Tu âs cirût la peraule
bilengâl monolengâl
Tu âs cirût la peraule
colpire
torne indaûr

bilengâl

colpire v.tr.
  • 1

    v.tr. rivâ, dâ, bati, colpî Copie

    [FO] (bati, dant colps)
    l'assassino ha colpito più volte la vittima con un bastone = il sassin al à batût plui voltis la vitime cuntun baston

    v.tr. cjapâ, trai, colpî, dâi dentri Copie

    (rivâ a un bersai traìnt)
    ha colpito il centro = al à cjapât il centri

    v.tr. dâ, petâ, trai, colpî Copie

    (ass.)
    colpire dove capita = dâ li che al capite

    v.tr. cjapâ, colpî Copie

    (cun armis di fûc o tecnologjichis)
    la contraerea è stata colpita da un missile = la contraerie e je stade cjapade di un missil

    v.tr. rivâ, bati, petâ, colpî Copie

    (sbati cence savê)
    camminando ha colpito il palo con la testa = cjaminant al à batût il cjâf cuintri il pâl
  • 2

    v.tr. straneâ, colpî, fâ câs Copie

    [FO] (impressionâ, maraveâ)
    mi ha colpito tutta quella povertà = mi à fat câs dute chê puaretât
  • 3

    v.tr. cjapâ, colpî, ferî, dâ jù Copie

    [FO] (fâ dams)
    il terremoto del '76 ha colpito il Friuli = il taramot dal '76 al à cjapât il Friûl
    lo hanno colpito negli affetti = lu àn ferît tai afiets

    v.tr. tocjâ, cjapâ, colpî Copie

    (di une tasse o une leç)
    la tassa ha colpito i redditi più alti = la tasse e à cjapât i redits plui alts

locuzions

    colpire al cuore
  • colpî tal cûr, colpî al cûr, stocâ, cjapâ tal cûr, cjapâ al cûrCopie
    [CO] (meti in crisi la fonde stesse di une organizazion, di une struture)
    lo hanno colpito al cuore del suo impero finanziario = lu àn cjapât tal cûr dal so imperi finanziari lo hanno colpito al cuore le sue parole = lu àn stocât lis sôs peraulis un attentato ha colpito al cuore lo stato = un atentât al à colpît al cûr il stât
    • colpire alla schiena
  • cjapâ di cuintribant, cjapâ ae scheneCopie
    [CO] (colpî a tradiment)
    lo hanno colpito alla schiena, quando meno se l'aspettava = lu àn cjapât di cuintribant, cuant che mancul sal spietave
    • colpire d'infilata
  • colpî di infilade, trai di infiladeCopie
    [TS] milit. (colpî un obietîf di front, par cjapâlu in dute la sô estension)
    • colpire nel segno
  • dâi dentri, cjapâ just, trai dretCopie
    [CO] (induvinâ, imbrucjâ)
  • rivâ a bonCopie
    (otignî il risultât volût)
    • colpire nel vivo
  • [CO] (cjale pungere nel, sul vivo)

