Hai cercato la parola
bilingue monolingue
Hai cercato la parola
cacciare
Torna indietro

bilingue

cacciare
  • 1

    v.tr. cjaçâ Copia

    [CO], [FO] (cori daûr a un animâl par cjapâlu o par copâlu)
    i lupi cacciano il cervo = i lôfs a cjaçin il cierf

    v.tr. cjaçâ Copia

    (ass. lâ a cjace)
    cacciare nel bosco = cjaçâ intal bosc

    v.tr. cjaçâ Copia

    [CO] (cori daûr, scorsenâ cdn.)
    la polizia stava cacciando il ladro = la polizie e jere daûr a cjaçâ il lari
  • 2a

    v.tr. parâ fûr, socâ fûr Copia

    [FO] (mandâ fûr, slontanâ cdn. cun decision di un puest o di une incjarie)
    l'hanno cacciato di casa = lu àn socât fûr di cjase
    rubava e l'hanno cacciato via dal negozio = al robave e lu àn parât fûr de buteghe

    v.tr. mandâ vie Copia

    (di robis astratis)
    caccia i tuoi brutti pensieri! = mande vie chei tiei pinsirats!
  • 2b

    v.tr. butâ Copia

    [FO] (sburtâ cdn. cun fuarce)
    la polizia ha cacciato in macchina il malvivente arrestato = la polizie e à butât dentri in machine il delincuent fermât
  • 2c

    v.tr. parâ dentri Copia

    [FO] (parâ dentri, ficjâ in cualchi puest sierât)
    ho cacciato i vestiti nel cassetto = o ai parât dentri i vistîts tal scansel

    v.tr. incugnâ, parâ dentri Copia

    (parâ dentri in alc di fis e dûr)
    cacciare un chiodo nel muro = parâ dentri un claut intal mûr

    v.tr. meti, ficjâ Copia

    (meti li che no si cjate)
    dove hai cacciato la padella? = dulà âstu metût la padiele?

    v.tr. meti Copia

    (meti o metisi in situazions che no rivuardin o negativis)
    cacciare il naso negli affari altrui = meti il nâs tai afârs di chei altris
    cacciare nei guai un amico = meti tai fastidis un amì
  • 3a

    v.tr. gjavâ Copia

    [FO] (tirâ fûr, gjavâ fûr)
    cacciar fuori il portafoglio dalla tasca = gjavâ il tacuin de sachete
  • 3b

    v.tr. dâ, petâ Copia

    [FO] (emeti)
    cacciare un urlo dallo spavento = dâ un vuic pal spavent
  • 4

    v.tr. butâ fûr Copia

    [CO] (di une plante, menâ)
    cacciare i nuovi germogli = butâ fûr i butui gnûfs

locuzioni

    cacciare dal nido
  • butâ jù dal scagnCopia
    [CO] (mandâ vie cdn. di une posizion impuartante)
    • cacciare di casa
  • escomiâ, parâ fûr di cjaseCopia
    [CO] (mandâ vie cdn. de cjase)
    hanno cacciato di casa il figlio = a àn parât fûr di cjase il lôr fi il padrone ha cacciato di casa i fittavoli = il paron al à escomiât i fituâi
    • cacciare nei pasticci
  • imberdeâ, ficjâ tai berdeis, meti tai berdeis, ficjâ tai pastiçs, meti tai pastiçsCopia
    [CO] (meti in situazions di dificoltât)
    i suoi maneggi lo hanno cacciato nei pasticci = i siei maneçs lu àn imberdeât oppure lu àn metût tai berdeis

