Tu âs cirût la peraule
bilengâl monolengâl
Tu âs cirût la peraule
cercare
torne indaûr

bilengâl

cercare v.tr.
  • 1a

    v.tr. cirî Copie

    [FO] (provâ a cjatâ alc che no si viôt e no si sa ben li che al è)
    aveva cercato un numero di telefono nell'elenco = e veve cirût un numar di telefon tal elenc
    cercare funghi = cirî foncs
    cercare un quaderno nello zaino = cirî un cuader tal russac

    v.tr. cirî Copie

    (in prov. o det.)
    chi cerca trova = cui che al cîr al cjate
  • 1b

    v.tr. cirî Copie

    [FO] (ass.)
    ho cercato dappertutto = o ai cirût dapardut
  • 2

    v.tr. cirî, cjatâ fûr Copie

    [FO] (fâ un sfuarç par savê)
    cercare il responsabile di una situazione = cjatâ fûr il responsabil di une situazion
    cercare la soluzione di un problema = cirî la soluzion di un probleme
  • 3

    v.tr. cirî Copie

    [FO] (impegnâsi par vê alc)
    cercare gloria = cirî glorie

    v.tr. cirî Copie

    (impegnâsi par cjatâ alc)
    cercare casa = cirî cjase
    cercare lavoro = cirî di vore
    cercare servizio = cirî paron

    v.tr. cirî Copie

    (impegnâsi par cjatâ cdn.)
    cercare marito = cirî di maridâsi
    cercare moglie = cirî di maridâsi
    cercare un elettricista = cirî un eletricist
    cercare un medico = cirî un miedi

    v.tr. cirî Copie

    (tai messaçs economics)
    cercansi francobolli da collezione = si cirin boi di racuelte
    cercasi segretario/a = o cirìn segretari/e
  • 4

    v.tr. cirî Copie

    [FO] (volê, bramâ)
    cercare il grande amore = cirî il grant amôr
    cercare un po' di riposo = cirî un pôc di padin

    v.tr. cirî Copie

    (domandâ di cdn., par viodilu o fevelâi)
    i tuoi amici ti hanno cercato al telefono = i tiei amîs ti àn cirût par telefon
    sono passato a cercarlo al lavoro ma era ammalato = o soi passât a cirîlu a vore ma al jere malât
  • 5

    v.tr. cirî Copie

    [FO] (compuartâsi in mût di vê cierts risultâts)
    cercare difficoltà = cirî gnot
    cercare rogne = cirî beghis
  • 6

    v.tr. cirî Copie

    [FO] (cun 'da' e l'infinît)
    cercare da bere = cirî alc di bevi
    cercare da passare la notte = cirî dulà passâ la gnot
  • 7

    v.tr. cirî Copie

    [FO] (forme ausiliarie che e introdûs un infinît di verp, par esprimi un sfuarç, un tentatîf)
    cercare di fare un lavoro = cirî di fâ un lavôr
    cercare di imparare in fretta = cirî di imparâ in curt
    cercare di resistere = cirî di tignî dûr
    cercare di vincere = cirî di vinci

locuzions

    cercare con il lanternino
  • cirî cul tireboris, cirî gnot e scûr di ploieCopie
    [CO] (procurâsi cun scrupul situazions displasevulis)
    te le cerchi proprio con il lanternino! = tu vâs propit a cirîlis cul tireboris!
    • cercare con il lumicino
    cercare con la lanterna
    cercare fortuna
  • cirî fortune, lâ pal montCopie
    [CO] (cirî di mudâ in miôr la proprie situazion, lant di altris bandis o emigrant)
    andare a cercare fortuna in Australia = lâ a cirî fortune in Australie il giovane partì per cercare fortuna = il fantat si cjapà sù e al le pal mont
    • cercare guai
  • cirî gnot, cirî fastidis, cirî disgraciis, cirî rognisCopie
    [CO] (-)
    • cercare il pelo nell'uovo
  • cirî il pêl tal ûf, cjatâle ancje tal credoCopie
    [CO] (jessi une vore insistent intal volê cjatâ i aspiets plui minûts, particolârs e a voltis secondaris di une situazion)
    • cercare la luna nel pozzo
  • cirî la lune intal poçCopie
    [CO] (cirî robis che no son)
    • cercare lavoro
  • cirî di vore, cirî lavôr, cirî voreCopie
    [CO] (-)
    è un anno che cerca lavoro = al è un an che al cîr di vore
    • cercare un ago in un pagliaio
  • cirî un pedoli inte stope, cirî une gusiele intun paiârCopie
    [CO] (cirî alc di minim intun spazi grandon)
  • cirî un pedoli inte stope, cirî une gusiele intun paiârCopie
    (cirî alc di impussibil di cjatâ)

