Hai cercato la parola
bilingue monolingue
Hai cercato la parola
chiudere
Torna indietro

bilingue

chiudere ,
  • 1

    v.intr. sierâ Copia

    [FO] (cometisi, de part mobile e di chê fisse di un sierament)
    la porta della cucina non chiude bene = la puarte de cusine no siere ben
  • 1a

    v.tr. sierâ Copia

    (fâ no acessibil di difûr movint une part mobile)
    aiutami a chiudere quella valigia = judimi a sierâ chê valîs
    chiudere un cassetto = sierâ un scansel

    v.tr. sierâ Copia

    [FO] (dit dai elements di puartis, barcons e v.i. che si puedin movi, meti di maniere di impedî la comunicazion tra il fûr e il dentri)
    chiudi la finestra = siere il barcon

    v.tr. sierâ Copia

    (riferît a alc che al sigure il sierâ)
    la nuova chiave chiude male = la gnove clâf e siere mâl
    questa è la chiave che chiude la soffitta = cheste e je la clâf che e siere il cjast
  • 1b

    v.tr. sierâ Copia

    [FO] (blocâ, sigurâ cuntun lochet)
    chiudere la bicicletta = sierâ la biciclete
  • 1c

    v.tr. sierâ Copia

    [FO] (unî, fâ che si cometin lis parts di alc, ancje i cjâfs di une linie curve che e rapresente un complès di personis o di robis metudis in circul)
    chiudere un cerchio = sierâ un cercli
  • 1d

    v.tr. sierâ, taponâ, stropâ Copia

    [FO] (stropâ, taponâ)
    bisognerebbe chiudere quel buco con dello stucco = e volarès stropade cul stuc chê buse
    sarà meglio chiudere quella bottiglia = al sarà miôr taponâ chê butilie
  • 1e

    v.tr. sierâ, imbotonâ, inlaçâ Copia

    [FO] (tirâ dongje dôs parts di un vistît)
    chiudi quella giacca che fa freddo = siere chê gjachete che al è frêt
  • 1f

    v.tr. sierâ Copia

    [FO] (tornâ a meti dongje de posizion distirade o vierte)
    chiudi quell'ombrello, tanto non serve più = siere chê ombrene, tant no covente plui
    ho chiuso la lettera e l'ho spedita = o ai sierade la letare e le ai spedide
  • 1g

    v.tr. sierâ Copia

    [FO] (strenzi, pleâ une part dal cuarp che prin e jere distirade, vierte)
    anche con le ali chiuse quell'aquila era notevole = ancje cu lis alis sieradis chê acuile e jere alc e ce
    chiudi gli occhi bel bambino = siere i voi biel ninin
  • 2

    v.intr. sierâ Copia

    [FO] (smeti une ativitât o fermâle par un periodi)
    il museo chiude per lavori = il museu al siere par lavôrs
  • 2a

    v.tr. sierâ Copia

    [FO] (inderedâ il passaç)
    quella strada è chiusa al traffico = chê strade e je sierade ae circolazion

    v.tr. sierâ Copia

    (stropâ)
    una frana ha chiuso il sentiero per lo stavolo = un slac al à sierât il troi pal stali
  • 2b

    v.tr. sierâ Copia

    [FO] (cenglâ, contornâ)
    chiudere l'orto con una recinzione metallica = sierâ l'ort cuntune filiade

    v.tr. sierâ Copia

    (cjapâ dentri intun confin o intun limit naturâl)
    quella montagna chiude a nord la pianura = chê mont e siere il plan a tramontan
  • 2c

    v.tr. sierâ, stropâ, ingolfâ Copia

    [FO] (stropâ, ingolfâ)
    le foglie hanno chiuso la griglia del canale = lis fueis a àn stropât la gridele dal canâl
  • 2d

    v.tr. sierâ Copia

    [FO] (fâ insensibil aes passions, ai sintiments)
    chiudere il cuore all'amore = sierâ il cûr al amôr
  • 3

    v.tr. sierâ Copia

    [FO] (meti in vore il cric o la clâf che e regole il flus di alc)
    chiudi il gas prima di venire a letto = siere il gas prime di vignî tal jet
  • 3a

