Tu âs cirût la peraule
bilengâl monolengâl
Tu âs cirût la peraule
buio
torne indaûr

bilengâl

buio adi., s.m.
  • 1a

    adi. scûr Copie

    [FO] (cence lûs)
    dormire in una camera buia = durmî intune cjamare scure
    senza luna la notte è buia = cence lune la gnot e je scure

    adi. scûr Copie

    (di timp, cîl e v.i., une vore nulât)
    il cielo è diventato buio per il temporale = il cîl al è vignût scûr pal burlaç
  • 1b

    adi. scûr Copie

    [CO] (inciert, menaçôs)
    ci aspettano tempi ben bui = nus spietin timps pardabon scûrs
  • 1c

    adi. scûr Copie

    [CO] (caraterizât de decjadence e ignorance)
    i famosi secoli bui = chei secui scûrs che si disin
    i ricordi dei periodi bui della storia sono ancora vivi = i ricuarts dai periodis scûrs de storie a son inmò vîfs
  • 2

    adi. scûr Copie

    [CO] (avilît, pinsirôs, preocupât)
    i problemi rendono i visi bui = i problemis a fasin lis musis scuris
    le espressioni buie sulle facce sono segno di preoccupazione = lis espressions scuris des musis a son segn di pinsîrs
  • 3

    s.m. scûr Copie

    [FO] (mancjance di lûs)
    dormire al buio = durmî intal scûr
    essere terrorizzati dal buio fitto = jessi scaturîts dal scûr penç
    si dice che i gatti vedono nel buio pesto come fosse giorno = si dîs che i gjats a viodin intal scûr penç come se al fos dì

    s.m. scûr Copie

    (sere, gnot)
    i contadini lavoravano nei campi fino a che faceva buio = i contadins a lavoravin intai cjamps fin che al vignive scûr
  • 4

    s.m. scûr Copie

    [CO] (cundizion di ignorance)
    lasciare la concorrenza al buio su alcune iniziative = lassâ la concorence tal scûr di cualchi iniziative

    s.m. scûr Copie

    (misteri)
    un caso immerso nel buio = un câs che al nade intal scûr
  • 5

    s.m. scûr Copie

    [TS] zûcs (intal poker, dopleâ la pueste dal prin zuiadôr, che al pues fevelâ prin di viodi lis sôs cjartis)
    aprire al buio = vierzi a scûr oppure cence viodi

locuzions

    corrente di buio
  • [CO], [TS] eletr. (cjale corrente di oscurità)
    • fare buio
  • vignî scûr, scurî, imbrunîsiCopie
    [CO] (vignî indenant de gnot)
    si fa buio, brillio di stelle = la gnot si imbrune, claris chês stelis torniamo, si fa buio = tornìn, al scurìs
    • salto nel buio
  • salt tal scûr, salt tal vueitCopie
    [CO] (in politiche, iniziative che si cjape ma no si rive a misurândi lis consecuencis)
  • salt tal scûr, salt tal vueitCopie
    (iniziative aventurose e imprevedibile)