monolingue

meti v.tr.
(me-ti)
Fâ stâ intun ciert puest, intune cierte posizion o situazion, intun ciert ordin e v.i.
sinonimi
logâ, ordenâ, plaçâ, sestâ, poni
esempi
"al cjape la letare e le met te buste"
da "A la oselade" di Pieri Somede dai Marcs
"ogni tant al lave in cimitieri a meti cualchi rose di prât su lis tombis dai siei"
da "Prime di sere" di Carlo Sgorlon
"la piçule me à metude tal braç a mi, che o le figoti"
da "Lis predicjis dal muini" di Josef Marchet
meti v.tr.
(me-ti)
Fâ stâ alc sul cuarp par vistîsi o par vistî cdn.
sinonimi
meti sù, meti intor, metisi
esempi
"Gjelmo, il prin fradi, al jevà sù, al le a meti la gjachete di fieste e si invià pal troi dal Ronc"
da "La division" di Dino Virgili
"usgnot o vês di meti la cotule plui scure che si scuen fâ la vegle"
da "La cjase dal Murat" di Maria Forte
meti v.tr.
(me-ti)
Fâ che un aparât, un sisteme e v.i. al sedi tal puest e te cundizion che e covente par funzionâ
sinonimi
tacâ, montâ, meti sù, meti jù
esempi
"l'apartament di vie Volturno al fo un afâr pe Cooperative di informazion furlane, che e rivà a disponi ancje de terace dulà meti la antene"
da "Un Friûl difarent: i 90 mhz di Onde Furlane" di Max Mauro
"[...] la cjasa a è vecja e i ai cugnût cambiâ sù dut un pôc a la volta: sufitâ, sgrandî i balcons, butâ sul salâr la mubilia vecja e adès i splani il fogalâr e i met la stua"
da "Il sâr Menon" di Novella Cantarutti
meti v.tr.
(me-ti)
Doprâ, impleâ un ciert impegn, une cierte fuarce, une cierte risorse e v.i.
esempi
"Samo Pahor di Triest, che si bateve par dutis lis minorancis cu la stesse convinzion e passion che al meteve par pretindi i dirits linguistics de sô comunitât linguistiche slovene"
da "Memoriis di politiche linguistiche" di Adrian Cescje
"se jo no met dut l'inzen par fâlu pulît, se no mi ven fûr un lavôr come cu va, mi pâr simpri di robâ la palanche al gno prossim"
da "Lis predicjis dal muini" di Josef Marchet
meti v.tr.
(me-ti)
Fâi che cdn. al fasi alc
esempi
"[il vescul Battisti] al metè diretôr di La Vita Cattolica pre Domeni Zanier"
da "Memoriis di politiche linguistiche" di Adrian Cescje
"mestri Pieri lu metè a tirâ il sfuei e i racomandà di no lassâ brusâ i fiers che a jerin tal fûc"
da "Il muc" di Roberto Ongaro
"dopo vê metût a durmî i fruts, Anute e tornà jù ben planc tal fogolâr, dulà che al jere restât Matie di bessôl"
da "Sul agâr" di Pieri Menis
meti v.tr.
(me-ti)
Semenâ o implantâ
esempi
"lôr a varessin volût meti vîts, ma lui no «Vigne a 'ndi vin avonde» ur disè «Miôr morârs cumò che la sede e va sù» "
da "La tiere di Lansing" di Maria Forte
"doman soi libar, o vignarai cui bûs a judâus a arâ il cjamp dai Vieris par meti forment"
da "Vilie di Nadâl" di Pieri Somede dai Marcs
meti v.tr.
(me-ti)
Tignî in vendite o a disposizion dai clients o dai utents, ancje specificant un ciert presit
esempi
"a àn metût i ûfs a un euro e cuarante"
"meti un servizi a gratis"
meti v.tr.
(me-ti)
Imponi in fuarce de autoritât
sinonimi
fissâ, imponi
esempi
"il Parlament de Patrie dal Friûl al mandà ambassadôrs a Vignesie par dî al dôs di no meti une tasse su la sede"
da "Liniis di storie sociâl e economiche dal Friûl 1500 – 1800" di Adrian Cescje
"al tire fûr un notes e mi met la multe"
da "Ursule" di Pieri Somede dai Marcs
meti v.tr.
(me-ti)
Considerâ o presentâ intune cierte maniere, in cierts tiermins
sinonimi
metile, sclarî
esempi
"o ai metude la cuistion in cheste maniere: [...] o ai domandât cui che al è par costruî il sisteme di rapresentâju cu la pipe ["ç" e "z"], e cui no"
