Tu âs cirût la peraule
bilengâl monolengâl
Tu âs cirût la peraule
brutta copia
torne indaûr

bilengâl

brutta copia
  • 1

    loc.s.f. brute copie, minude, brute, sporc Copie

    [CO] (redazion provisorie di une robe scrite)
    nei compiti scritti si consiglia di fare sempre la brutta copia = intai compits scrits al è simpri conseât di fâ la brute
    scrivere la brutta copia aiuta a non commettere errori di distrazione = scrivi la minude al jude a no fâ erôrs di distrazion
  • 2

    loc.s.f. brute copie Copie

    [CO] (persone o robe che e simiote une altre)
    sei la brutta copia di tuo fratello = tu sês la brute copie di to fradi

monolengâl

sporc adi.
Che nol è net, che al à cragne intor o sù o dentri
sinonims
bisont, contôs, cragnôs, impacjucât, incragnît, ont, scuintiât, tacolât, poçolât
esemplis
"a restarin su la taule lis scudielis cui fonts di mignestre e lis tacis sporcjis di vin"
gjavât fûr di "Cjase di Dalban" di Maria Forte
"al tornave strac di sore sere cui bregons sporcs di tiere"
gjavât fûr di "La aghe da pît la cleve" di Dino Virgili
"un cjavalut ruan, piel e vues [...] nol jere bon nancje di menâ fuart la code, lungje e sporcje, par parà vie i moscjons"
gjavât fûr di "La cavalarice" di Pieri Somede dai Marcs
sporc adi.
Di colôr, no pûr, miscliçât cul grîs o cul neri
esemplis
"dôs spuindis altis, cun baraçs e plachis di glerie di un blanc sporc"
gjavât fûr di "Cjalant la rive" di Agnul di Spere
sporc adi.
Che al è cuintri de morâl, che nol è onest o che si bute tal vizi (fig.)
sinonims
carognôs, cjamoiôs, cragnôs, depravât, disonest, imorâl, porc, soç, vergognôs, vîl
esemplis
"il mont cu la sô politiche sporcje al è dute une bausie"
gjavât fûr di "Al è muart Cercil" di Pieri Somede dai Marcs
"ma no stâ crodi che ducj i lavôrs a sedin nets: a 'ndi è ancje di sporcs [...] a lavorin a lôr mût ancje i laris, i imbroions, i rufians [...]"
gjavât fûr di "Lis predicjis dal muini" di Josef Marchet
"chel at di amôr jal vevin simpri descrit come une robe sporcje, mostrât simpri sot une lûs di pecjât, di colpe"
gjavât fûr di "Il muc" di Roberto Ongaro
sporc adi.
Che al à a ce fâ cu la sessualitât in maniere volgâr (fig.)
sinonims
licenziôs, ossen, slavrât, triviâl, volgâr
esemplis
"Vigji Mandulin, un omenut che inmò al va ator pes ostariis a fâ la sunade. Al sune e al cjante cjantosis vieris, legris, di amôr, mataranis, di curtìs e ancje sporcjis"
gjavât fûr di "Cercandui" di Alan Brusini
"barzaletis sporcjis"
sporc adi.
Che al è fat, ancje di pueste, cence cure, cence perfezion tecniche (fig.)
esemplis
"e jere la mostre fotografiche “Bambini” di Paolo Pellegrin. O soi restât fulminât: incuadraduris sporcjis, imagjins no a fûc par mostrâ fruts, ancje in situazions di vuere"
gjavât fûr di "Sul troi de poesie visive" di Erika Adami
sporc adi., s.m.
Tant che adietîf negatîf gjeneric o par rimarcâ cualsisei aspiet negatîf, ancje tant che ofese (fig.)
sinonims
porc, maledet, cragnôs
esemplis
"se no fossis stât tant tacàt a chei sporcs di bêçs e se o vessis fate un pocje di caritât, invezit di sparagnâ..."
gjavât fûr di "Sparagns mangjâts da lis surîs" di Igino Macasso
""Brut insolent di un sporc…""
gjavât fûr di "Vieri e gnûf" di Pieri Piçul
sporc adi.
[TS] (econ.) Di sume di bêçs, calcolade in complès contant ancje lis spesis, lis impuestis e v.i.
esemplis
"une incarghe di 750 euros sporcs"
gjavât fûr di "La Arlef e cîr intervistadôrs" di Redazion Il Friuli
sporc s.m.
Robe o sostance che no je nete o che se e ven in contat cun alc e fâs che nol sedi plui net
sinonims
cragne, soç, porcarie
esemplis
"un sporc, une peste di lisp e di stiç di fâ gomit"
gjavât fûr di "Amîs come prime" di Alan Brusini
"si cjalave la gjachete e i bregons ducj plens di polvar, ma chel al jere il sporc di cui che al lavore, un sporc che nol faseve fastidi"
gjavât fûr di "Prime di sere" di Carlo Sgorlon
sporc s.m.
Prime redazion no definitive di un test
esemplis
"scrivi prime in sporc e dopo in biele"
detulis
"il sporc e il malmont a àn il cûl taront"
"la aghe sporcje no lave"
"la robe sporcje si lave in cjase"
"la vacje sporcje a sporcje chês altris"
"mont mont, sporc unmont"
"mont sporc"
"no bisugne mostrâi a dinissun la cjamese sporcje"
"no si freisi tant se no si è sporcs"
"no stâ crodiur mai a chei che a àn politiche sporcje"
"prin viôt se tu âs la cjamese sporcje po scuintiije a di chei altris"
"sporc e mont a fasin il cûl taront"
"une vacje sporcje e cîr simpri di sporcjâ chê altre"
"une vacje sporcje e scuintie ancje chês altris"
torne sù
torne sù