Tu âs cirût la peraule
bilengâl monolengâl cognons
Tu âs cirût la peraule
ciò
torne indaûr

bilengâl

ciò pron.dimostr.inv.
  • 1

    pron.dimostr.inv. chel, chest, un tant Copie

    [FO] (chest, chê robe)
    ciò è vero = chel al è vêr oppure e je vere
    ciò mi spaventa molto = chest mi spavente un grum
    gli ho raccontato ciò = i ai contât un tant
  • 2

    pron.dimostr.inv. chel, ce Copie

    [FO] (spec. parie cul pron.rel. 'che')
    dimmi ciò che vuoi e te lo darò = disimi ce che tu vuelis e tal darai
    fai ciò che ti dico = fâs ce che ti dîs

locuzions

    a ciò che
  • [BU] (cjale acciocché)
    • ciò nondimeno
  • dut câs, cundut a chelCopie
    [BU] (cun valôr avers.)
    erano in inferiorità numerica, ciò nondimeno sono riusciti a vincere = a jerin in inferioritât numeriche, cundut achel a àn rivât a vinci
    • ciò nonostante
  • tant e tant, cun dut achel, pi di manculCopie
    [CO] (cun valôr aversatîf)
    ha sbagliato ciò nonostante, lo hanno perdonato = al à falât, cun dut achel, lu àn perdonât
    • con ciò
  • cun chest, cun chelCopie
    [CO] (par introdusi une conclusion di discors)
    con ciò, voglio aiutarti = cun chest, o vuei judâti
    • con tutto ciò
  • dut câs, tant e tant, cun dut achel, cun dut achestCopie
    [CO] (par introdusi une conclusion in oposizion a ce che si à dit prin)
    è stata dura, con tutto ciò è andata bene = e je stade dure, cun dut achel e je lade ben
    • nonostante ciò
  • [CO] (cjale ciò nonostante)
    • oltre a ciò
  • cun di plui, di prionte, par zonte, par prionte, par soremarcjât, di soremarcjât, soremarcjâtCopie
    [CO] (in plui di ce che si à bielzà dit)
    e oltre a ciò abbiamo anche preso la pioggia = e cun di plui o vin ancje cjapade la ploie

