Tu âs cirût la peraule
bilengâl monolengâl
Tu âs cirût la peraule
chiamare
torne indaûr

bilengâl

chiamare v.tr.
  • 1a

    v.tr. clamâ Copie

    (ancje fig.)
    il dovere chiama = il dovê al clame

    v.tr. clamâ Copie

    [FO] (dî, fevelâ, vosâ par vê la atenzion di cdn.)
    chiamare con un fischio = clamâ cuntune sivilade
    chiamare un amico affinché si avvicini = clamâ un amì che si tiri dongje
  • 1b

    v.tr. clamâ Copie

    [FO] (telefonâ)
    ti hanno chiamato dall'ufficio per un nuovo lavoro = ti àn clamât dal ufici par un lavôr gnûf
  • 1c

    v.tr. clamâ Copie

    [FO] (sveâ, dismovi)
    domani chiamami presto = doman clamimi adore
  • 2a

    v.tr. clamâ Copie

    [FO] (fâ vignî)
    chiamare l'ascensore = clamâ l'assensôr
    chiamare l'elettricista = clamâ l'eletricist
    chiamare la guardia medica = clamâ la vuardie mediche
    chiamare la polizia = clamâ la polizie
  • 2b

    v.tr. clamâ Copie

    [FO] (fâ vignî denant di cualchi autoritât)
    chiamare in pretura = clamâ in preture
    è stato chiamato in direzione = al è stât clamât in direzion

    v.tr. clamâ Copie

    (in loc. che a intindin la muart)
    il Signore lo ha chiamato in cielo = il Signôr lu à clamât in cîl
  • 2c

    v.tr. clamâ dongje Copie

    [FO] (tirâ adun)
    chiamare la gente in piazza = clamâ dongje la int in place
  • 3a

    v.tr. dî, clamâ Copie

    [FO] (dâ un non o un sorenon a cdn.)
    come hanno chiamato loro figlio? = cemût àno clamât lôr fi?
    di nome fa Giovanni Battista ma lo chiamano tutti Titta = di non al fâs Zuan Batiste ma i disin ducj Tite
  • 3b

    v.tr. dî, clamâ Copie

    [CO] (cualificâ, definî)
    questa e ciò che io chiamo una bella fotografia = cheste e je ce che jo o clami oppure o dîs une biele fotografie
  • 4a

    v.tr. clamâ Copie

    [CO] (elei, votâ, nomenâ)
    essere chiamato alla presidenza del consiglio = jessi clamât ae presidence dal consei
  • 4b

    v.tr. clamâ Copie

    [CO] (tal passîf, vê une vocazion)
    essere chiamato alla vita sacerdotale = jessi clamât ae vite sacerdotâl
  • 5

    v.tr. clamâ Copie

    [FO] (tirâ, causionâ, stiçâ)
    è un tempo che chiama la grandine = al è un timp che al clame tampieste
    un delitto che chiama giustizia = un delit che al clame justizie
    una bugia chiama l'altra = une bausie e clame chê altre
  • 6

    v.tr. clamâ Copie

    [FO] (invocâ)
    chiamare a testimoni tutti i santi = clamâ di testemonis ducj i sants

    v.tr. clamâ Copie

    (evocâ)
    chiamare gli spiriti dei defunti = clamâ i spirts dai defonts
  • 7

    v.tr. clamâ Copie

    [FO] (domandâ, soredut zigant)
    chiamare aiuto = clamâ jutori
  • 8

    v.tr. clamâ Copie

    [TS] zûcs (tai zucs di cjartis, domandâ al compagn di zuiâ une cierte cjarte)

locuzions

    chiamare a raccolta
  • clamâ dongje, tirâ adun, clamâ a cjapitul, clamâ adunCopie
    [CO] (clamâ dongje plui personis)
    chiamare a raccolta tutta la gente = clamâ adun dute la int
    • chiamare a rapporto
  • clamâ a rapuartCopie
    [CO] (mandâ a clamâ cdn. par cridâ)
    il capo ha chiamato a rapporto tutto il reparto = il paron al à clamât a rapuart dut il repart
    • chiamare alle armi
  • clamâ sot, clamâ dentri, fâ la clamadeCopie
    [CO] (ingaiâ)
    fu chiamato alle armi con il secondo scaglione = al fo clamât sot cul secont scaion
    • chiamare in causa
  • clamâ dentri, clamâ in causeCopie
    [CO] (invidâ a jentrâ intune discussion)
  • tirâ dentri, clamâ in causeCopie
    (cjapâ dentri cdn. in alc, par fâi cjapâ lis sôs responsabilitâts)
    l'ex direttore è stato chiamato in causa nel fallimento = l'ex diretôr al è stât clamât in cause tal faliment
  • clamâ in causeCopie
    [CO] (presentâ, clamâ alc tant che argoment a favôr)
    per il ritardo ha chiamato in causa il traffico = pal ritart al à clamât in cause il trafic
  • clamâ in judiziCopie
    [TS] dir. (fâ vignî denant di un tribunâl)
    • chiamare le cose col loro nome
  • clamâ lis robis cul non che a àn, clamâ lis robis cul lôr nonCopie
    [CO] (fevelâ franc)