monolengâl

cirî v.tr.
(ci-rî)
Provâ a cjatâ alc o cdn. che no si sa ben li che al è
esemplis
"a vevin sgarfât tal dopodimisdì, disore, tes cjartis di lôr pari par cirî il testament, ma dibant"
gjavât fûr di "Il testament" di Pieri Menis
"cuant che i fîcs dai grancj figârs dal curtîl a començavin a dî di palombîsi sot vie, i fruts - che a 'nd jere une sglavinade in famee - si rimpinavin come sghirats sù pai pomârs, a cirînt cualchidun di madûr e a palpâju se a jerin tenars"
gjavât fûr di "I furlans e la fam" di Riedo Pup
"al comant al è dut un davoi: daspò il scjas dai gjornâi tu âs mieze polizie che a ti cîr in lunc e in larc"
gjavât fûr di "Ah! la provincie..." di Sandri Di Suald
"cirî di mangjâ tal armâr de cusine"
"cirî foncs tal bosc"
Viôt ancje: cerî
cirî v.tr.
(ci-rî)
Impegnâsi par cjatâ tra plui pussibilitâts alc o cdn. che al covente
esemplis
"cirî une cjase a fit"
"a disin che e cîr un lavôr, ma se e spere di cjatâlu culì…"
gjavât fûr di "I forescj" di Alan Brusini, Gian Paolo Linda
"o volevi savê se la imprese par câs e cîr personâl"
gjavât fûr di "Prime di sere" di Carlo Sgorlon
cirî v.tr.
(ci-rî)
Fâ une verifiche, un control
sinonims
viodi, cjalâ, scrusignâ
esemplis
"cirî tun test se a son restâts erôrs"
"si tratave di cirî se al jere cualchi muc sù pal Cjanâl e sburtâlu un pôc plui insù"
gjavât fûr di "Gran Dio benedite l' Italia" di Riedo Pup
cirî v.tr., v.intr.
(ci-rî)
Domandâ di viodi o di fevelâ cun cdn.
sinonims
domandâ
esemplis
"al à clamât un siôr che al cirive di te"
"sul tart, Serafin al torne a cjase e la femine i conte dai doi che a jerin stâts a cirîlu"
gjavât fûr di "Il salam" di Meni Ucel
cirî v.tr.
(ci-rî)
Ancje ass. domandâ la caritât
sinonims
bati la trusse, cercjâ, domandâ la caritât, peteâ, pitocâ, cirî la caritât, slungjâ la man, bati, cirî pan, lâ a pan
esemplis
"e jere une puare vedue che e leve a cirî pes cjasis"
cirî v.tr.
(ci-rî)
Lâ di une cierte bande (fig.)
esemplis
"la roie e va fûr pal boscut, e va jù de bande dal paîs, e cjape la sô strade, come dutis lis aghis che a vadin a cirî il mâr"
gjavât fûr di "Un riul tra Venit e Friûl" di Dino Virgili
"cuant che, duncje, e rivà la sô volte, Mante al firmà, e subit dopo al cirì la puarte par lâ vie"
gjavât fûr di "Destins" di Pieri Menis
cirî v.tr.
(ci-rî)
Fâ un sfuarç par pensâ, par savê, par elaborâ, par sielzi e v.i.
sinonims
cirî fûr
esemplis
"cirî lis peraulis justis par fâsi capî"
"la veretât no à di vê pôre di un che cu la anime sclete, pronte a cjapâ note de veretât, ancje se no i plâs, al va a cirî il parcè"
gjavât fûr di "La Pasche" di Francesc Placerean
"il cine furlan al è rivât tart su la sene culturâl e la cause si à di cirîle tal fat che il cine al è une art “industriâl”, che e à bisugne di mieçs economics impuartants"
gjavât fûr di "Il cine furlan" di Fabian Ros
"chei che a àn di cirî e cjatâ la soluzion dai problemis e il superament des dificoltâts a son i vincidôrs"
