Tu âs cirût la peraule
bilengâl monolengâl
Tu âs cirût la peraule
cenerentola
torne indaûr

bilengâl

cenerentola s.f.
  • 1

    s.f. massarie, sierve Copie

    [CO] (fantate maltratade e obleade a fâ i lavôrs di cjase al puest di altris)
    la trattano come una cenerentola = le tratin tant che une sierve oppure tant che une massarie

    s.f. ultin Copie

    (persone, organizazion, o istituzion pôc considerade)
    è la cenerentola del campionato = e je la ultime dal campionât

monolengâl

ultin adi., pron.
(ul-tin)
Che intune serie al è ae fin, daspò di ducj chei altris tal spazi o tal timp
esemplis
"Anzul al jere il prin dai fradis, fîs di Tin, e Rico al jere l'ultin"
gjavât fûr di "A uciei cu lis archetis" di Pieri Menis
"sul lavôr al jere l'ultin a rivâ e il prin a scjampâ"
gjavât fûr di "Prime di sere" di Carlo Sgorlon
"al jentrà in glesie e si metè intun banc des ultimis filis"
gjavât fûr di "Gjoldiments forescj" di Checo Tam
"intai ultins agns une malatie di gnerfs le veve ridote impotente"
gjavât fûr di "La brût" di Catarine Percude
ultin adi.
(ul-tin)
Che si zonte a altris elements tant che alc in plui, e che dopo no 'nd varà altris
sinonims
altri, ulteriôr
esemplis
"Cavedalis al veve ancje pensât di fâ un ultin tentatîf di resistence: bandonadis Vignesie e Chioggia, al varès concentrât un cuarp di soldâts sui litorâi dal Lido e di Pellestrina"
gjavât fûr di "Zuan Batiste Cavedalis - Une vite esemplâr" di Giovanni Pillinini
"chest contentâ Odile tal so caprici, al voleve forsit ancje jessi un ultin sfuarç par repeçâ ce che al jere sbregât"
gjavât fûr di "Il sium di Lissandri" di Franca Mainardis
ultin adi.
(ul-tin)
Plui resint, a pene passât
sinonims
stât, passât
esemplis
"tal ultin mês a 'nd à stacâts cuatri di assegns par une stesse persone"
gjavât fûr di "Ah! la provincie" di Sandri Di Suald
"intai ultins agns in Friûl a son rivâts cuasi cuatri miârs di imigrâts scjampâts de Asie e dal Medi Orient"
gjavât fûr di "Nissun pericul dai forescj" di Guglielmo Pitzalis
ultin adi.
(ul-tin)
Plui lontan tun ordin logjic, tune pussibilitât, tune prioritât e v.i.
esemplis
"i destins de lenghe furlane a jerin la ultime robe che e podeve interessâlu"
gjavât fûr di "Memoriis di politiche linguistiche" di Adrian Cescje
ultin adi., s.m.
(ul-tin)
Che, cui che al è tal nivel plui bas di une jerarchie, di un ordin sociâl, economic (fig.)
esemplis
"se un nol capìs di bessôl cierts principis basilârs, nol cambie idee pal ultin plevan dal ultin paîs di chest puar Friûl"
gjavât fûr di "Sant Jacum, là che al finìs il mont" di Antoni Beline
"noaltris, Furlans, no sin contents di jessi lassâts simpri i ultins, no sin contents des limuesinis dadis a gotis par interessament di cualchi parlamentâr"
gjavât fûr di "No sin contents!" di Josef Marchet
ultin s.m.
(ul-tin)
Zornade che e je ae fin di une cierte dade di timp, massime dal mês o dal an
esemplis
"il contadin, paie nol à; ni il 27, ni il prin ni l'ultin dal mês"
gjavât fûr di "Jessi miliardaris e no savêlu" di Riedo Pup
"a jerin i ultins di Zenâr. La criùre e jere simpri fuarte, ma za si visavisi che lis zornadis a jerin deventadis plui lungjis"
gjavât fûr di "Prime di sere" di Carlo Sgorlon
ultin s.m.
(ul-tin)
Moment o pont finâl, conclusion,
detulis
"al rît ben cui che al rît l'ultin"
"beâts i ultins se i prins a àn creance"
"come che al va l'ultin di carnevâl e il prin di cuaresime, a va dute la cuaresime"
"cui che al è l'ultin nol è mai di prin"
"cui che al jentre ultin che al sieri la puarte"
"fornârs e mulinârs a son i ultins a murî di fam"
"i sîs ultins dîs dal an e i sîs prins a palesin i mês"
"il prin e l'ultin sgrisul a son chei pericolôs"
"l'ultin a murî di fam al è il mulinâr"
"l'ultin bocon al è chel che al ingrasse"
"l'ultin mâl al è il piês di ducj"
"l'ultin tabâr al è fat cence sachetis"
"l'ultin vistiari nus al fasin cence sachetis"
"la sperance e je la ultime a pierdisi"
"la ultime a pierdi e je la sperance"
"la ultime tace e je chê che e incjoche"
"nol è mai stât l'ultin di carnevâl che no sedi fate o par fâsi la lune di Fevrâr"
"sul ultin dal marcjât si à la robe simpri a plui bon presit"
"tal ultin tabâr no fasin sachetis"
"ultin di carnevâl al po fâlu cualunche basoâl"
torne sù
torne sù