monolengâl

rivâ v.intr.
(ri-vâ)
Movisi fin a jessi intun lûc a la fin di un percors, di un viaç
sinonims
jonzi
esemplis
"e sarès stade lungje la talpinade, tant che al rivà a cjase scanât"
gjavât fûr di "Un piçul particolâr" di Fabian Ros
"iI tren al rivà te stazion cuntun intart di uns dîs minûts"
gjavât fûr di "In viaç di domenie" di Agnul di Spere
"Luziute e il so om a saressin rivâts cu la coriere des sîs e mieze"
gjavât fûr di "Il muc" di Roberto Ongaro
Viôt ancje: arivâ
rivâ v.intr.
(ri-vâ)
Jessi a un ciert pont o nivel tant che risultât di une dinamiche, di une dade di timp, di un sfuarç, di une prove, di une ativitât e v.i. (fig.)
sinonims
jonzi, lâ
esemplis
"Catine, a pene che e rivà insom a di chês riis, e sintì un asei intal cûr"
gjavât fûr di "Trê feminis" di Gianni Gregoricchio
"Mirco al jere rivât al ultin an di scuele"
gjavât fûr di "Par stradis lungjis" di Alan Brusini
rivâ v.intr.
(ri-vâ)
Cu la prep. "a" e un infinît, vê une capacitât o un risultât
sinonims
cjatâ il dret, jessi bon, rivâ adore
esemplis
"al pensà che ce che nol jere rivât a fâ in chel martars al varès podût fâlu la joibe dopo"
gjavât fûr di "Rosaris" di Meni Ucel
"la muse ridinte e veve mudât a colp di espression e no jere rivade a finî il discors"
gjavât fûr di "Aiar di cjase" di Franca Mainardis
"Antoni Cossâr cul todesc nol jere mai rivât a lâ plui innà di un tant"
gjavât fûr di "L'avignî di Antoni Cossâr" di Agnul di Spere
rivâ v.intr.
(ri-vâ)
Capitâ dilunc dal timp o par câs o par causis che no son sot dal control de persone
sinonims
vignî, capitâ, sucedi
esemplis
"e jere rivade la ore di lâ"
gjavât fûr di "Trê feminis" di Gianni Gregoricchio
"il frêt al rive di sere co al ven jù de mont e al plombe sul paîs, il frêt che culì al è il vêr paron"
gjavât fûr di "I forescj" di Alan Brusini, Gian Paolo Linda
"la muart a rivava, nera jê, tremenda che a lu scjafoava e a lu riduseva tun guluç di poura"
gjavât fûr di "Barba Fodo e la muart" di Novella Cantarutti
"al rivà il cjalt, e cun chel e cu la ploie la campagne e deventà in pôc timp un splendôr"
gjavât fûr di "Prime di sere" di Carlo Sgorlon
rivâ v.intr.
(ri-vâ)
Vê un contat, une comunicazion, une influence e v.i. intune cierte sede, cuntun ciert personaç, a di un ciert nivel
esemplis
"Baracêt al è disponibil a fâ in mût che e rivi a Rome ogni nestre manifestazion pe tutele des minorancis, a procurânus audizions, a realizâ pressions"
gjavât fûr di "Memoriis di politiche linguistiche" di Adrian Cescje
rivâ v.intr.
(ri-vâ)
Otignî une posizions economiche, sociâl, professionâl e v.i. (ancje ass.)
sinonims
fâ strade, imponisi, lâ lontan, rivâ lontan
esemplis
"Begot al rivà president cuant che la Cod e veve inviadis lis voris par un dissen di leç regjonâl pal insegnament de lenghe furlane"
gjavât fûr di "Memoriis di politiche linguistiche" di Adrian Cescje
"«Rivâ a ducj i coscj» al diseve, «eco la politiche di vuê»"
gjavât fûr di "Par stradis lungjis" di Alan Brusini
rivâ v.intr.
(ri-vâ)
Jessi suficient par alc o par cdn.
esemplis
"foncs no 'nd' è tancj, [...] no rivin par ducj"
gjavât fûr di "Amîs come prime" di Alan Brusini
rivâ v.intr.
(ri-vâ)
Vivi fin a un ciert moment, vê une cierte etât
sinonims
resisti, tignî dûr, vivi
esemplis
"o jeri rivât ancje a dîs agns e, a chê etât, in chê volte, bisugnave scomençâ «a movi il poleâr, a viodi di ce bande che e ven», a disevin"
gjavât fûr di "A scuele" di Pieri Menis
"Zili Mus, che i mancjavin pôcs mês par rivâ ai cent, si lagnave di sintîsi vecjo"
gjavât fûr di "Amîs come prime" di Alan Brusini
rivâ v.tr.
(ri-vâ)
Tocjâ alc o un ciert puest, movisi fin a jessi a ret di alc o a pâr di cdn.
sinonims
jonzi
esemplis
"ll prin scjalin al jere un veri [dut glaçât] e ancje il secont al jere un veri, e Meni ju fasè planchin, tignintsi tal pilastri. Ma dopo no 'nd jere plui scjalins, e al jere dut un veri intor, e Meni il pilastri no lu rivà plui. Al colà tun svol"
gjavât fûr di "Meni Elar" di Riedo Pup
"al torna indavour, al rebalta il jet, al sburinea li govali, al palpa il mûr par rivâ il cuadri da la Madona"
gjavât fûr di "I cjans di not" di Novella Cantarutti
detulis
"a pas a pas si rive a Rome"
"altri al è cori, altri al è rivà"
"baste che si rivi, ogni strade e je buine"
"bisugne lâ adasi planc par rivâ prest"
"bisugne lâ planc par rivâ prest"
"bramazion di mus no rive in cîl"
"ce zovial volê là che no si rive?"
"cuant che e rive la fuarce, la justizie si slontane"
"cuant che no si rive a dî: "glorie di Diu!" al è finît dut"
"cui che al è mâl instradât, mâl al rivarà"
"cui che al rive prin tal mulin al masane"
"cui che al sta indaûr no i rivin i claps ma i rive l'odôr"
"cui che nol ten cont dal centesim nol rive a fâ il solt"
"cuntune man sole no si rive nancje a bati lis mans"
"Diu al rive pardut"
"dulà che il diaul nol po rivâ al met la code"
"dulà che nol rive il len nol rive il fros"
"il Signôr al à la scorie lungje e al rive pardut"
"il Signôr al rive di lontan"
"l'arbul si sglove prin di rivâ al cîl"
"la mê scjale no rive ai tiei barcons"
"la supierbie e partìs in caroce e e rive a pît"
"la tô scjale no rive ai miei barcons"
"miôr rivâ un cuart di ore daspò e lâ sigûrs"
"misdì di vile o che al passe o che nol rive"
"nol conte jevâ adore, baste rivâ su la ore"
"par rivâ a ciertis altecis o bisugne fâsi cais o ben jessi acuilis"
"prin di Nadâl il frêt nol è rivât, daspò Nadâl il frêt al è passât"
"se si à salût si rive a scombati"
"se si file mai tant che al rivi dal nâs a la bocje, e je une glagn che no torne su la rocje"
"si sa dulà che si è ma no dulà che si larà a rivâ"
"si sa dulà che si è, ma no dulà che si rive"
"un pas daûr chel altri si rive a Rome"
"vôs di mus no rive in cîl"
torne sù
torne sù