    v.intr. finî, sierâ Copia

    [FO] (taiâ un rapuart, no vê plui nuie a ce fâ)
    da quando ha figli ha chiuso col fumo = di cuant che e à fîs e à sierât cul fum
  • 3b

    v.intr. sierâ Copia

    [FO] (dineâ ogni pussibilitât di colaborazion cun altris fuarcis politichis e sociâls)
    il governo con questa manovra intende chiudere a sinistra = il guvier cun cheste manovre al intint sierâ a çampe
  • 4a

    v.tr. sierâ Copia

    [FO] (meti intun puest sigûr)
    ho chiuso quei documenti nella cassaforte = o ai sierât chei documents intun casnà
  • 4b

    v.tr. sierâ Copia

    [FO] (obleâ a stâ intun puest, sierâ dentri)
    l'hanno chiuso in prigione = lu àn sierât in preson
  • 5a

    v.tr. sierâ Copia

    [FO] (fermâ cun fuarce, strenzi)
    bisogna chiudere forte quel pezzo nella morsa per poterlo limare = al covente sierât ben chel toc te smuarse par podê limâlu
  • 5b

    v.tr. sierâ Copia

    [FO] (inderedâ il moviment o il passaç)
    l'attaccante è stato chiuso dai difensori = l'atacant al è stât sierât dai difensôrs
    quell'auto mi ha chiuso mentre mi sorpassava = chê machine mi à sierât intant che mi passave
  • 6a

    v.tr. finî, sierâ Copia

    [FO] (puartâ insom, finî)
    prima di chiudere vorrei aggiungere qualcosa = prime di sierâ o volarès zontâ alc
    sarà meglio chiudere questo discorso = al sarà miôr sierâ chest discors

    v.tr. sierâ Copia

    (lâ indenant, procedi tal ultin)
    la processione viene chiusa dalle donne = lis feminis a sierin la procession

    v.tr. sierâ Copia

    (paiâ, saldâ, sfrancjâ un debit o un cont)
    ho chiuso il conto che avevo in banca = o ai sierât il cont che o vevi in bancje

    v.tr. sierâ Copia

    (doprâ un segn grafic che al segne la fin di une frase incidentâl)
    chiuse le virgolette = sieradis lis virgulutis
  • 6b

    v.tr. sierâ Copia

    [FO] (fermâ, dismeti une ativitât comerciâl)
    abbiamo chiuso il negozio dopo cinquant'anni di attività = o vin sierât la buteghe daspò cincuante agns di ativitât
  • 6c

    v.tr. sierâ Copia

    [TS] (davuelzi lis operazions che a coventin ae fin di une dade di ativitât, ancje in ass.)
    chiudere il bilancio = sierâ il belanç oppure sierâ
    chiudere in attivo = sierâ in atîf
  • 6d

    v.tr. sierâ Copia

    [TS] (cessâ di lavorâ cul ordenadôr, scancelant la memorie di lavôr)
    ricordati di salvare prima di chiudere quel documento = visiti di salvâ prin di sierâ chel document
  • 6e

    v.tr. sierâ Copia

    [TS] (stabilî la continuitât di un circuit eletric, di mût che e puedi passâ la corint)
  • 7

    v.tr. sierâ Copia

    [TS] (in cualchi zûc di cjartis, vinci la man metint in taule lis cjartis tes cumbinazions previodudis)
    con il re chiudo = cul re o sieri

