Tu âs cirût la peraule
bilengâl monolengâl
Tu âs cirût la peraule
burrasca
torne indaûr

bilengâl

burrasca s.f.
  • 1a

    s.f. burascje, burlaç Copie

    [AD] (burlaç sul mâr)
    le imbarcazioni sono in pericolo per la burrasca = lis barcjis a son in pericul pe burascje oppure pal burlaç
    non uscire, è tempo di burrasca = no stâ a lâ fûr, al bute sù burascje oppure burlaç
  • 1b

    s.f. burascje Copie

    [TS] meteor. (aiar cuntune velocitât tra i 15 e i 25 m. al secont)
  • 2a

    s.f. disgracie, disdite, malepasche Copie

    [CO] (tragjedie, disgracie)
    ha avuto una vita piena di burrasche = al à vût une esistence plene di disditis
    le molte burrasche lo hanno cambiato = lis tantis disditis lu àn cambiât
  • 2b

    s.f. conturbie, savoltament, burlaç Copie

    [CO] (conflit psicologjic e morâl)
    era scosso da una burrasca di emozioni = al jere scossât di un savoltament oppure di une conturbie di emozions
  • 2c

    s.f. barafuse, batibui, burlaç Copie

    [CO] (situazion di conflit, barufe violente)
    c'è stata burrasca fra gli amici = al è stât batibui oppure burlaç tra i amîs

locuzions

    esserci aria di burrasca
  • fâsi la luneCopie
    [CO] (jessi une atmosfere di gnervôs, cuant che si spietisi che e sclopi la rabie di cdn.)
    c'è aria di burrasca in casa = si fâs la lune in cjase

monolengâl

burascje s.f.
(bu-ras-cje)
Perturbazion atmosferiche cu aiar fuart e precipitazions ancje bondantis
sinonims
burlaç, temporâl, tormente, burascjade, rogan
esemplis
"al pâr che il vint si boni sence sdrumâ il cjastiel di Pramper nancje cheste volte, e cussì ancje i tons e i lamps e si vadin slontanant; si à capît cussì che la burascje e jere nome di passaç"
gjavât fûr di "La teme - Une gnot intun cjastiel" di Giovanni Gortani
"lis cjandelis e vegnin impiadis par test di un navigant che cul aiût dal Signôr si à salvade la vite, agns e agnorums indaûr, intune burascje tremende"
gjavât fûr di "Viaç a Vignesie" di Arturo Feruglio
Viôt ancje: borascje
burascje s.f.
(bu-ras-cje)
Contrast o conturbie di personis, opinions o altris elements (fig.)
sinonims
barufe, contrast, temporâl, burlaç
esemplis
"se o savessis ce ligrie, ce spas, ce mataniçs. Cjo, cualchi volte un tic di music, un fregul di burascje. No si saveve nancje parcè"
gjavât fûr di "Vieri e gnûf" di Pieri Piçul
"cualchi matrimoni in burascje"
gjavât fûr di "L'amôr vieri" di Ercole Carletti
detulis
"cuant che a ven la burascje, il diaul al trabascje"
"gradesane la matine, burascje vicine"
torne sù
torne sù