Hai cercato la parola
bilingue monolingue
Hai cercato la parola
confermarsi
Torna indietro

bilingue

confermarsi
  • 1

    v.pronom.intr. infuartîsi Copia

    [FO] (convincisi dal dut)
    dopo il discorso si confermò ulteriormente nella sua opinione = daspò il discors si infuartì inmò di plui de sô idee
  • 2

    v.pronom.intr. restâ, confermâsi Copia

    [FO] (par cualitât, braùre e estri, dâ une conferme)
    il campione si conferma anche quest'anno come migliore atleta della competizione = il campion al reste ancje chest an il miôr atlete de competizion

monolingue

restâ v.intr.
(res-tâ)
Fermâsi intun lûc o intune situazion o ativitât e v.i.
sinonimi
fermâsi, intardâsi, stâ
esempi
"jo o soi sul gno e culì o resti, se us comode"
da "Meni Fari" di Luigi Gortani
"jo o resti a viodi dal fûc… Vait, vait, voaltris…"
da "La aghe da pît la cleve" di Dino Virgili
"la matine a jerin restâts tal jet fin tart"
da "In viaç di domenie" di Agnul di Spere
restâ v.intr.
(res-tâ)
Di une notizie, di une vôs, di une confidence e sim., no deventâ publiche, jessi cognossude dome di ciertis personis (fig.)
esempi
"che e resti culì fra di nô: se a fossin oms scjampâts par no lâ in vuere, a àn fat benon a platâsi"
da "La cjase di Toni" di Tarcisio Venuti
restâ v.intr.
(res-tâ)
Jessi ancjemò, lâ indevant tal timp, spec. rispiet a alc altri che nol è plui
sinonimi
condurâ, durâ, resisti, vanzâ
esempi
"daûr lis staipis di soreâl a jerin restâts stroputs di nêf che il soreli nol jere rivât a disfâ"
da "Prime di sere" di Carlo Sgorlon
"se di gnot o vais su chei cuatri mûrs che a son restâts dal vecjo cjistiel, o sintîs a sdrondenâ chê cjadene sot tiere"
da "Lis leiendis di Buie" di Pieri Menis
restâ v.intr.
(res-tâ)
Jessi di fâ, tant che pussibilitât, oportunitât o necessitât
esempi
"ce restavial di fâ cumò? Cjapâsi sù e tornâ a cjase a pît"
da "Par stradis lungjis" di Alan Brusini
"ai umign par chê anade no i restave che cjapâ sù il sac e là pal mont"
da "La bissebove" di Pieri Somede dai Marcs
"e cun cheste… mi reste di visâus che doman o varìn messe e jespui cul solit orari"
da "Lis predicjis dal muini" di Josef Marchet
restâ v.intr.
(res-tâ)
Jessi ancjemò vîf
sinonimi
vivi
esempi
"muarts pari e mari, muarts i fradis, al jere restât dome un nevôt"
da "Une butule verde" di Pieri Somede dai Marcs
restâ v.intr.
(res-tâ)
Lâ indevant a jessi intune cierte posizion, cundizion, situazion e v.i., spec. cuntun complement predicatîf
sinonimi
stâ
esempi
"o resti convint che la lenghe e la identitât furlane a sedin un element fondamentâl pe autonomie dal nestri teritori"
da "Autonomie e politiche linguistiche pal furlan" di Sandri Carrozzo
"cuâl cûr di femine par dûr che al sei puedial restâ indiferent ae vôs di une frutine che e vai e e clame sô mari?"
da "Timp di infier" di Pieri Somede dai Marcs
restâ v.intr.
(res-tâ)
Jentrâ intune cierte posizion, cundizion, situazion e v.i., par vie di une cause
esempi
"il fantat al jere restât incocalît di chê sorte di polegane"
da "Il muc" di Roberto Ongaro
"a vot mês o soi restade vuarfine di pari, muart a vincjetrê agns"
da "Faliscjis" di Cristina Noacco
restâ v.intr.
(res-tâ)
Jessi in cunvigne, vê un acuardi
sinonimi
acuardâsi, conciertâsi, convignî, justâsi, patuî, metisi dacuardi
esempi
"cemût restìno par doman? Si viodìno a matine o dopomisdì?"
restâ v.intr.
(res-tâ)
Jessi ancjemò, rispiet a alc che si à za dit, considerât, fat, vendût, mangjât e v.i.
sinonimi
mancjâ, vanzâ
esempi
"Dreute al scugnì vendi chel tic che i restave par comprâsi un biliet pal Venezuela"
da "Alpin jo mame!" di Alan Brusini