locuzioni

    chiudere a chiave
  • sierâ a clâf, sierâ cu la clâf, sierâ cul clostri, sierâ a clostriCopia
    [CO] (sierâ fasint scrocâ la sieradure)
    chiudi la porta a chiave quando esci = siere la puarte cu la clâf cuant che tu vâs vie
    • chiudere bottega
  • sierâ buteghe, dissecjâ negozi, sierâ negoziCopia
    [CO] (molâ une ativitât)
    dopo cinquant'anni ha deciso di chiudere bottega = daspò cincuante agns al à decidût di sierâ negozi
    • chiudere casa
  • sierâ cjaseCopia
    [CO] (meti in ordin la sô abitazion prime di lâ vie par un biel toc di timp)
    abbiamo chiuso casa prima di partire per l'estero = o vin sierât cjase prime di lâ vie pal forest
  • sierâ cjaseCopia
    [CO] (molâ une abitazion par tant timp o par simpri)
    • chiudere gli occhi
  • sierâ i voiCopia
    [CO] (murî ben)
    ha chiuso gli occhi nel suo letto, praticamente senza accorgersene = al à sierât i voi intal so jet, in pratiche cence inacuarzisi
  • sierâ i voiCopia
    [CO] (jessi presint a la muart di un altri, assistilu in pont di muart)
    ha chiuso gli occhi al vecchio padre = al à sierât i voi a so pari vieli
  • sierâ i voiCopia
    [CO] (fâ di dut par no viodi, par no considerâ)
    chiudere gli occhi davanti all'evidenza = sierâ i voi denant de evidence
    • chiudere i battenti
  • sierâ negoziCopia
    [CO] (molâ une ativitât)
    con tutte queste tasse dovrò chiudere i battenti = cun dutis chestis tassis o varai di sierâ negozi
    • chiudere i conti
  • sierâ i contsCopia
    [TS] (calcolâ i bêçs cjapâts e chei spindûts par viodi i conts)
    ritardare per chiudere i conti = intardâsi par sierâ i conts
  • sierâ i conts, sierâ il cont, justâ i contsCopia
    [CO] (finî une colaborazion o un rapuart)
    • chiudere i propri giorni
  • finî di viviCopia
    [CO] (murî)
    • chiudere il becco
  • tasê cidinCopia
    [CO] (finî di fevelâ, spec. tant che befel)
    chiudi il becco! = tâs cidin! oppure stropiti la bocje!
    • chiudere la bocca
  • tignî la lenghe in bocje, sierâ la bocje, stropâsi la bocjeCopia
    [CO] (cidinâsi, tasê, specialmentri come invît a cui che al fevele masse o fûr di lûc)
    chiudi la bocca prima di dire delle sciocchezze = siere la bocje prin di dî stupidadis
  • stropâ la bocje, lassâ a lavri strent, sierâ la bocjeCopia
    [CO] (jessi plui persuasîf di cdn. altri intun scuintri verbâl)
    con quelle argomentazioni gli ho chiuso immediatamente la bocca = cun chês argomentazions i ai sierât la bocje a colp
  • stropâ la bocje, sierâ la bocjeCopia
    [CO] (impedî a cdn. di fevelâ, specialmentri cun menacis e violence)
    con quella strage hanno voluto chiudere la bocca al giudice = cun chê stragje a àn volût sierâ la bocje al judiç
    • chiudere la borsa
  • sierâ la borseCopia
    [CO] (limitâ in dut e par dut lis spesis; no regalâ ni fâ prestits)
    ha speso molto e adesso chiude la borsa = al à spindût tant e cumò al siere la borse
    • chiudere la porta in faccia
  • sierâ la puarte in muse, sierâ la puarte sul nâs, sierâ la puarte su la museCopia
    [CO] (refudâsi di judâ cdn. che lu domande)
    ha chiesto aiuto ma tutti gli hanno chiuso la porta in faccia = al à domandade une man ma ducj i à sierade la puarte sul nâs
    • chiudere la stalla quando i buoi sono scappati
  • sierâ il cjôt dopo scjampade la purcite, sunâ daspò tampiestât, sierâ la chebe co l'uciel al è scjampât, sierâ la stale cuant che a son stâts robâts i bûsCopia
    [CO] (cirî di comedâ alc cuant che al è masse tart)
    è inutile chiudere la stalla quando i buoi sono scappati, bisognava averci pensato prima! = al è dibant sierâ il cjôt dopo scjampade la purcite, bisugnave vêi pensât prime!
    • chiudere lo stomaco
  • sierâ il stomi, fâ un grop tal stomi, stropâ il stomiCopia
    [CO] (gjavâ il desideri de fam par cualchi reson cuntune sensazion di strenziment tal stomi)
    la paura gli ha chiuso lo stomaco = la pôre i à fat un grop tal stomi
    • chiudere un occhio
  • lassâ cori, sierâ un voli, lassâse passâCopia
    [CO] (fâ fente di no viodi)
    hanno chiuso un occhio sulle piccole mancanze = a àn sierât un voli su lis piçulis mancjancis
    • non chiudere occhio
  • no durmî lûs, no durmî voli, no sierâ un voliCopia
    [CO] (restâ dismots, specialmentri se no si rive a durmî)
    a causa di quel caffè non ho chiuso occhio = par colpe di chel cafè no ai durmît lûs
    • senza chiudere occhio
  • cence sierâ voli, cence durmî une lûs, cence durmî voliCopia
    [CO] (cence rivâ a durmî)
    una notte passata senza chiudere occhio = une gnot passade cence durmî une lûs
    • senza chiudere un occhio
  • [CO] (vedi senza chiudere occhio)