monolengâl

ce pron.int.
In proposizions interogativis diretis o indiretis, par domandâ une robe
esemplis
"ce fâstu?"
"no sai ce che o pues regalâi"
"in ce puedio judâti?"
"mi à domandât bêçs, ma no sai par ce che i coventin"
ce pron.dim.
Tant che dimostratîf, compagnât cun "che" e une proposizion relative
esemplis
"cjapait ce che o volês: di ce che al è nol mancje nuie"
"il palût di cumò al è ce che al reste di un lâc che si jere formât in ete glaciâl"
gjavât fûr di "La preistorie in Friûl" di Andrea Pessina, Gaetano Vinciguerra
"il polsâ al jere ce che i coventave di plui"
gjavât fûr di "Tal ospedâl" di Amedeo Giacomini
"il lavôr mi à impegnât a lunc, plui di ce che o pensavi"
gjavât fûr di "I forescj" di Alan Brusini, Gian Paolo Linda
ce adi.int.
In proposizions interogativis diretis o indiretis par domandâ la cualitât, la identitât, la nature, il gjenar o sim. di alc o cdn.
esemplis
"ce colôrs âstu dite?"
"no capìs par ce motîf che al sedi lât vie cussì adore"
"ce marcje di biscots âstu cjolt?"
"«O fevelavi cu la tô parone chi», i rispuint lui, «dal ce mâl che si presente la campagne chest an»"
gjavât fûr di "Pensâ mâl" di Meni Ucel
ce adi.escl.
In esclamativis, riferît a un sostantîf
esemplis
"ce persone creançose!"
"ce vistîts cjârs che a àn in vetrine!"
ce pron.indef.
In domandis retorichis, come dî "une robe"
esemplis
"savêso ce? doman o ai di lâ a vore e al è tart, o voi tal jet"
ce pron.indef.
Devant di un infinît, al pues segnâ alc in maniere gjeneriche
esemplis
"intun lamp il curtîl si implenà: feminis, oms, fruts; e ducj a vevin ce dî e ce domandâ"
gjavât fûr di "Il fi de Rosse" di Pieri Menis
ce pron.indef.
Al pues segnâ une totalitât di robis in maniere gjeneriche
sinonims
dut ce
esemplis
"o sarês une siorone, o varês ce che o volês, vô e i vuestris fîs"
gjavât fûr di "Lis leiendis di Buie" di Pieri Menis
"la strie si inacuarç che a jerin passâts, e bute par tiere un veri di aghe e denant dai fantats al comparìs un grant lât, ce che a podevin cjalâ"
gjavât fûr di "Blancje come la nêf" di Andreina Nicoloso Ciceri
ce pron.indef.
Devant di un infinît, al segne bondance, suficience, dibisugne, come dî "une vore di", "tant di", "avonde di" e v.i.
esemplis
"prime che lis nazions interessadis a rivin a une intese definitive sul cont di Triest, al è ce spietâ."
gjavât fûr di "Sot di nissun" di Josef Marchet
"i americans ju cjamin sui camions indulà che al è ce sacodâsi ma si disbrate strade"
gjavât fûr di "Storie di Vera" di Ivano Urli
"no sai se al è ce fidâsi"
ce pron.indef.
Al forme corelativis
sinonims
alc, un pôc, o, e, sedi
esemplis
"la libertât di lenghe e ven insuazade intal procès di integrazion continentâl e di chel e rapresente ce une necessitât, ce une risorse, ce une misure di valutazion"
gjavât fûr di "La libertât di lenghe tant che dirit fondamentâl. Atualitât e complessitât dai contignûts de “Cjarte di Chivasso”" di Marc Stolf
"al à di lavorâ, almancul mieze zornade, ce te braide, ce tal ort, ce tal bearç e ce par cjase"
gjavât fûr di "Lis predicjis dal muini" di Josef Marchet
ce s.m.
Robe, ogjet, sogjet
esemplis
"al jere di corse e nol è stât li a contâmi il ce e il cui di dute la facende"
detulis
"ce che al è al è"
"ce che al è ben al è di gjo, ce che al è mâl al è gno"
"ce che al è di Cesar al è di Cesar, ce che al è di Diu al è di Diu"
"ce che al è di masse al va parsore"
"ce che al è dit al è dit"
"ce che al è fat al è fat e no si po disfà"
"ce che al è fat al è fat, nol è di fâsi"
"ce che al è just di fâ, bisugne fâlu e vonde, magari murî di fam"
"ce che al è mâl par un, al è ben par un altri"
"ce che al è masse al è masse"
"ce che al è permetût di zovin, no si po fâlu di vieli"
"ce che al è scrit al è scrit"
"ce che al è scrit in cîl, nissun no lu disfe in tiere"
"ce che al è scrit, si leilu"
"ce che al è sparagnât al è vuadagnât"
"ce che al è stât al è stât"
"ce che al è stât al po tornâ"
"ce che al è stât nol po jessi"
"ce che al fâs il Signôr al è dut ben fat"
"ce che al pare il frêt al pare ancje il cjalt"
"ce che al passe al ingrasse"
"ce che al sbrisse nol va in cont"
"ce che al use nol fâs scuse"
"ce che al va parsore no si met in cont"
"ce che al ven cence fadie, in pôc timp ancje al va vie"
"ce che al ven di buf in baf, al va di ruf in raf"
"ce che al ven di ruf al va di raf"
"ce che i va i vûl"
"ce che il piçul al ripet, i grancj lu àn biel det"
"ce che la joibe e impromet, il vinars lu atint"
"ce che no si à in cûr, si à in gjambis"
"ce che no si à in cûr, si à in lenghe"
"ce che no si po vê bisugne donâ"
"ce che no si po vê si lasse"
"ce che no si volarès al capite aduès"
"ce che no si vûl finî si fâs di mancul di començâ"
"ce che nol è bon par se, no fâjal a nissun"
"ce che nol fâs il Signôr al fâs il sartôr"
"ce che nol nas in cent agns, al nas in un"
"ce che si à imbotât si spine"
"ce che si à in cûr si à di vê in lenghe"
"ce che si brame nol ven mai"
"ce che si impare di zovin no si dispare di vieli"
"ce che si po fâ vuê, no metii non doman"
"ce che si sa, si fâs; ce che no si sa, si impare"
"ce che si semene si cjape sù"
"ce che si spint mâl si jal robe al so capitâl"
"ce che si use nol fâs scuse"
"ce che si viôt no si po scuindi"
"ce che tu âs di fevelâ usgnot, fevele doman"
"ce che tu âs semenât, al è nassût; ce che tu âs insedât, al à menât"
"cui che al à bêçs di no savê ce fâ, che si meti a litigâ o a fabricâ"
"cui che al à bêçs di no savê ce fâ, che si meti in lît o a fabricâ"
"mats e fruts a puedin dî ce che a vuelin"
torne sù

