Hai cercato la parola
bilingue monolingue
Hai cercato la parola
circolo
Torna indietro

bilingue

circolo
  • 1

    s.m. cercli, circul Copia

    [AD] (cercli)
    sediamoci in circolo e facciamo un gioco = sentìnsi in cercli e fasìn un zûc
  • 2

    s.m. circul Copia

    [TS] (circonference imagjinade su la superficie de Tiere o dal cîl, par riferîi i ponts su la Tiere o tal cîl)
  • 3a

    s.m. circul Copia

    [CO] (clape o societât di personis che si dan adun par un ciert fin, spec. ricreatîf o culturâl)
    il circolo del golf = il circul dal golf
    un circolo letterario = un circul leterari

    s.m. circul Copia

    (la sede di cheste clape o associazion)
    ci vediamo domani davanti al circolo culturale = si viodìn doman denant dal circul culturâl
  • 3b

    s.m. zîr, clape Copia

    [CO] (grup informâl di personis che si cjatin dispès)
    è in giro col circolo degli amici = al è ator cu la clape dai amîs
  • 4

    s.m. circul Copia

    [CO] (spec. tal pl., ambient di personis che a fasin part di une cierte categorie o che a àn ciertis carateristichis in comun)
    i circoli cattolici = i circui catolics
  • 5

    s.m. circul Copia

    [TS] (circoscrizion judiziarie o burocratiche)
  • 6

    s.m. circul Copia

    [TS] (dutis lis struturis circolârs)

    s.m. circul Copia

    (circuit vascolâr, spec. arteriôs)
    circolo del sangue = circul dal sanc

locuzioni

    circolo ermeneutico
  • circul ermeneuticCopia
    [TS] (daûr de teorie ermeneutiche, il procès che al mene la comprension di un ogjet de bande di un sogjet juste parcè che al è za assimilât te precomprension)
    • circolo vizioso
  • cercli viziôs, circul viziôsCopia
    [TS] (argomentazion che no je valide parcè che e presupon ce che e volarès dimostrâ)
  • cercli viziôs, circul viziôsCopia
    [TS] (figure retoriche che e sta tal ripeti inte sieradure dal periodi la peraule di inizi)
  • cercli viziôs, circul viziôsCopia
    [CO] (situazion negative che e prodûs la sô continuazion al infinît)
    per lui il fumo è diventato un circolo vizioso = par lui il fum al è deventât un circul viziôs

monolingue

cercli s.m.
(cer-cli)
Linie taronde sierade che e cor cun rai simpri compagn
sinonimi
taront, tont
esempi
"dissegnâ un cercli cul compàs"
cercli s.m.
(cer-cli)
[TS] (gjeom.) Part di un plan sierade di une circonference
esempi
"il probleme al domande di calcolâ il diametri dal cercli"
cercli s.m.
(cer-cli)
Cualsisei robe di forme taronde o plui o mancul taronde
sinonimi
zîr, tont, taront, anel, rinc, rincje
esempi
"sot de cjavelade a fasevin spic i rincjins, doi cerclis di aur lusint"
da "Chei di Muraie" di Pieri Menis
"un sterp che al obleave la onde a zirâi intor cun cerclis [di aghe] che a smalitavin come iritâts"
da "Mabile la Lunghine" di Maria Forte
"siôr Ernest, il fi, al fumave pacjific, cui voi pierdûts daûr i cerclis dal fum"
da "La tiere di Lansing" di Maria Forte
cercli s.m.
(cer-cli)
Cualsisei robe o complès di robis o personis metude in taront o ator di alc
sinonimi
corone, zîr, anel, tont, taront
esempi
"il cercli des monts al zire tor ator di Sauris"
"il fûc si veve slargjât intun cercli di flamis"
"cuant che Napoleon al rive in Friûl, ae fin dal Sietcent, Glemone e je ancjemò sierade dentri il tierç cercli di mûrs e lis sôs grandis riformis a durin pôc parcè che a vegnin cambiadis subit dai Todescs daspò il 1815"
da "Studi da la evoluzion dal paisaç mediant i toponims" di Rino Gubiani
"ce biel lâ indenant a planc; ma al jere di strani a viodi che i pôi e i lens a fasevin un grant cercli intor..."
da "L'avôt" di Maria Forte
cercli s.m.
(cer-cli)
Grup di personis o di robis (fig.)
sinonimi
zîr, cubie, clape
esempi
"ancje se nol someave, il Peo al jere un om ambiziôs une vorone, al voleve sei saldo tal mieç dal cercli"
da "Cercandui" di Alan Brusini
"sul poç de place il zito al colave dentri dal cercli dai amîs: ducj a cjalavin su la strade"
da "La aghe da pît la cleve" di Dino Virgili
" [i sfueis stampâts tra i agns 60 e i agns 90] a zovavin a mantignî unide aes sôs ideis la famee autonomiste plui che a concuistâ letôrs fûr di chel cercli"
da "Memoriis di politiche linguistiche" di Adrian Cescje
cercli s.m.
(cer-cli)
Fasse di metal o di len par tignî dongje lis dovis di un caratel o sim.
esempi
"une bote viere, cul len scridelît e i cerclis inrusinîts"
cercli s.m.
(cer-cli)
Strument de gjinastiche artistiche feminine
cercli s.m.
(cer-cli)
Supuart metalic li che si fisse la gome de ruede
esempi
"i plaseve lâ ator in biciclete, la sô antighe Vander tipo sport che al tignive come un spieli, lustrade cul peçot, i plaseve cjalâle, i cerclis metûts gnûfs, lis gomis sutilis, il telâr vernisât turchin"
da "Par stradis lungjis" di Alan Brusini
cercli s.m.
(cer-cli)
[BF] Grant anel di metal che al coventave par tignî largje la cotule
cercli s.m.
(cer-cli)
Spazi iluminât di alc, che si impâr di plui rispiet al rest che al è scûr
esempi
"ogni cent metros une lampadine e impiave un cercli di lusôr su la strade"
da "Prime di sere" di Carlo Sgorlon
cercli s.m.
(cer-cli)
Anel di lûs che si viôt cualchi volte ator de lune
cercli s.m.
(cer-cli)
Ombre dongje dai voi, che si impâr di plui cuant che si è stracs o malâts
sinonimi
calamâr
esempi
"che si calmi, è simpri plui palide, e à un cercli tor dai voi, vuelie cjalâsi tal spieli?"
da "Ursule" di Pieri Somede dai Marcs
cercli s.m.
(cer-cli)
Sensazion di malstâ, come di un strenziment ator dal cjâf
esempi
"i vignive un cercli tor dal cerneli che lu obleave a lassâ stâ, a cirî di durmî"
da "Tal ospedâl" di Amedeo Giacomini
proverbi
"cercli lontan, ploie vicine; cercli vicin, ploie lontane"
"cuant che la lune e à il cercli, ploie sigure"
"si da jù pai cerclis par che la dove e sinti"
Torna in Cima
Torna in Cima