Hai cercato la parola
bilingue monolingue
Hai cercato la parola
compiaciuto
Torna indietro

bilingue

compiaciuto ,
  • 2

    adi. apaiât, content, sodisfat Copia

    [CO] (che al sint contentece, sodisfazion)
    dopo la vittoria l'allenatore era molto compiaciuto = daspò de vitorie l'alenadôr al jere une vore content

monolingue

content adi., s.m.
(con-tent)
Che, cui che al è di bon umôr, che al sint ligrie, sodisfazion
sinonimi
apaiât, beât, feliç, gaiôs, gloriôs, legri
esempi
"par me e je stade une aventure gnove e o soi content di vêle fate"
da "Un Friûl difarent: i 90 mhz di Onde Furlane" di Max Mauro
"al someave dut content, dibot par fevelâ al vosave, e cjalant ducj al diseve che lis robis a jerin ladis benon"
da "In viaç di domenie" di Agnul di Spere
"a àn scugnût cuinçâ un past di lidric par passisi, ma dut ur pareve bon parcè che a jerin tant contents"
da "La fie e la fiastre" di Andreina Nicoloso Ciceri
"noaltris, Furlans, no sin contents di jessi lassâts simpri i ultins, no sin contents des limuesinis dadis a gotis par interessament di cualchi parlamentâr"
da "No sin contents!" di Josef Marchet
Vedi anche: cuntint
content adi., s.m.
(con-tent)
Che, cui che al à la anime in pâs, che nol è in pinsîr
sinonimi
cuiet, trancuîl, pacjific
esempi
"Tunine lu judave, contente dome cuant che il siôr Plevan i veve dit che chês a jerin robis che il Signôr al permet"
da "Il Bide di Miot" di Maria Forte
content s.m.
(con-tent)
Sensazion o situazion di pâs, serenitât, sodisfazion
esempi
"il pinsîr dai fîs che a vevin di tornâ al front al tacà di gnûf a inturbiâ chel content"
da "Cjase di Dalban" di Maria Forte
"Rosute e zighe batint lis mans di content"
da "La aghe da pît la cleve" di Dino Virgili
proverbi
"al vâl plui il cûr content che no dut l'aur di chest mont"
"al vâl plui il cûr content che no pan di forment"
"cjale chei piês di te e tu sarâs content"
"content Diu, ancje la Madone e je contente"
"content jo, content dut il mont"
"cuant che si è contents, si mûr"
"il puar content al è avonde ric"
"il puar content al è siôr avonde"
"il Signôr nol vûl mai nissun di content"
"la cjase dai contents al è un pieç che e je sdrumade"
"la cjase dai contents e je ancjemò di fâ, e no cjatin claps di fabricâ"
"la cjase dai contents e je ancjemò di fabricâ"
"la cjase dai contents e je di fabricâ e nissun no le rive adore di fâ"
"la cjase dai contents e je lade jù par la aghe"
"la cjase dai contents no je stade mai cuvierte"
"la vite e je il content dai fortunâts, il malcontent dai disperâts"
"la vite e je il content dai fortunâts, il torment dai disgraciâts"
"no si à content cence cualchi torment"
"sta cun Diu che la Madone e je contente"
"tancj a son i corvats blancs e tancj i çus contents"
Torna in Cima
Torna in Cima