cognons

Ciocca
Pues stâi che al vegni dal venit trevisan ciòca “clocje". Al è presint a Grau (in plui che a Trevîs e a Quinzano d’Oglio te provincie di Bressie). Tal 1609 Ser Dom.go Chiocca della Scola di S.ta Barbara di Palma (ASU CRS 313).
Cioffi
Al è un cognon de Italie meridionâl, presint in Calabrie, Sicilie, Basilicade, ma ancje a Napoli e tal Salent; al ven di un sorenon fat cu la peraule simile siciliane cioffu “çuf di cjavei" (Rapelli, 1995). Par Corgnali Ciofo = Cristoforo (o Cristofano). Si lu cjate a Udin. Tal 1702 don Leonardo Ciofi – curato di Sesto al Reghena (ACR 471/20D).
Ciol
O vevin pensât a cieul, il non dal pes che si clame ancje “bolpine”. A Cimolais ciol al vûl dî “riul” (cussì Borsatti e Trevisàn 1994, invezit Appi E. e R. a àn scioi pe stesse peraule). Chest cognon nol è facil di sclarî: cui che al è plui dongje al è cence dubi Gianni Colledani che al sugjerìs che e sedi une forme aferetiche dal non Angiol “Agnul” che al pues vê mudât di -ğ- in -č-. No son di escludi formis aferetichis di (Lu)ciol, (Fa) ciol, diminutîfs di Lucio e Facio, che chest ultin al ven di Bonifacio. Roberto Moschion al da cualchi forme documentade a Voleson (1581 Gaparus q. Joseffi vocatus de Chiol; 1591 quei di Chiol) che a somein orientâts par un sun prepalatâl (duncje cu la grafie di cumò Cjol) pe cuâl lis ipotesis che o vin dit prime no son plui validis. E se al fos la forme aferetiche di Matiòl, diminutîf di Mattia, palatalizât in (Ma)cjòl? Al è presint a Cjasarse e a Tei.
fonts
1396 Antonius q. Francisci q. Joh. Cioll de Belgrado (Corgnali); secul XIV çiola de Belgrado (Corgnali); 1624 Maschio del Chiol q. Steffano di Barcis, teste (ASU CRS 25); 1736 Sig.a Lucina Reggia rel. q. Sig. Pietro Ciola di Fanna (ASU Perusini 757.11 bis); 1929 al nas a Cjasarse il fotograf Elio Ciol. Al à fat une documentazion fotografiche une vore largje de art dal Friûl (Nazzi, 1992).
Ciotola
Cognon de Campanie presint a Tarvis e a Udin.
Ciót, Ciotti
La peraule zot, che si scriveve ancje çot (e che si scrîf cussì te grafie normalizade), come zuét / çuét, al vûl dî "une persone çuete" e la grafie taliane e riprodûs in maniere fedêl la pronunzie (che e sarès čót). Duncje, al corispuint a Del Zotto, Delli Zotti, e vie indenant. A Travês, intune iscrizion che e je te glesie di Sant Pieri, dal 1648, si lei: m.° Antonio et Baldasar Cioto di Metuno. La forme Ciot e je a Pordenon, Prate di Pordenon, Brugnere, Daçan, Vildiflum, Çarvignan; Ciotti a Udin, Buri, Çarvignan.
fonts
1419 Martin Ciotto che sta in porta de Sancto Laçaro a Udin (Corgnali); 1488, ai 11 di Setembar Pietro Ciotto di S. Giov. Manzano era debitore di biade a Barbara Spalatina (ANU 730); 1561 don Luca Ciotto capp. della chiesa di S. Gregorio in Sacile (Filze 1645); 1527 Salvatoris a Ciotta a Cordignano (Corgnali); 1573, ai 4 di Mai Lucrezia vedova q. nob. Filippo Ciotti da S. Cassano Mesco – testa (ANU 3922); 1600 i Cioti, Ciotta presints a Cjanive (Luchini, 1997); 1601 M.° Dom.go Ciot (o Ciotto) di Santo Danielle, fittuale Coo. della Torre (ASU Della Torre 38.15); 1647, ai 16 di Dicembar don Giorgio Pelis del Sig. Dom. da S. Cassan di Mesco gli fa patrim. eccl. il dott. Filippo Ciotti q. Sig. Pietro di Cordignano (Patrimoni); 1711 Paron Antonio Ciotti di Grado (ASU CRS 243); 1758 Sig. Francesco Ciotti pubblico agrimensor di Cordignano (AB); 1780 Nicolò Ciotto fittuale in Lumignacco dei nobb. Caiselli (ASU Perusini 274); 1809 Giuseppe Ciotti possiede 2 bovi e 2 vacche in Passariano di Lauzacco (ASU Della Torre/B 30); 1816 muore Matteo Ciotti di Antonio di anni 58 nativo di Sottocastello (A.P. Plêf di Cjadovri); 1816 Giovanni Venier nato in Pordenone nel 1791, barbiere domic. in Sacile, figlio di Giovanni suonator di violino, sposa Antonia Ciotti nata in S. Cassiano del Mesco nel 1783, serva in Sacile e figlia di Pasquale, calzolajo in S. Cassiano (A.P. Sacîl); 1816, ai 26 di Fevrâr Antonio Ciotti di Matteo nato nel 1793 in Sottocastello Patria del Cadore, villico, sposa Fioreta Genova Papes di Franc. di Pieve (A.P. Pieve di C.); 1818 Domenico Ciotti di Bernardo nato nel 1794 a Sacile, tessitor di tela, sposa Cecilia Narduzzi, cameriera in Sacile, figlia di Batta di Fana (A.P. Sacîl); 1860 Marziano Ciotti, figure di rilêf dal Risorziment talian al è un dai Mil di Garibaldi, ai ordins di Benedetto Cairoli. Al jere nassût a Gardiscje tal 1839 (Angelillo, 2002).
torne sù