Hai cercato la parola
bilingue monolingue
Hai cercato la parola
cantare
Torna indietro

bilingue

cantare
  • 1

    s.m. cjantâ Copia

    [CO] (melodie, cjant)
    il cantare degli uccelli dopo la pioggia = il cjantâ dai uciei daspò de ploie

locuzioni

    cantare chiaro
  • fevelâ a clâr, fevelâ clârCopia
    [CO] (jessi inecuivocabil)
    i documenti cantano chiaro = i documents a fevelin a clâr
    • cantare di, in gola
  • cjantâ di gole, cjantâ di cuelCopia
    [CO] (cjantâ cu la vôs no educade, cence doprâ il pet)
    non hanno nessuna impostazione e cantano di gola = no àn nissune impostazion e a cjantin di gole
    • cantare il de profundis
  • trai la recuieCopia
    [CO] (considerâ cdn. tant che cence sperance)
    ormai gli han già cantato il de profundis, pover'uomo = i àn za trat la recuie, puar om
    • cantare il tantum ergo
  • sunâlis, sunâlis pal timpCopia
    [CO] (dî a cdn. ce che si merete)
    gli ho cantato il tantum ergo a quel cretinotto = jes ai sunadis pal timp a chel basoâl
    • cantare il Te Deum
  • dî il Deo gratias, cjantâ il Te DeumCopia
    [CO] (ringraciâ Diu di un sucès no sperât)
    adesso che ce l'abbiamo fatta possiamo proprio cantare il Te Deum = cumò che le vin puartade fûr o podìn ben dî il Deo gratias
    • cantare le lodi
  • cjantâ i lauts, fâ lis laudisCopia
    [CO] (laudâ, massime in mût lunc e fetôs)
    • cantare messa
  • cjantâ messeCopia
    [CO] (cjantâ lis parts musicâls de liturgjie)
    • cantare vittoria
  • cjantâ vitorie, clamâ vitorieCopia
    [CO] (proclamâsi vincidôr)
  • cjantâ vitorie, clamâ vitorieCopia
    (celebrâ un sucès)
    aspetta prima di cantar vittoria = spiete prin di cjantâ vitorie ha cantato vittoria troppo presto = al à cjantât vitorie masse adore
    • lasciar cantare
  • lassâ cjantâCopia
    [CO] (no curâsi di ce che cdn. al dîs)
    lascia cantare tua moglie, e fa' quello che vuoi = lasse che la femine e cjanti e tu fâs ce che ti pâr