monolengâl

clamâ v.tr.
(cla-mâ)
Doprâ la vôs par domandâ a cdn. di stâ atent a ce che si dîs o par fâlu vignî dongje
esemplis
"l'om al pensave cemût che al veve di fâ par che i vierzessin. Metisi a clamâ «Jolande! » nol pareve bon"
gjavât fûr di "Prime di sere" di Carlo Sgorlon
"Juste in chel, di tal curtîl, si à sintût la vôs de femine clamâlu. «Ustin, al ven sù il timp» disè 'Sese"
gjavât fûr di "La musiche" di Ivano Urli
"il besteam des stalis al clamave; Mariute si impensà che e jere di molzi la Stele e alore e sbrissà vie incorinte e cidine"
gjavât fûr di "L'aventari pal barcon" di Maria Forte
clamâ v.tr.
(cla-mâ)
Metisi in contat par telefon, fevelâ par telefon o cuntun altri sisteme di comunicazion a distance
sinonims
telefonâ
esemplis
"po stâi che, a sintîsi mâl, al vedi sunât il campanel de siore C. M. , che in chê di vierzi la puarte si è spauride e e à clamât il 113"
gjavât fûr di "Anime" di Spirt Anonim
"al cjapà in man il microfon par clamâ la Centrâl"
gjavât fûr di "Light my Fire" di Franco Marchetta
clamâ v.tr.
(cla-mâ)
Fâ vignî cdn. o alc che al covente, no dome cu la vôs, ma in maniere gjeneriche, cun cualsisei mieç
esemplis
"clamâ l'eletricist"
"clamâ l'assensôr"
"cuant che al murì, al clamà il plevan e al fasè test tes sôs mans"
gjavât fûr di "Beâts i viei" di Riedo Pup
"il re al clame ducj i princips e i rês, e al fâs une grande fieste"
gjavât fûr di "Maletegne" di Andreina Nicoloso Ciceri
"i papis a vevin clamât i plui preseâts artiscj talians e internazionâi par insiorâ placis, glesiis e palaçs"
gjavât fûr di "Zuan di Udin" di Luca De Clara
clamâ v.tr.
(cla-mâ)
Fâ vignî par vie che si stice un interès
sinonims
clamâ dongje, tirâ dongje, riclamâ, atirâ
esemplis
"se propit o vin voie di seguî un profîl storic artistic a son tancj artiscj talians di dedicâur une mostre e che a podaressin clamâ un public larc"
gjavât fûr di "Ce fâ di Vile Manin" di Erika Adami
clamâ v.tr.
(cla-mâ)
Fâ savê che e sarà une riunion, une iniziative, une azion coletive e v.i., e domandâ o comandâ, ancje in maniere uficiâl, che cdn. al vedi part
sinonims
convocâ, convidâ
esemplis
"si decidè al Centri di clamâ une conference publiche pai 3 di Lui invidant organizazions di base dai paîs taramotâts, fuarcis politichis e sindicâts a dibati, a resonâ sul ce fâ"
gjavât fûr di "Memoriis di politiche linguistiche" di Adrian Cescje
"ai 13 e ai 14 di Avrîl i citadins dal Friûl – Vignesie Julie a son clamâts a sielzi cui che al varà di aministrâ la nestre Regjon pai prossims cinc agns"
gjavât fûr di "Pai dirits linguistics in Friûl - Vignesie Julie 2008-2013" di Comitât 482
clamâ v.tr.
(cla-mâ)
Fâ vignî denant di cualchi autoritât
sinonims
convocâ
esemplis
"co ti àn clamât in testemoni chei de preture, tu tu âs zurât e sperzurât che no tu savevis nuie"
gjavât fûr di "Lis predicjis dal muini" di Josef Marchet
"a son lis dîs e mi clamin in direzion… ma ce podevio dî jo, piçul e plen di pôre di rispuindi aes domandis dal diretôr, dal pretôr e dal miedi?"
gjavât fûr di "Une lûs celestine..." di Pieri Somede dai Marcs
clamâ v.tr.
(cla-mâ)
In espressions che a vuelin dî murî (eufem.)
esemplis
"se lui i sigurave che e podeve restâ a vivi tal "cjasalat", fin tant che il Signôr no le ves clamade cun se, jê no veve nuie in contrari che lui al ves comprade la sô part"
gjavât fûr di "Il sium di Lissandri" di Franca Mainardis
clamâ v.tr.
(cla-mâ)
Dâ un non o un sorenon a cdn.
sinonims
dâ di non, dâ di sorenon, dâ non, meti non, dî, batiâ
esemplis