monolingue

finî v.tr.
(fi-nî)
Puartâ ae fin, ae conclusion, fâ fin insom
sinonimi
compî, completâ, concludi, sierâ, terminâ, ultimâ
esempi
"cuant che Eliseo al veve finît une vore, il vecjo i dave alc, e ogni volte si meteve i ocjâi, al tirave fûr il tacuin e al contave dîs voltis lis cjartis di cent e di mil"
da "Prime di sere" di Carlo Sgorlon
"par plasê, tornìn a cjase. O finissarìn il zîr une altre volte"
da "Pre Pitin" di Antoni Beline
finî v.tr., v.intr.
(fi-nî)
In costruzions cun "di" e infinît, puartâ insom une azion
sinonimi
cessâ, molâ, lassâ, finîle
esempi
"la clape e veve finît di mangjâ e, jevâts in pîts, i fantats si parecjavin a là"
da "Il muc" di Roberto Ongaro
"e veve volût finî di studiâ a Triest, une lauree in lenghis"
da "La salamandrie tal fûc" di Carlo Tolazzi
finî v.tr.
(fi-nî)
Copâ une persone o une bestie massime se za feride o in agonie (fig.)
esempi
"dopo de fusilade dal ploton di esecuzion, l'uficiâl al finive il condanât cuntun colp di pistole"
finî v.tr.
(fi-nî)
Fâ patî, butâ intune brute cundizion
sinonimi
copâ, butâ jù, sassinâ, tudâ, disfâ
esempi
"o vevi propri il cjâf a nolis; è dut colpe des disgraciis che mi àn biel finide chest an"
da "La ospitalitât" di Luigi Gortani
finî v.tr.
(fi-nî)
Fâ in mût che alc al sedi definitîf e che al vedi efiet
sinonimi
fâ, sierâ
esempi
"«[...] al è siôr Simon che ti spiete» dissè la Ulive «Chel al è seneôs di finî l'afâr»"
da "La tiere di Lansing" di Maria Forte
finî v.tr.
(fi-nî)
Sierâ tant che tiermin o confin
sinonimi
sierâ
esempi
"chê muraia maestosa de lis Alpis che finissin la Italia"
da "Il me paîs" di Federigo Comelli
finî v.intr.
(fi-nî)
Jessi te fin, rivâ ae fin, concludisi
sinonimi
cessâ, concludisi, dismeti, murî, sierâsi, terminâ
esempi
"intant al jere finît il bal e Nicola le puartave daprûf il banc domandant ce che e voleve bevi"
da "Il svindic di Rosute" di Alan Brusini
"la vuere e je finide, al diseve, e si à di perdonâ"
da "Faliscjis" di Cristina Noacco
"Tal an 1500, ae muart dal cont Leonart, la dinastie dai conts di Gurize e finìs e la Contee e passe sot dai Asburc"
da "Autonomie tal Friûl austriac" di Ferruccio Tassin
finî v.intr.
(fi-nî)
Vê une cierte forme o maniere di jessi te fin, te terminazion, te estension e v.i.
sinonimi
lâ a finî
esempi
"il mûr, di une bande e di chê altre, al finive in dôs toratis"
da "La aghe da pît la cleve" di Dino Virgili
finî v.intr.
(fi-nî)
Butâsi, confluî
sinonimi
butâsi, lâ, lâ a finî
esempi
"il roiâl dal so mulin, rigjavât dal Luri, al finive intun palût plen di cjanis e di crots"
da "La aghe da pît la cleve" di Dino Virgili
finî v.intr.
(fi-nî)
Jessi, rivâ, capitâ, sore dut in mût acidentâl o cence vê volût
sinonimi
capitâ, lâ, lâ a finî
esempi
"in ce puest jerio finît? Se almancul o ves cjatât une indicazion di podê capî"
da "Sense" di Checo Tam
finî v.intr.
(fi-nî)
Cjatâsi intune cierte cundizion, pal solit negative
sinonimi
lâ, lâ a finî
esempi