monolingue

cjantâ v.tr.
(cjan-tâ)
Fâ cu la vôs daûr di une musiche
esempi
"al capitave impreteribil in paîs, a bevi il taiut e a cjantâ cuatri vilotis in fraie"
da "Lis aganis" di Josef Cjargnel
"mi sovegnin lis peraulis dolcis di mê ave, che te sô lenghe cjalde di un paîs lontan mi cjantave “nane, nane tu ninin”"
da "Ninin" di Antescûr
cjantâ v.intr.
(cjan-tâ)
Fâ il cjantant di profession o par passion
esempi
"cjantâ in glesie"
"cjantâ di prin, di secont, di tenôr, di bas"
"une famee dai Stope e leve a Vignesie par stâi daûr a une fie che e cjantave e là, che a jerin scuelis e teatris, si faseve cognossi"
da "Come tai romançs" di Alan Brusini
cjantâ v.intr., v.tr.
(cjan-tâ)
Di uciei, fâ i lôr viers, in gjenar melodiôs
sinonimi
bati, griâ, zornâ
esempi
"il prin gjal a cjantâ di buinore al jere simpri chel dai nestris viei"
da "Il «trono» dal von" di Pieri Menis
"un svol i sghirlà fin dongje, une panole di peç i sfilà il cjapiel e un mierli i cjantà propit daûr"
da "La tiere di Lansing" di Maria Forte
cjantâ v.intr.
(cjan-tâ)
Di struments musicâi, sunâ cun dolcece e armonie
esempi
"fâ cjantâ il piano"
cjantâ v.intr.
(cjan-tâ)
Esprimisi in maniere elegante, auliche, liriche e v.i.
esempi
"la poesie jevantsi a svolâ parsore il nivel usuâl de realtât ordenarie e stupide, e cjante in tiermins e formis che a cuistin significât e valôr e musicalitât gnovis"
da "Ma sì, fevelìn di glotologjie" di Josef Marchet
cjantâ v.intr.
(cjan-tâ)
Fâsi sintî dentri vie, jessi vîf tant che sensazion o rivoc interiôr
esempi
"mi cjante tal cûr la viere storie par latin di Pauli di Cividât: «... sù pes corints dal Tiliment e Ruvigne; sù par Osôf...»"
da "La vilote dal Tiliment" di Dino Virgili
cjantâ v.tr.
(cjan-tâ)
Pronunziâ in maniere ritmade o enfatiche o sim.
esempi
"e jere juste in prime la mestrine bionde che e cjantave lis silabis insiemi cui piçui"
da "Emme come mamma" di Dino Virgili
cjantâ v.intr., v.tr.
(cjan-tâ)
Declarâ, dî o ripuartâ in maniere uficiâl o ordenade o forâl o sim. (fig.)
esempi
"une pagjinute dal libri e cjante cussì: «Dalle rilevazioni dell'Istituto centrale di statistica si evince (biel ancje chest «evince») che [..]» "
da "Lis feminis in caserme" di Riedo Pup
"ma jo o ai il testament che al cjante che mê sûr mi à lassade la robe a mi"
da "Strambariis" di Pieri Somede dai Marcs
cjantâ v.tr.
(cjan-tâ)
Dî in maniere agressive
esempi
"i cjantà clâr e net che cun sô gnece, al veve di disbratâsi di bessôl che, lui, in chei cantins nol voleve impaçâsi"
da "Cjase di Dalban" di Maria Forte
cjantâ v.intr.
(cjan-tâ)
Ameti une colpe o pandi un colpevul (zerg.)
sinonimi
cjacarâ, fevelâ, sunâ la trombe, sunâ la trombete
esempi
"la polizie lu à fat cjantâ"
proverbi
"al cjante il gjal vie pe zornade, al è il diaul che al è par strade"
"al è miôr il mierli che al cjante di bosc"
"cjantâ no si po ben cuant che il stomi nol è plen"
"cjantâ no si po ben se dal cûr nol ven"
"cuant che a cjante la dordule, vint sigûr"
"cuant che al cjante il ciuçau, il famei al mande il paron al diaul"
"cuant che al cjante il ciuçau, il frêt al va a cjadaldiaul"
"cuant che al cjante il crot, semene sorc"
"cuant che al cjante il cuc su la rame nude, la panole a ven madure"
"cuant che al cjante il cuc, al è ce fâ pardut, cuant che al lasse di cjantâ, in chê volte il grant dafâ"
"cuant che al cjante il cuc, une dì ploie, une dì sut"
"cuant che al cjante il furmiâr, cirît sotet pes bestiis e pal cjar"
"cuant che dal cûr nol ven, cjantâ no si po ben"
"cuant che e cjante la parussule, e cjante la zerpignole"
"cuant che e cjante la rane, a ven la ploie"
"cuant che il gjal al cjante la matine, la ploie e je vicine; cuant che al cjante la sere, bontimp si spere"
"cuant che il gjal piçul al cjante, il grant al à za cjantât"
"cuant che il gjal zovin al cjante, il vieli al à za cjantât"
"cuant che la ciale a cjante, il forment al palombe"
"cuant che la ciale e cjante di Setembar, cui che al compre blave al sta mâl a tornâle a vendi"
"cuant che la gjaline e cjante, segn che e à fat l'ûf"
"cuant che la rane e cjante, ploie sigure"
"cuant che nol cjante il cuc pai tredis di Avrîl, bisugne lâ in comun a cirîlu"
"cui che al cjante in taule e in jet al è un mat perfet"
"cui che al puarte la crôs nol po cjantâ messe"
"i bêçs dai predis a vegnin cjantant e a van vie sivilant"
"in chê cjase che la gjaline e cjante e il gjal al tâs e je pocje pâs"
"l'om al cjante cuant che al è plen e la bote cuant che e je vueide"
"la cjarte e cjante"
"la gjaline che a cjante e à fat l'ûf"
"la gjaline e cjante co e à fat l'ûf"
"lasse che e cjanti la ciale, tu fâs come la furmie"
"no si po cjantâ e puartâ il sant"
"no si po cjantâ e puartâ la crôs"
"par che e vegni biele ue e biele blave a vuelin cjantadis lis implorazions de ciale"
"par nuie il vuarp nol cjante"
"plui si cjape, plui si cjante"
"se il gjal al cjante daspò di misdì, il bontimp al è par finî"
"se nol cjante ai siet o ai vot, o che al è muart o che al è cuot"
"uciel pal aiar al cjante di ligrie, uciel in scjaipule al cjante di passion"
Torna in Cima
Torna in Cima