplis
"come veture mi plâs di murî, tresinte cjavai, une bombe viôt"
gjavât fûr di "Al prossim casting ti sielzin te" di Maurizio Mattiuzza
bombe s.f.
(bom-be)
[CO] (sport) Doping, sostance improibide par fâ cressi la prestazion di un atlete
bombe s.f.
(bom-be)
[BF] Bausie, robe inventade
sinonims
bale, bufule, sflocje
esemplis
"nol è vêr nuie afat. Ma nuie, propit nuie! [...] Une bombe ancje cheste."
gjavât fûr di "Florean dal Palaç, II, 21" di Guido Antonioli
"cuissà ce bombis che al conte"
gjavât fûr di "Trapulis" di Anute Fabris
bombe s.f.
(bom-be)
[BF] Cui che si jemple la bocje di retoriche
sinonims
trombon
esemplis
"ce bombe che al è chel om!"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
torne sù

cognons

Bombarda
Di un sorenon che si è formât sul talian bombarda “arme di fûc di pueste antighe", par riferîsi a cui che al faseve o al doprave chê arme (Rapelli, 1995). Presint a Cividât.
fonts
1492 Leonardo Bombarda di S. Odorico in lite con Gio. Daniele di Vivaro abit. Spilimbergo (ANU 3881); 1512, ai 22 di Lui Gio. Antonio Bombarda q. Leon. Bombarda di S. Odorico abit. in Villaorba (ANU 3900); 1527, ai 13 di Avrîl Gio. Bombarda q. Ant. da Caporiacco teste in S. Daniele (ANU 3897).
Bombardella
Diminutîf di bombarda, arme di fûc antighe. Cognon di San Vît dal Tiliment.
fonts
1749 Ottavio Bombardella notaio coll. Sacile (AB); 1792 Ottavio Bombardella in Fraterna S. Valent. di S. Vito (ASU CRS 454/4); 1826 Orsola Bombardella di Gio. Batta, possidente di Sacile, sposa Vincenzo Cordenons di Giuseppe, possidente di Sacile (A.P. Sacîl).
Bombardièr
Al è il venezian bombardièr “bombardîr e artilîr, chel soldât che al cjame e al discjame lis artilariis" (Boerio). Il so significât, però, al jere deventât ancje chel di “fanfaron, un che lis sglonfe cence misure". Tal 1595, a Osôf, al è ricuardât mistro Cesare Andriollo Bombardiero nella fortezza. Il cognon si lu cjate a Darte, Atimis (massime a Foran) e a Udin. Viodi ancje De Stefani 2003, 206-207.
fonts
Cun cualchi variante al è presint dal Cinccent a Siai (Trep di Cjargne): 1530, ai 9 di Fevrâr Investitura a Leon. q. Filippo Pedrusoni sive Bombardir e a Filippo suo figlio di una posta per costruir mulino (ANU nodâr Crist. Angeli); 1570, ai 12 di Mai Ser Nicolò d.° Tes q. Leon. Bombarderio di Siaio di Treppo C. compra 15 conzi vino nero a 11.10 da nob. Franc. Caporiacco (ANU 3934); 1621 Nicolò Bombarder di Ser Giovanni da Siaio (Trep) – processo per rottura promessa matrim. con Pasqua di Ser Giovanni Morassi da Cercivento super. (AAU Procès); 1759 Gio. Batta di Nicolò Cillia e di Maria Bombardiero q. Giacomo q. Filippo q. Giacomo Bombardiero di Treppo Carnico sposa Maria di Antonio di Pietro Broili (Filze); 1761 Pietro Bombardieri notaio Pordenone (AB). 1544 Bombardiera n.f. a Udin (Corgnali); 1582, ai 23 di Fevrâr Caterina q. Marino detto il dottor di Canale Grivò asserisce promessa matrim. da Iuvano Bombardino di Forame (Mandatorum); 1603 m.° Simon Bombar di Cormons (ACAU 726/1); 1678 Simon q. Sebast. Bombardir, teste in Attimis (ASU CRS 15/1); 1815 Gio. Batta Bombardir di Giuseppe nato nel 1787 in Nimis, sposa Paola Comello di Dom.co di Nimis (A.P. Nimis).
Bombasaro
Tant che il venezian bombasèr “marcjadant di coton o di bombâs", di bombaso “bombâs, coton". Si trate, duncje, di un non di mistîr. Cognon di Lestans (Secuals), che al rive de provincie di Trevîs. A Osôf al è il non di cjasade Bombasìna tra i Biasoni.
torne sù