Tu âs cirût la peraule
Tu âs cirût la peraule
coccolo
torne indaûr
bilengâl
coccolo s.m.
-
1
s.m. colp
[RE] (mâl improvîs che al fâs vignî l'imbast)
monolengâl
colp s.m.
Azion e efiet dal bati alc cun fuarce o dal lâ a sbati
sinonims
esemplis
"inte farie, Pauli al lavorave gobit tal sun net dal incuin; come simpri. Un colp daûr chel altri, e ogni tant une fermade par cjalâ la batude sul imprest"
gjavât fûr di "Cjase di Dalban" di Maria Forte
"une lungje procession di colps, e la manarie simpri plui indentri te feride, a coni, blancje e precise"
gjavât fûr di "La tiere di Lansing" di Maria Forte
"si romp l'eternit, jo o coli sot, o cjapi un colp tal cjâf, mi svei tal ospedâl dopo jessi stât operât"
gjavât fûr di "Jo e Graziella" di Mario Beltramini
"al jere tornât a Cjassà, cence pensâ a nuie, dome al svindic, e lu veve maçât cuntun colp di forcje"
gjavât fûr di "Prime di sere" di Carlo Sgorlon
colp s.m.
Rumôr fat de azion di bati
esemplis
"fûr dai colps secs dal so massanc, dut il mont ator di lui al taseve, e al pareve indurmidît e inmagât"
gjavât fûr di "La liende dal riûl" di Franca Mainardis
"lis cjampanis a lassavin colâ ancjemò i lôr colps secs come clapadadis"
gjavât fûr di "Sflamiadis" di Pieri Menis
"doi colps su la puarte: al si svee, al impie il lampion e il ferâl e cloteant al va a vierzi: sul scjalin de puarte, te spere di lûs dal ferâl, al viôt une musute intabarade"
gjavât fûr di "Nadâl" di Pieri Somede dai Marcs
colp s.m.
Sbâr di une arme di fûc
esemplis
"un colp di canon"
"un colp di pistole"
colp s.m.
Moviment svelt fat cuntune part dal cuarp
esemplis
"al ste minûts intîrs a cjalâ i lôr zîrs a larc [di doi falcuçs], parsore boscs e crets, cence dâ un colp di ale"
gjavât fûr di "Il dolfin" di Carlo Sgorlon
colp s.m.
(sport) Tai sports di contat o intun combatiment, ancje no sportîf, moviment par cirî di tocjâ, cun plui o mancul fuarce, l'aversari
esemplis
"un colp di karate"
"rivâ a parâ i colps dal aversari"
colp s.m.
Il pandisi imburît di une emozion, di un sintiment e v.i.
sinonims
sclop, sbroc
esemplis
"al veve lassât di scombati. Dopo la fiere di chel colp di rabie si sintive scomât"
gjavât fûr di "Mabile la Lunghine" di Maria Forte
"si dreçà intun colp di amôr propri, declarant cu lis lagrimis intal cuel che e varès frontât il pari di bessole"
gjavât fûr di "Trê feminis" di Gianni Gregoricchio
"il re si è spaventât e, intun colp di pôre e di zelosie, i à fat çoncjâ il cjâf"
gjavât fûr di "Sant Jacum, là che al finìs il mont" di Antoni Beline
colp s.m.
Azion svelte fate cun cualsisei imprest
esemplis
"Eliseo al le prime dal marangon par dâi un colp di smerilio [ae manarie], e po dopo te cantine di cjase sô, par uçâle cu la muele"
gjavât fûr di "Prime di sere" di Carlo Sgorlon
"al podarès dâ il vueli di lin ai sieraments; dâur un colp di sponzarole là che al covente, onzi i cancars"
gjavât fûr di "Cretevierte" di Roberto Ongaro
colp s.m.
Azion svelte par rivâ a un obietîf, cun furbetât o ancje in maniere violente e ilegâl o iregolâr
esemplis
"la organizazion dai partesans e jere fate di oms che a jerin in montagne e che pal plui a fasevin i colps grues e plui impuartants e di oms che a vivevin in paîs"
gjavât fûr di "Il muc" di Roberto Ongaro
"bessôi e sfladâts: intant che a Rome si rumie un colpat çamp che par une trate al tornarà a cjolinus il flât"
gjavât fûr di "Legnadis e pidadis" di Josef Marchet
colp s.m.
Lavorazion dade a une paste jevade par che e pierdi gas e dopo e torni a jevâ cun plui fuarce
esemplis
"par vie de mangjative, mi àn metût intune intimele: un fiasc di ramandul, mieç chilo di polente cuinçade, une poleçute rustide, un pâr di slepis di formadi bausâr, un chilo bondant di pomacis, sîs fetonis di panzete e un pan di siet colps cu la ue calabrie"
gjavât fûr di "Viaç a Vignesie" di Arturo Feruglio
colp s.m.