gjavât fûr di "Il scandul dal Corpus Domini" di Riedo Pup
cirî v.tr.
(ci-rî)
Impegnâsi par otignî un risultât, ancje imateriâl
sinonims
bramâ, smicjâ, smirâ, volê
esemplis
"i autôrs dal prin Nûfcent si fasevin condizionâ de semplicitât di vite che a vevin tor ator, no cirivin une creativitât leterarie lôr ma si limitavin a meti jù tramis facilis"
gjavât fûr di "Il teatri par furlan" di Luca Zoratti
"cemût podêso crodi voaltris, che si dais glorie un cul altri, e no cirîs la glorie che e ven dome di Diu?"
gjavât fûr di "Vanzeli di Zuan" di
cirî v.tr.
(ci-rî)
Volê, bramâ, sintî une dibisugne, ancje cence un impegn determinant par vêlu
sinonims
bramâ, desiderâ, domandâ, lutâ, volê
esemplis
"la cjase e durmive. Femine e fruts a jerin lâts a parâsi tal jet. Un ravueç di cûrs che a cirivin padin sot lis cuviertis"
gjavât fûr di "Il Bulo di Crodio" di Maria Forte
"la Ane no veve cirût il confuart di nissun, pronte simpri a sopuartâ il destin par ordin che al bateve"
gjavât fûr di "La aghe dal Ariul" di Maria Forte
cirî v.tr.
(ci-rî)
Compuartâsi in mût di vê cierts risultâts o ciertis consecuencis
sinonims
procurâsi, puartâsi dongje, puartâsi intor, tirâsi dongje, tirâsi intor, volê
esemplis
"ma lassimi stâ, pussibil mo che tu vedis tante voie di cirî displasês?"
"no stin a cirî problemis"
cirî v.tr.
(ci-rî)
In costruzions cun "di" e l'infinît di un verp, sfuarçâsi, impegnâsi
sinonims
impegnâsi, provâ, provâsi, sfuarçâsi, viodi, procurâ
esemplis
"so pari lu cjalave cumò cul voli curiôs come se al cirìs di leii dentri dai voi"
gjavât fûr di "Dôs feminis e un frut" di Dino Virgili
"Rotgaut, dopo vê cirût dibant di meti dongje plui fuarcis cuintri dai Francs al è tacât di Carli e al ven copât"
gjavât fûr di "Rotgaut e la politiche furlane langobarde" di Sandri Carrozzo
"o tignìn dûr e o cirìn di lâ indenant, ancje se la plui part dai furlans nus cjale cun simpatie platoniche cence movi un dêt e nus jude nome di peraulis"
gjavât fûr di "Sudizion, la pecje dai furlans" di Josef Marchet
"stant che i cjavei si srarivin sui timplis, al cirive di ingjanâ il voli cuntun çuf rasclen jù pal cerneli"
gjavât fûr di "Il svol dal Falcone" di Antescûr
detulis
"al è mâl dâ vie cu lis mans e cirî cui pîts"
"ancje il lôf al cîr la sô cove"
"cuant che al cjante il furmiâr, cirît sotet pes bestiis e pal cjar"
"cuant che nol cjante il cuc pai tredis di Avrîl, bisugne lâ in comun a cirîlu"
"cuant che tu viodis il lôf, no stâ lâ a cirî la ferade"
"cui che al bute vie cu lis mans i tocje di cirî cui pîts"
"cui che al cîr al cjate"
"cui che al va cirint al cjate"
"cui che i pese di lavorâ al cîr ogni scuse par polsâ"
"cui che le cîr le cjate"
"cui che lu copin o che si difint o che al cîr di murî di bessôl"
"ogni uciel al cîr il so nît"
"une vacje sporcje e cîr simpri di sporcjâ chê altre"
torne sù
torne sù