da "Memoriis di politiche linguistiche" di Adrian Cescje
"“Mi soi cjatât cussì [di jessi nassût cristian] e o soi content. O voi indenant pe me strade: no ai voie nancje jo di cambiâ, [...]. E alore, disêtmi voaltris parcè che un turc al varès di deventâ diferent di ce che al è?” “Sì, metude cussì e pararès juste.”"
da "Madalene" di Franco Marchetta
meti v.tr.
(me-ti)
Cjapâ in considerazion tant che ipotesi
esempi
"Se al viodeve, metin, vignî fûr un di une bande là che a no jerin i siei cjamps, lu frontave cun tante polegane che lu faseve colâ"
da "Vigji il vuardian" di Lucio Perès
"o pensi di sierâ chescj ricuarts intune capsule a timp. Une di chês che si vierzaran… metìn… ca di mil agns"
da "La maree nere" di Checo Tam
meti v.tr.
(me-ti)
Passâ intune cierte forme
sinonimi
butâ, stramudâ, tradusi, voltâ
esempi
"si è cjalât ben di meti in biele lis ideis che i vevin permetût di meti in pîts une industrie in espansion"
da "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini
"o ai metût agns prime di podê musicâ un test di Turoldo! Mi someave fûr lûc meti in musiche une poesie cussì penze"
da ""Amôrs" in musiche" di Erika Adami
meti v.tr.
(me-ti)
Produsi un efiet, une sensazion e sim.
sinonimi
fâ, dâ
esempi
"si jere sierade ancje al zûc dal amôr che i meteve nome rabie e gnervôs"
da "Par stradis lungjis" di Alan Brusini
"Sabide Sante e meteve ligrie a dut il paîs"
da "Par une lengate" di Pieri Somede dai Marcs
proverbi
"a cuinçâ la salate al vûl un mat a meti il vueli e un savi l'asêt"
"al vâl plui un porco ben metût che no cincuante pater"
"al vâl plui un porco ben metût che no un pater mâl disût"
"ce che si po fâ vuê, no metii non doman"
"cui che al à bêçs di no savê ce fâ, che si meti a litigâ o a fabricâ"
"cui che al à bêçs di no savê ce fâ, che si meti in lît o a fabricâ"
"cui che al lavore in dì di fieste, il diaul al met la vieste"
"cui che al met il cjâf sul çoc i ven taiât"
"cui che al met il cûl sore la urtie al sint che i furmie"
"ducj use e ducj met la buse"
"dulà che il diaul nol po rivâ al met la code"
"dulà che il pari al met il claut il fi al picje il cjapiel"
"gjave e no met, la fontane a va a sec"
"i soflets a metin disconcuardie"
"il diaul là che nol met il cjâf al met la code, e cui che no lu cjace lu sacode"
"il mont al è fat a scarpet: cui lu gjave e cui lu met"
"il mulinâr al met il Signôr difûr par che nol viodi ce che al fâs dentri"
"impare la art e metile de bande, il timp al vignarà che la art e valarà"
"l'onôr nol met nuie tal cit"
"la cise mâl vignude e je piês che no metude"
"metimi râr se tu vûs che ti jempli il granâr"
"ni par tuart ni par reson no stâ lassâti meti in preson"
"no bisugne meti il cjar denant dai bûs"
"no meti e gjavâ, dut cuant in curt al va"
"no stâ lassâti meti i bregons de femine"
"no stâ meti la lenghe là che no ti tocje"
"no stâ meti la paie dongje dal fûc"
"no stâ metimi spes che no tu âs nissun interès"
"nuie si met, nuie si gjave"
"par debits no mi picjin e nancje in galere no mi metin"
"par taponâ la buse si met une rose"
"ravi, ravi: cui che si 'nd vûl, si 'nd gjavi; ravi, raveti: cui che si 'nd vûl, si 'nd meti"
"Sant Simon e jude la rave a ven madure, madure o no madure, si le met sot sieradure"
"se no passe, metii un stec a la volte"
"ta chê lum che nol è vueli, no covente meti pavêr"
"tal cjaveç nissun met leç"
"un gjave, un met e un sù pal stec"
"un mat a meti il vueli, un savi a meti l'asêt"
"une gabele no devente puieri cul metii la siele"
"une gjave, une met, une picje sù pal stec"
Torna in Cima
Torna in Cima