"di piçul lu àn vût clamât Checo, a disevin; ma nissun si visave di un sigûr e nancje nissun saveve di un precîs cuant che i jere secjade la gjambe. Chei che a son vîfs cumò lu àn sintût a clamâ simpri «il Çuet»"
gjavât fûr di "I zimuluts dal Çuet" di Riedo Pup
clamâ v.tr.
(cla-mâ)
Doprâ un ciert non par cdn. o par alc
sinonims
nomenâ, dî
esemplis
"[il maçarot si cjate] fintremai fûr dal Friûl (in Venit, par esempli, lu clamin scuasi compagn, o sei massariol)"
gjavât fûr di "Friûl di Magance" di Sandri Carrozzo
"[la polente] e jere tant impuartante e indispensabile che i fornasîrs le clamavin adiriture «base»"
gjavât fûr di "I furlans e la blave" di Riedo Pup
clamâ v.tr.
(cla-mâ)
Considerâ, calcolâ, massime in espressions enfatichis o retorichis
sinonims
dî
esemplis
"ah, chest al è ce che o clami un bon vin!"
clamâ v.tr.
(cla-mâ)
Sielzi par une cierte funzion
sinonims
designâ, destinâ, elei, nomenâ, sielzi, votâ
esemplis
"jessi clamât ae presidence dal consei"
clamâ v.tr.
(cla-mâ)
Ispirâ une vocazion
esemplis
"la prime scuele di sapience e virtût si le à in cjase. Une clamade o mission prime che Crist al clami e al mandi"
gjavât fûr di "Sant Jacum, là che al finìs il mont" di Antoni Beline
clamâ v.tr.
(cla-mâ)
Dâ un comant
sinonims
comandâ, domandâ, ordenâ
esemplis
"ur tocje ai frenadôrs proviodi a man daûr pratiche e co il machinist al clame la frenade cul sivilot"
gjavât fûr di "Storie di Min" di Ivano Urli
"il paron al clamave di bevi par ducj"
gjavât fûr di "Vigji Brusin" di Riedo Pup
clamâ v.tr.
(cla-mâ)
Produsi un ciert efiet, une cierte reazion, une cierte dibisugne
sinonims
causâ, causionâ, stiçâ, tirâ, volê
esemplis
"tornant a cjase, sul tart, stant il fat risavût che il vin al clame vin, si jerin fermâts te ostarie de Zire, a Biliris, e po te ostarie de Delaide a bevi ancjemò e a sunâ ancjemò"
gjavât fûr di "Serenadis" di Meni Ucel
"stant che o vin viodût che l'argoment al clame un ciert interès, o sin lâts a sgarfâ in rêt e o vin cjatât chest articul di un pâr di agns indaûr"
gjavât fûr di "A proposit di Furlan, Furlans pal Mont, ‘Blecs’ e ‘Tacons’" di Marc Stolf
clamâ v.tr.
(cla-mâ)
(zûcs) Tai zûcs di cjartis, domandâ al compagn di zuiâ une cierte cjarte
clamâ v.tr.
(cla-mâ)
Dâ la impression di anunziâ o di causâ
esemplis
"chel ucielut cu lis alis a pendolon al clame la gnot cun un cjant cussì malinconic e misteriôs"
gjavât fûr di "L'ucielut de Mont Cjanine" di Catarine Percude
clamâ v.tr.
(cla-mâ)
Domandâ di jessi judât, soredut zigant
esemplis
"e preave che la lassassin, e clamave aiût, che e veve nome la colpe di sei viele e malade"
gjavât fûr di "Come tai romançs" di Alan Brusini
clamâ v.tr.
(cla-mâ)
Domandâ un jutori, ancje a entitâts sorenaturâls
esemplis
"al colave ogni volte e al faseve simpri plui fonde la cove e al sintive za la aghe e i lavaçs tor di se. Al clamà in aiût altris sants: piês cun piês. Alore, dopo di vê polsât une dade, al clamà il Signôr"
gjavât fûr di "Agnul Baraçut" di Pieri Menis
detulis
"ame cui che ti ame e rispuint a cui che ti clame"
"amôr al clame amôr e vilanie e clame vilanie"
"cui che al va a gnocis cence jessi clamât nol cjate cjadree di sentâsi"
"l'arogant al sarà clamât ignorant"
"l'avocat che nol ven clamât nol ven paiât"
"no bisugne rispuindi se no si è clamâts"
"no stâ fevelâ se no tu sês clamât e tu sarâs stimât"
"no stâ jentrâ là che no tu sês clamât"
"se no tu sês clamât, no stâ jentrâ"
"soreli su la nêf al clame nêf"
"un mâl al clame chel altri"
"un plasê al clame chel altri"
"un plasê ind clame un altri"
"un vizi al clame chel altri"
torne sù
torne sù