Al è presint a Udin dulà che al è rivât di Belum tai agns cuarante dal secul passât. Cognon soredut venit e trentin. Tal 1792 Maria Busana della Fraterna S. Valent. di S. Vito (ASU CRS 454/4).

Cognons dal venit presints ancje te nestre regjon: il prin a Pordenon, il secont a Monfalcon, Udin, Manià. Al podarès vignî di buso “buse", ma par Soranzo 1996 e je pussibile une ipotesi etimologjiche di busso “bos". Par nô al sarès di considerâ ancje il non antîc di persone Boso (Olivieri 1923 al pensave plui al non di persone Buxius).

Forsit al è il dispreseatîf dal furlan busa “buse" (in chest câs nol è di escludi un microtoponim), o pûr dal non di persone medievâl Boso (viodi ancje Busato). Al è presint a Cint.

Come Busét (viodi). Cognon di Budoie (il toponim Busetti A Sante Luzie); al è presint a Pordenon, Lavorêt e a Udin.

Al è probabil che al sedi come Busèt (viodi), te forme diminutive. Al è presint a Tarvis.

Come Busét (viodi). Cognon venit une vore difondût a Vignesie; te nestre regjon al è a Pordenon, Sacîl, Manià.

Si pues pensâ al verp businâ tal sens di “busigâ" doprât pes personis che a fevelin di un continui. Busignèl al indicave il "lumin" des armis di fûc e Olivieri 1923 al ricuarde la peraule de zone di Belum busnèl “sgurli" e, duncje, in sens metaforic, “persone volubile". Dut câs, no si à di dismenteâ che Businellus al jere un non di persone: Businellus sac. obiit, qui pro anima sua ac omnium mortuorum suorum inaures argenteos, V den. fratribus dedit super terram iuxta domum Andree notarii (NA). Te forme Businelli si lu cjate a Gonârs, Gardiscje, San Pieri dal Tiritori, Cjasteons di Strade; Businello a Spilimberc (mi àn dit, di Portobuffolè in provincie di Trevîs; Dal Cin 1997 lu fâs vignî de localitât omonime te provincie di Padue e in provincie di Vicence).

Come Božič (vedi). Al è a Buri e a Udin.

Cognon venit che, te nestre regjon , al è a Daçan, Cordenons, Pordenon, Udin. Al ven dal non di persone Buso documentât a Padue te Ete di Mieç te forme di stîl latin Buxius (a Spilimberc un Busio tal 1342). Par Olivieri 1923, chest non di persone al pues jessi une alterazion dal gjermanic Boso, cuntun eventuâl inflùs dal venezian buso “buco". Par Simionato 1995, la divignince plui probabile e je dal talian antîc buso, variante di bùgio, doi adietîfs cun significât di "vueit, sbusât", ancje metaforic (Dal Cin, 1997).

Al è probabil che al sedi il diminutîf dal non di persone Boso, ma al somearès documentât ancje Buso (viodi), di divignince gjermaniche, doprât te Ete di Mieç. Cussì, si à ser busulin di bruri (= Buri) e un Busolino a Cividât, une Margarita olim Iacobi Busolini a Udin, ducj tal secul XIV. De Stefani 2003 al sugjerìs la ipotesi che al puedi jessi il derivât di une forme diminutive di Jacobo, variante di "Giacomo": in pratiche, la forme aferetiche di Jacobus(s)ul. Per poiâ cheste ipotesi, nus volarès cualchi forme scrite Bussul (o Buzzul in relazion cun Buzzi di Jacobuzzi): le vin cjatade tal Schedari Biasutti pai Busolini di Fusee: 1769 Giovanni di Osvaldo q. Giovanni q. Pietro q. Gregorio Buzzolini (o Bussolinis) da Fusea sposa Maria Lena di Caterina Buzzolini (ma e jere de Busolinis tal 1550 e de Busulins tal 1587). Tal Schedari Corgnali: 1341 d.no Leonardus dictus Busulinus de Mels; 1360 Margarita relicta olim Iacobi Busulini a Udin; 1517 Grivor et Piero de Busulins a Fusee. La forme Busolìn e je te frazion di San Zorç di San Michêl (e tal Venit). Busolini al è carateristic di Puriessin tal comun di Cividât; culì tal 1577 si à Domenego cocian detto Busolin, tal 1580 Dominicum Busolinum, tal 1581 Mathia Busulin de Puriessim, tal 1583 Domenego Cocian ò vero Busolin, tal 1600 Domenico Cocian detto Busolin: par chestis atestazions nol è di escludi che il cognon Busolini al vegni dal cognon Cocian, deventât dopo Coceàno. Un altri "nît" di Busolini al è a Fusee tal comun di Tumieç. Al è presint ancje a Udin, Gurize, Martignà, Tavagnà, Pasian di Prât.

Al è a Monfalcon (e Triest). Par Bonifacio 2010, 588 al è un cognon di origjin istriane che al ven metint adun il non talian setentrionâl Buzo, o sedi il toscan Buccio, e la peraule dialetâl buso “buse”. Tal 1937 Milan Bussani al è Campion di Italie di canotaç te specialitât dal “4 cun” cu la Societât Timavo di Monfalcon (Nazzi, 2002).

Al è a Fare.

Diminutîf di bus “buse" (o te forme venite buso). O pûr dal non antîc di persone Boso. Al è presint a Pordenon, Daçan, Pasian di Pordenon, Dael. Tal Schedari Biasutti: 1326 Paolo Busetto (ancje Buseta) q. Nicolò notaio a Udine; 1696 Busetti Cristoforo q. Francesco cittadino e mercante di Cividale.

Al è a Fossalte.

Diminutîf di Boso, non medievâl di persone, o pûr di bûs “buse". Tal Schedari Corgnali: 1344 Busut a Muimans; 1437 Michael Busut de Jassico; 1437 Iohannes q. Busutti a Breçan; 1439 çuan Busut a Cividât; 1568 uno chiamato Busut a Sacîl. Al è presint a Tierç di Aquilee e a Gurize. A Buie Busùts al è “plurâl di famee" di Busùt, sorenon di famee tra i Nicoloso (culì al è ancje il toponim Busùts, grup di cjasis bande soreli a mont di Sotcuel).