Hai cercato la parola
bilingue monolingue
Hai cercato la parola
comprare
Torna indietro

bilingue

comprare
  • 1

    v.tr. comprâ, cuistâ Copia

    [FO] (cjoli alc cui bêçs)
    comprare a buon prezzo = comprâ a bon presit
    comprare a scatola chiusa = comprâ cu la cjavece
    comprare alla cieca = comprâ la gjate tal sac
    comprare la carne dal macellaio = comprâ la cjar dal becjâr
    comprare un cappotto = comprâ un capot

    v.tr. comprâ, cuistâ Copia

    (cul pron. datîf)
    non mi hai comprato niente? = no mi âstu comprât nuie?

    v.tr. comprâ Copia

    (cjoli un zuiadôr intune scuadre)
    l'Udinese aveva comprato Zico = l'Udin al veve comprât Zico
  • 2a

    v.tr. comprâ Copia

    [FO] (cjolisi alc cui bêçs, favôrs e v.i., in maniere ilegâl)
    comprare la laurea = comprâ la lauree
    comprare la patente = comprâ la patente
  • 2b

    v.tr. comprâ Copia

    [FO] (corompi)
    comprare un assessore = comprâ un assessôr
    comprare un giudice di gara = comprâ un judiç di gare

monolingue

comprâ v.tr.
(com-prâ)
Deventâ paron di une robe, di une bestie, di une persone e v.i. paiant
sinonimi
cjoli, cjapâ, cuistâ
esempi
"e jere stade li dal scaletîr a comprâ la fuiace"
da "Lis predicjis dal muini" di Josef Marchet
"cuant che il consumadôr, prin di comprâ, al vûl savê se la lavorazion e la produzion dal prodot a dipendin di une cundizion di sfrutament, magari ancje di fruts, o ben se a ruvinin l'ambient o ancjemò dongje se no rispietin criteris di ecuitât"
da "Guide par un consum just e solidâl" di Buteghe dal Mont, Luche Nazzi
"in plui dai siei afârs di vendi e di comprâ, al faseve il sensâr di cjamps, di cjasis e di boscs"
da "Par stradis lungjis" di Alan Brusini
"pan, cevole, e un toc di cjar di agnel. Robe che, aromai si comprave di scuindon a un presit improibît, parcè che al jere plui che impussibil cjatâle sul marcjât"
da "Cjase di Dalban" di Maria Forte
"al veve simpri i bregons scjars che i lassavin scjampâ la panze, e cualchidun i diseve ridint «Checo, o vendi cûl o comprâ tele»"
da "Il tei" di Maria Forte
"a comprâle gnove [la moto] i varessin coventâts almancul 400 mil francs, ma lui le veve cumbinade ben"
da "Il svol dal Falcone" di Antescûr
"di vuê in doman, al à vendût la vile cun dute la tignude su la Çavatine e comprât di lâ a stâ a Gnespolêt"
da "I spirts" di Ivano Urli
"se a vendevin une vacje buine e cence difiets a davin cheste garanzie: "vacje di galantom". Nuie altri. E chel che le comprave al jere sigûr de bestie"
da "I furlans e la leç" di Riedo Pup
"ce ise, un nemâl nestre fie che si puedi vendi e comprâ!"
da "Come tai romançs" di Alan Brusini
Vedi anche: crompâ, comperâ
comprâ v.tr.
(com-prâ)
Cjolisi alc cui bêçs, favôrs e v.i., in maniere ilegâl
esempi
"comprâ la patente"
"comprâ la lauree"
comprâ v.tr.
(com-prâ)
Corompi
sinonimi
corompi, paiâ
esempi
"comprâ un assessôr"
"comprâ un judiç"
"prin si bute jù par podê sfracaiâ sul nassi; po si cîr di comprâ i aversaris e di impiâ il fûc fra di lôr; e tal ultin, se a tegnin dûr, cjapâ sù lis lôr ideis par smamîlis"
da "Cuintristorie dal Friûl dal 1866 fint in dì di vuê" di Francesc Placerean
comprâ v.tr.
(com-prâ)
Rivâ a convinci cun cualchi compens
esempi
"i puars tu ju compris cuntune tace di vin o cuntun bussul di sgnape"
da "Int di masnade" di Alviero Negro
comprâ v.tr.
(com-prâ)
Rivâ a vê alc di astrat, tant che une sensazion, une emozion e v.i., par vie che e cres dentri vie (fig.)
sinonimi
cuistâ
esempi
"une zornade, dut câs, e podeve jessi diferente, e podeve deventâ une glagn di memorie, alc di picjâsi par no pierdi il sens de realtât e par comprâ un fruçon di sperance"
da "Aiar di cjase" di Franca Mainardis
comprâ v.tr.
(com-prâ)
Sintî, scoltâ, vignî a savê (fig.)
esempi
"o disarai robis che lis ai viodudis e che o ai vude part. Alc lu ai savût di altris e lu vent daûr che lu ai comprât, cence ni zontâ ni staronzâ"
da "Pre Pitin" di Antoni Beline
comprâ v.tr.
(com-prâ)
Ancje ass., vê un frut (fig.)
proverbi
"a chel pês che si compre, bisugne vendi"
"a vendi fen si compre miserie"
"a vendi ledan si compre miserie"
"a vendi ôcs si compre miserie"
"ce i zovie la robe al ignorant co nol po comprâ il savê?"
"cjar in mostre no si compre mai"
"cuant che la ciale e cjante di Setembar, cui che al compre blave al sta mâl a tornâle a vendi"
"cui bêçs dut no si compre"
"cui che al à voie di mateâ che al compri un orloi o che si ledi a maridâ"
"cui che al compre al à bisugne di cent voi, cui che al vent i 'nd baste un"
"cui che al compre cence podê al vent cence volê"
"cui che al dispresee al compre"
"cui che al stime al compre"
"cui che al stime nol compre"
"cui che al vent fen al compre miserie"
"cui che ben al compre ben al vent"
"cui che nol sa comprâ che al compri zovin"
"cul biel fâ, si po comprâ"
"il mês di Març i comprà la pelice a sô mari"
"il mont al è mieç di vendi e mieç di comprâ"
"il vuadagn al sta tal comprâ ben"
"la robe si le vent là che no 'nd è e si le compre là che si cjatile"
"no si compre la gjate tal sac"
"no stâ vendi co ducj a vendin, no stâ comprâ co ducj a comprin"
"nol vâl vendi il cjôt par comprâ il purcit"
"par vendi al baste un voli, par comprâ no 'nd bastin cent"
"un contadin che al vent ledan al compre pedoi"
"une robe daspò vendude ducj volarès comprâle"
Torna in Cima
Torna in Cima