Rapuart sessuâl (volg.)
sinonims
bote, spente, uçade
esemplis
"no je une maravee, ma un colp jal darès"
colp s.m.
Manifestazion imburide e dispès fulminante di un mâl, massime tal cerviel o tal cûr (coloc.)
sinonims
acident, ton
esemplis
"une volte si murive di un colp, di un gastric, di une ponte"
gjavât fûr di "La fantasie de muart" di Alan Brusini
"la vilie de sagre di Vile Disore, e mancjà di un colp la mari dal ostîr: e restà secje tal jet - che e jere za malade - cence podê dî nancje un Jesus"
gjavât fûr di "Disore e disot" di Pieri Menis
"daspò un colp (ictus) tal cerviel, cui malâts bilengâi bisugne viodi cemût che a van dutis dôs lis lenghis (furlan e talian)"
gjavât fûr di "Il cjâf dai furlans" di Franc Fari
colp s.m.
Fat negatîf o dolorôs, spec. improvîs
sinonims
esemplis
"cu la muart di Pierluigi Visintin, il mont de culture furlane al patìs un altri colp dûr"
gjavât fûr di "Corot pe muart di Pierluigi Visintin" di Redazion Radio Onde Furlane
colp s.m.
Moment che alc al sucêt
esemplis
"la ombre nere de Incuisizion e tornave come une manarie sul paîs, ma chest colp no nome par fâ pôre"
gjavât fûr di "Come tai romançs" di Alan Brusini
"daûr dal prin frut, al jere rivât un altri, e po un altri, e infin ancje dôs frutis tun colp"
gjavât fûr di "Aiar di cjase" di Franca Mainardis
"il predi ogni colp che lu cjatave al veve saldo di dîi di mendâsi, di fâ judizi"
gjavât fûr di "Amîs come prime" di Alan Brusini
detulis
"al prin colp nol cole l'arbul"
"cuntun colp nol cole l'arbul"
"dai colps si vuarìs di ducj, fûr che dal prin"
"no si taie mai l'arbul cuntun sôl colp"
"par un colp nol cole il len"
torne sù
cognons
Còccolo
Còcula e Coculussa une volte in Friûl a jerin nons di femine une vore biei. Al pues stâi che Còcul al fos la version masculine.
Còcule, ancje tal furlan di vuê e je la pome e semence dal cocolâr (sient. Juglans regia). Còc al vûl dî “ûf” e Còcul al podarès jessi la sô forme diminutive. Cussì te lenghe antighe di Monài (vuê Ravasclêt):
Mènio, sul desc, sbat ju
cocs par fâ las frìtulos e
las sòpos indoràdos.
Infin, Coc, al è il non di un uciel (par talian occhione).
Viodi ancje Cocco.
Il NA al ripuarte un Chuchulussius molendinarius (mulinâr) tal 1382; pôcs agns dopo, a Vençon al è un Chuchuluz Scorset (Wolf, 1874), in terra Choculi tal 1323 a Davâr e un Bertolotto dicto Choculo tal 1342 a Davaste di Davâr (Dell’Oste, 1999). A Nimis tal 1431 Tomaso detto Cocul q. Odorico Cozette. A San Lurinç di Sedean Potentiana filia Coculi (SL).
A Udin a son chestis atestazions: 1282 Iohanni dicto Cuculuça (Moro, 1991); 1425 Çuanine dete Chocule; 1427 Zuanine Chocule; 1433 Çuanina fiola che fo di Zuvan Chocula; 1439 Pidrusse sur de Cocollate (Vicario, 2001, b).
Tal Schedari Corgnali: 1271 Coculo de Rogia a Glemone; 1278 terra Coculi a Vençon; 1278 Coculus a Montenârs; 1287 Cocolo q. Nicolai Remoti de Paderno; 1294 Coculo de Magnano; 1308 Coculi (o Coculus) a Cividât; 1310 Coculus et fratres de Campoformio; 1341 Coculus de Aupa; 1341 Coculo de Laybaco; 1432 Daniel q. Gasparini vocatus Chocul de Bagnara; 1350 Justo dicto Chochulo de Rumignano a Udin; 1356 Paulo dicto Cuochul de Santo Vidoto; 1362 possidet Chocula ad Atimis; 1426 Michael Chochulan a Ribis; 1426 q. Chochuli a San Denêl; 1426 Petro Chochulino a Martignà.
Chest cognon si cjate a Felet, Udin, San Zorç di Noiâr, Gardiscje, Pordenon, San Martin di Voleson, Pagnà, Gurize, Cordenons, San Vît dal Tiliment, Cividât, Glemone (in domo Francisci Coculi tal 1390; Maria Clara fiola di Tomat Cocul nel 1549), Manzan, Remanzâs, Cint.
