Tu âs cirût la peraule
bilengâl monolengâl cognons
Tu âs cirût la peraule
bozzetto
torne indaûr

bilengâl

bozzetto s.m.
  • 1

    s.m. studi, aboç Copie

    [CO] (prime prove di une opare artistiche)
    una mostra di bozzetti di un famoso pittore = une mostre di studis di un pitôr famôs

monolengâl

studi s.m.
(stu-di)
Ancje tal pl., ativitât di incressi cognossincis e capacitâts, spec. in graciis di libris e insegnaments di altris
sinonims
dissipline, materie
esemplis
"mi veve domandât de gnece e dal so profit intai studis"
gjavât fûr di "Trê feminis" di Gianni Gregoricchio
"un zovenut inamorât da la art e de vite, che al finive i siei studis a la academie"
gjavât fûr di "La Madalene" di Zuan Lurinçon
studi s.m.
(stu-di)
Ativitât di ricercje specialistiche su di un ciert argoment
sinonims
analisi, indagjin, ricercje, scrutini
esemplis
"il prin studi gjeologjic de zone [di Preon] al è stât fat di Michele Gortani (1910)"
gjavât fûr di "Gjeologjie e paleontologjie ator di Preon" di Francesco Gobbo
"ancjemò a vuê a mancjin studis precîs in stât di delineâ une precise gjenealogjie sigure dai Conts di Gurize"
gjavât fûr di "Autonomie tal Friûl austriac" di Ferruccio Tassin
"i prins studis neurologjics sul sium a son stâts puartâts indenant di Costantin Von Economo, un neurolic austriac"
gjavât fûr di "Il cjâf dai furlans" di Franc Fari
studi s.m.
(stu-di)
Lavôr preparatori par capî lis carateristichis, l'impegn e v.i. di une opare in program
sinonims
plan, progjet
esemplis
"[l'assessôr] al à anunziât il finanziament di un studi di fatibilitât, par un cost di cuasi 300 mil euros, suntun gnûf colegament tra la SR464 a Secuals e la SS13 e la A23 a Glemone"
gjavât fûr di "Tiliment, il Serengeti de Europe centrâl" di Stefania Garlatti-Costa
studi s.m.
(stu-di)
Stanzie par studiâ, lei o sim.
sinonims
mezât
esemplis
"lant fûr di cjase, o viodei il Cjapitani daûr dai veris dal studi"
gjavât fûr di "Il dolfin" di Carlo Sgorlon
studi s.m.
(stu-di)
Puest dulà che un artist o un professionist al lavore
sinonims
buteghe
esemplis
"e tacave a visâsi di jessi stade, daspò muart so pari [...], intal studi di un nodâr parie cu la mari di Lissandri"
gjavât fûr di "Il sium di Lissandri" di Franca Mainardis
"tal studi [di scultôr] dut al jere za pront. Il modelut di Enore al spietave poiât sul trepîts"
gjavât fûr di "La Madone de Pâs" di Maria Forte
"al pensà di metisi di bessôl, di vierzi un "studi fotografic" no a Rome, indulà che no si cjatave plui, ma tal so paîs"
gjavât fûr di "Il mâl dal mûr" di Lucio Perès
studi s.m.
(stu-di)
Sale o complès di salis di dulà che si trasmetin spetacui televisîfs e radiofonics
esemplis
"cun partecipazions in studi e intervistis, ducj i politics che a contavin in chei agns a son passâts a Onde Furlane"
gjavât fûr di "Un Friûl difarent: i 90 mhz di Onde Furlane" di Max Mauro
"une serie televisive fate no cun intervistis ziradis dentri di un studi televisîf, ma fûr sul teritori"
gjavât fûr di "Interviste cun Giorgio Cantoni" di Fabian Ros
detulis
"ducj i studis no stan intune crepe"
torne sù

cognons

Bozzetto
Dal non medievâl di persone Bozzo, probabile variante dal non nordic di persone Boso, cul sufìs diminutîf. I Bozzetto di san Zuan di Cjasarse a son documentâts dal 1640 (Luchini, 1995). Al è ancje a Brugnere, Danon, San Stin, Pramaiôr, San Vît dal Tiliment (culì ancje come Bozzèt). Tal 1632 Andrea Bocetto a Çopule.
fonts
1570 Orlando Bolzato (ancje Bozzato e Bozzeto) cameraro Chiesa di S. Marco di Castions di Porzia (ASU CRS 42); 1605 Dom.go Bozetto, calculator Confr. di S. Gerolamo a Ud. (AAO ms. 1017); 1620 Daniel Bozzettus camerarius della Confr. S. Nicolò di Rauscedo a Udine (AAU ms. 1033); 1640 presint a Sîl (San Zuan di Cjasarse) Lorenzo Bozzetto (Luchini, 1995); 1659 m.° Jseppo Bozzetto, teste in Concordia (ASU CRS 196/1); 1695 Sig. Zuanne Bozeto, gastaldo Scola B.V. di Tavella di Concordia (ASU CRS 196/1); 1698, ai 15 di Novembar divisione tra i f.lli Francesco, Giuseppe e Michele Bozzetto di S. Giovanni di Casarsa – Versuta (ACR 646/4); 1764 Bortolamio Bozzetto, gastaldo della Scuola del SS.mo Rosario di Gaiarine (ASU CRS 225/1); 1763 Angelo Bozzetto di Orcenico (ASU Perusini 725.2).
torne sù