"tancj cjamps a jerin stâts vendûts vie pai agns, ma a jerin restâts, di istès i prâts vierts dal Lavio pal fen di une vacje e lis vîts gropolosis dal Costeon, e ancje i cjamps dal Abìs e dal Nasoç"
da "Cjase di Dalban" di Maria Forte
restâ v.intr.
(res-tâ)
Jessi cjapât di maravee, delusion o sim.
esempi
"Nadalin al va jù pe braide [...] E al cjate il copari Min che al lave di une cumiere in chê altre a robâi panolis, cul sac. Lu spiete sul cjaveç, da pît, e i dîs: «Orpo, copari, o resti…»"
da "Mangjativis" di Meni Ucel
"chei fantats a jerin restâts, a viodi chê gjenerositât"
da "Faliscjis" di Cristina Noacco
restâ v.intr.
(res-tâ)
Tocjâ, lâ in proprietât o in competence, spec. di alc che al ven lassât
sinonimi
lâ, vignî
esempi
"sô pari i veve lassât une cjase, une vacje e cuatri cjamputs che a jerin restâts ducj a lui parcè che i siei fradis a jerin muarts di spagnole in timp dai mucs"
da "Nadâl" di Pieri Somede dai Marcs
"ancje siore Lise e pensave ae robe che e sarès restade ai siei fîs"
da "Cjase di Dalban" di Maria Forte
restâ v.intr.
(res-tâ)
Jessi situât, vê une cierte posizion rispiet a un percors o a cdn. o a alc
sinonimi
jessi, stâ
esempi
"[Bastian al leve indevant cul cjar] Sant Denêl al restà a man çampe"
da "L'avôt" di Maria Forte
"cjalant de bande dal mâr, lis vignis di Rivesaltes ti restin daûr de spale çampe"
da "Il puint de ledre" di Agnul di Spere
restâ v.intr.
(res-tâ)
Jessi a durmî o a vivi
esempi
"a cjase nol podeve restâ, che a pene che i fassiscj o i todesc a vessin savût che al jere tornât [...] a saressin vignûts dal moment a cjolilu"
da "Il muc" di Roberto Ongaro
restâ v.intr.
(res-tâ)
Pierdi la vite
sinonimi
murî, restâ sec
esempi
"gno cusin Rolando al tornà ad ôr cul sanc che i spissulave dal cjâf (robis di restâ alì)"
da "Tal Cuar" di Pieri Menis
proverbi
"a fâi ben al om ingrât, si reste bec e bastonât"
"a litigâ, un al reste in cjamese e chel altri biel nût"
"a messedâsi tal cjarbon, si reste cjarbonâts"
"a son i merlots che a restin neris, di cuant che a nassin fin cuant che a muerin"
"a tratâ cui gjats si reste sgrifignâts"
"a volê gjavâ i clauts cui dincj si reste sdenteâts"
"aghe peste, aghe e reste"
"al è muart il paron: aial di restâ il famei?"
"bisugne mangjâ tant vuê che ind' resti ancje par doman"
"che e ledi la plume pûr che al resti l'uciel"
"cjastie la cjice par che il cjan al resti a cjase"
"cui che al gaspare al reste gasparât"
"cui che al mincjone al reste mincjonât"
"cui che al reste daûr che al sieri la puarte"
"cui che al rît al reste ridût"
"cui che al va dongje dai mulinârs al reste infarinât"
"cui che i fâs ben al om ingrât al reste bec e bastonât"
"cui che le vuadagne al reste in cjamese, cui che le piert al reste nût"
"cui che pal trop al piert il pôc al reste cuntun pugn di moscjis"
"cui che si distire plui infûr de plete al reste cui pîts distaponâts"
"cui che si ustine cul mangjâ al reste bausâr"
"cul messedâ l'ont a restin lis mans onzudis"
"di une cjase brusade a restin almancul i clauts e la cinise"
"dulà che al è stât il fûc al reste odôr di brusadiç"
"dulà che al è stât il fûc e reste la cinise"
"dulà che si stravuelç il mus al reste il pêl"
"dulà che si tombole il mus al reste il pêl"
"e va tant la sele al poç, fin che e reste dentri"
"la falsetât e à il tabâr curt, par tant che e ciri di taponâsi, i reste simpri cualchi part scuvierte"
"la peraule e svole, la cjarte e reste"
"mâl par cui che al va, piês par cui che al reste"
"ni par bondance ni par cjaristie no reste la cjar in becjarie che il cjan o il gjat le puartin vie"
"plui ind mûr e mancul ind reste"
"se il draç nol ten aghe, al reste bagnât"
"tant al va il cjaldîr tal poç che infin al reste"
Torna in Cima
Torna in Cima