"Toni Aiz, al finì in galere a vite nome par vê sberlât «abasso Mussolini»"
da "Chei di Cjasarse" di Alan Brusini
"dopo vê fat tantis strambariis chel puar om al à finît tal manicomi e là al è stât sierât cuatri agns"
da "Strambariis" di Pieri Somede dai Marcs
"la gnove, come che o savês, e finì su ducj i gjornâi "
da "L'om che al pierdeve pinsîrs pe strade" di Fabian Ros
finî v.intr.
(fi-nî)
Vê une cierte evoluzion o conclusion o risultât
sinonimi
lâ, lâ a finî
esempi
"cuntune trame che a moments e sfilie il surealisim e che e finìs in tragjedie"
da "Festival di Pesaro 50+1" di Fabian Ros
"il Micul al finì par tiere, butât jù di un sganaf [...] Reson o tuart, lis partidis dal Bulo a finivin cussì che ducj i siei resonaments si ingrumavin tes mans"
da "Il Bulo di Crodio" di Maria Forte
finî v.intr.
(fi-nî)
Rezint costruzions cul infinît, jessi o vê tant che risultât, tant che conclusion di un ciert procediment
esempi
"la cuistion dai «Trê cjapitui» e finì cul dividi il patriarcjât"
da "Cuintristorie dal Friûl fin sot la Italie" di Josef Marchet
"la sô vitorie su la muart che e finìs cul jessi ancje la nestre vitorie su la muart"
da "Crist resurît al colme dute la sperance dal om" di Francesc Placerean
"se al starà inmò te barache al finirà par malâsi pardabon"
da "Cjase di fitâ" di Pieri Somede dai Marcs
finî s.m.
(fi-nî)
Fin, moment, pont, puest dulà che alc o cdn. al finìs
sinonimi
fin, finâl
esempi
"cuant che a forin sul finî des cjasis a taiarin fûr pai prâts"
da "Il muc" di Roberto Ongaro
"sul finî de matine Laurinç al le a cjaminâ de bande de campagne"
da "I prâts des Savodagnis" di Agnul di Spere
proverbi
"ce che no si vûl finî si fâs di mancul di començâ"
"cuant che a passin i codons, i uciei a finissin"
"cuant che a vegnin i sivilots a finissin i uciei"
"cuant che no si rive a dî: "glorie di Diu!" al è finît dut"
"cuant che no si vûl finî si fâs di mancul di tacâ"
"cuant che si scomence mâl, si finis piês"
"cui che al mûr al finìs di patî"
"cui che al scomence mâl al finìs piês"
"cui che al scomence masse voris no 'nt finìs nissune"
"cui che al scomence une vore in dì di vinars no le finìs plui"
"cui che ben al scomence ben al finìs"
"cui che nol sa sbassâsi a timp e lûc le finìs cul cjâf sbûs"
"cui che nol scomence nol finìs"
"finide la messe, brusade la cjandele"
"finide la zornade, finît il lavôr; finide la gnot, finît il ripôs"
"finîts i lens, si raspin lis stielis"
"i sants lu scomencin e Sant Andree lu finìs"
"mai no si scomence mai no si finìs"
"miôr no dî che scomençâ e no finî"
"miôr polente che e dure che no pan che al finìs"
"muarte la piore e je finide la lane"
"pic pic, il taiepiere nol deventarà mai ric: finît di picâ, finît di mangjâ"
"se il gjal al cjante daspò di misdì, il bontimp al è par finî"
"si scomence cul pôc e si finìs cul trop"
"tic tac, al fâs il cjaliâr; finît di ticâ, finît di mangjâ"
"une robe si sa cemût che e scomence ma no cemût che e finìs"
Torna in Cima
Torna in Cima