monolengâl

scûr adi.
Di colôr che al tire sul neri o che al è cjariât, mancul clâr rispiet a altris ats di colôr
sinonims
flusc, fluscât, fosc, fumul, fuscât, suturni, torvit, turbit
esemplis
"Dorine e veve intorsi une cotule blu scûr"
gjavât fûr di "Chei di Muraie" di Pieri Menis
"chel vert scûr dai ciprès, che a pichin sù chi è là pes clevis e tal mieç des ruvîs dal santuari"
gjavât fûr di "Viaç aes origjins dal Logos" di Adrian Cescje
scûr adi.
Cun pocje lûs
esemplis
"la Stele, cuiete tal so cjanton scûr, e moveve i siei voi tonts e e parave jù il fen a bocjadis"
gjavât fûr di "La tiere di Lansing" di Maria Forte
"prin di lâ jù pal bosc scûr di cjastinârs si sin fermâts a spietâ il glon di cualchi cjampane"
gjavât fûr di "Il cuader de none" di Pieri Menis
scûr adi.
Di sun, profont, grâf
esemplis
"vôs scure di femine anziane"
gjavât fûr di "Come tai romançs" di Alan Brusini
"vôs disperade, scure e cuasi simpri stonade"
gjavât fûr di "La maree nere" di Checo Tam
scûr adi.
Che al pant pôre, marum, asse, conturbie o altris umôrs, sensazions o sintiments calcolâts negatîfs (fig.)
esemplis
""Nuie… O ai fat il zîr di ducj i mulins des roiis [cence cjatâ farine]! là sù di Fiôr a S. Bernart, là sù di Fostar a Cjavalì, pardut… - dissal Guri cu la muse scure"
gjavât fûr di "La aghe da pît la cleve" di Dino Virgili
scûr adi.
Caraterizât di misteri, inciertece o ancje di alc di negatîf o platât (fig.)
esemplis
"o dismetevi di colp di jessi il frut lusorôs, tirât sù tal bombâs, fabricant intor di lui une clime di serenitât aiarose, par jentrâ intun teritori scûr e proibît"
gjavât fûr di "Il dolfin" di Carlo Sgorlon
"e veve un sintî a mût so,… scûr, che nol lassave mai sigûrs"
gjavât fûr di "Cjase di Dalban" di Maria Forte
scûr adi.
Brut, caraterizât di situazions negativis (fig.)
sinonims
brut, neri
esemplis
"tun dai moments plui scûrs pe identitât de Scozie, segnade inmò dal pês de repression metude in at dopo des rivoltis jacobitis, Burns al à savût tignî impiât il sium di une Scozie libare"
gjavât fûr di "Teritoris - Oms di Libertât" di Carli Pup
scûr adi.
Caraterizât de decjadence e ignorance (fig.)
esemplis
"al sarès un disastri se la sience e fos acessibile dome a cui che al fevele ciertis lenghis, inglês o altri: un tornâ indaûr a timps scûrs che a àn fat dam no dome aes cognossincis ma a dutis lis libertâts principâls des personis"
gjavât fûr di "Interviste a Mauro Ferrari" di Carli Morandin
scûr s.m.
Mancjance di lûs
esemplis
"al sune l'alarme [...] si distude ogni lusôr, [...] dut un scûr dulintor e planc planchin il sunsûr dai bombardîrs che si tire incà"
gjavât fûr di "Storie di Min" di Ivano Urli
"i mi svei co l'è scûr, i prepari il cafè / e po fadias osteadas fintant che al ven not"
gjavât fûr di "Taresia di Val Vezil" di Giorgio Ferigo
scûr s.m.
Ce che nol è cognossût, che al è dismenteât, che al è dificil o impussibil di capî, situazion di no savê o di misteri (fig.)
sinonims
misteri
esemplis
"cualchidun al jere blocât di une sudizion antighe, che forsit no jere nassude cun lôr, ma e vignive di plui lontan, si pierdeve tal scûr dai secui"
gjavât fûr di "Il dolfin" di Carlo Sgorlon
"o cognossês il gno segret e il parcè dal gno cidin che us faseve bacilâ. O cognossês il scûr dal gno vivi e mi perdonais…"
gjavât fûr di "La tiere di Lansing" di Maria Forte
scûr s.m.
Ce che al è negatîf, indreçât in cualchi mût al mâl o caraterizât di cundizions negativis o di efiets negatîfs (fig.)
esemplis
"la sô muse si compagnà a chel scûr che al veve dentri"
gjavât fûr di "La tiere di Lansing" di Maria Forte
"ma parcè il cjalâ lusorôs di lôr fi ju jemplavial di scûr ta la anime?"
gjavât fûr di "La aghe da pît la cleve" di Dino Virgili
"indulà isal chest scûr? Scûr al è in Spagne, in Portugal, in cualchi republicute da la Americhe meridionâl, dulà che centralisim e ditature si dan la man"
gjavât fûr di "Trê salts tal scûr: costituzion - republiche - autonomie" di Josef Marchet
detulis
"a scûr dutis lis ocjis a son neris"
"clâr a matutin, scûr tal stali; scûr a matutin, clâr tal stali"
"cuant che al è scûr, e je gnot"
"cuant che e je scure la buse di Pinçan, e ven la ploie, co e je clare al ven bon timp"
"cui che di gjat al nas al cjape surîs a scûr"
"cui che nol à lusôr che al ledi a durmî a scûr"
"miôr lâ a durmî cuntun mocul che no a scûr"
"miôr un bocon di lum che no lâ a durmî a scûr"
"Sant Pauli scûr, dal Invier no sin fûr"
"Sant Pauli scûr, forment sigûr"
"scure la marine: mangje, bêf e sta in cusine; clare la montagne: bêf e va in campagne"
torne sù
torne sù