Te tabele IGM Ruvigne, al è il toponim Coccoli.
fonts
1443 Luca detto Chocul f. di Stefano da Colugna – teste (Osp. 170,217); 1471, ai 14 di Dicembar Paolo Cochul abit. in Orsaria f. del q. Pietro di Tarcento fa i conti come affittuale del Capitolo di Cividale (ANU 711); 1491, ai 22 di Avost Leonardo Cocul di Vergnacco abit. in Ziracco (ANU 3885); 1505 testamento di Leon.do Gadessio rotario de Feletto – suoi figli: Bernardo detto Cocul e Pietro Rosso (AB); 1518 i figli ed eredi del q. Leonardo Rodaro – Bernardo detto Cocul e Pietro detto Rosso de Feletto (ACU – regjistri riscossions); 1535 Antonia q. m.° Giovanni Cocolo da S. Daniele ora moglie di Pietro Zoppo q. Giacomo Flumiani da Rive Arcano (ANU 3907); 1570, ai 27 di Mai don Mattia Coccolo da S. Daniele fatto curatore del suo pupillo figliolo di m.° Dom.co Sartorino di Meretto abit. a S. Daniele (ANU 3934); 1582, ai 20 di Setembar don Giacomo Cochul da Gonobiz – suddiacono (Mandatorum); 1584 divisione tra Oliverio e Decimo f.lli q. Dom. d.° Minin Coculo de S. Eliseo (ANU 3941); 1622 Ser Batta Cocolo q. Ser Asquin di Gruaro, cede Livello in Sesto (ASU CRS 491/2); 1630 Maso Coccholo ora Valentinuzzi di Arzenutto di ragione dei nobb. Colloredo (ASU Perusini 570.4); 1630, ai 9 di Jugn Vicenzo di Gioseffo Cocolo di Pasegliano di Prato sposa Sabbida r. q. Val.° Bertonit di Bressa (A.P. Bresse); 1652, ai 4 di Mai Gregorio Coculo (vistût di predi) e Gio. Batta Cainero (vistût di diaul con una pelle secha di vacha) ambi da Povoletto accusati (cun altris) di irreligiosità (allegrezza carnevalesca) durante il carnevale (ACAU – Inq. pr. 208); 1665, ai 4 di Fevrâr Ser Domenego Coccolo scodadore della vicinia di borgo Prachiuso a Udine (Masutti 1991); 1674 Giacomo Cocul di Zugliano, fitt. dei Coo. della Torre (ASU Della Torre 19.1); 1677, ai 24 di Mai Ser Domenico Coculo q. Nic. abit. a Udine Pracchiuso anno 67 – Confina beni Confr. S.M. delle Grazie (ACR 753/3); 1682 Giuseppe Cocolo notaio Feletto (AB); 1682, ai 7 di Març don Gio. Pietro Cocolet q. Gio. Batta da Cormons – gli fa patrim. eccl. il suo consanguineo don Nicolò Coronino (Patrimonis); 1682, ai 16 di Dicembar investito di cappella perpetua dei baroni Locatelli (Patrimonis); 1691 Batta Cocolo in Vicinia di Plaino (ASU Perusini 548.4); 1697 Ser Gioseffo Cocolo q. Zuane, cameraro Fraterna di Sant’Antonio Abbate di Feletto (ASU CRS 222/1); 1709 Ser Pietro Cocolo, cameraro Chiesa di S. Floreano Plaino (ASU CRS 350/1); 1717 Gioseffo Coccolo, cameraro della Fraterna di S. Antonio Abbate di S. Vidotto (ASU CRS 449); 1722 Dom.co Coccolo di Siacco fittuale nobb. Zucco (ASU Zucco 27); secul XVIII Marco Cocolo vuardian dai boscs di Siest, al denuncie Domenica Cocolo che e veve taiât rôi zovins tal bosc (Angelillo 2002); 1733 Gio. Batta Cocolo notaio e pubblico perito di Monfalcone (AB); 1739 Gio. Batta Cocolo, cameraro Fraterna del SS.mo Sacram. di Remanzaco (ASU CRS 404/1); 1747, ai 27 di Mai Stefano q. Pietro Coccolo di Feletto si accusa di bestemmie ereticali (S. Uff. 898); 1768 Franc. Coccolo in Vicinia di Bagnarola (ASU Bertoli 31.2); 1792 Antonio Cocolo della Fraterna S. Valent. di S. Vito (ASU CRS 454/4); 1794 Valentino di Antonio Zanin e di Elisabetta Cocolo q. Valent. q. Franc. da S. Vidotto sposa Lucia di Domenico Cocolo pure da S. Vidotto (Filze); 1816 Antonio Cocolo nato nel 1776 in Bando Prov. del Friuli, domic. in Alvisopoli, figlio di Osvaldo da Straccis, sposa Maddalena Ponì da S. Paolo (A.P. San Pauli); 1816 Vicenza Cocolo di Pietr’Antonio, nata nel 1796 a Feletto, possidente, sposa Angelo Feruglio q. Bernardino, possidente da Feletto (A.P. Udin Padier).
torne sù