Hai cercato la parola
bilingue monolingue
Hai cercato la parola
conteggio
Torna indietro

bilingue

conteggio
  • 1

    s.m. cont, calcul Copia

    [CO] (il contâ)
    dobbiamo fare il conteggio dei punti = o vin di fâ il cont dai ponts
  • 2

    s.m. conte Copia

    [TS] (intal pugjilât e inte lote, il contâ i seconts regolamentârs che a coventin par declarâ la sconfite di un pugjil o di un lotadôr che al è par tiere)
    ha subito per due volte il conteggio = al à vût par dôs voltis la conte oppure al è stât contât dôs voltis

locuzioni

monolingue

conte s.f.
(con-te)
Spec. tai zûcs dai fruts, cont par stabilî cui che i tocje di stâ sot, di fâ alc, di lâ di une cierte bande e v.i.
esempi
"i fruts a àn fate la conte par fâ lis dôs scuadris"
"Il Cocul al diseve di seisi salvât te conte [pe decimazion] par un numar e al zontave che, adets ae cure, a jerin i carabinîrs «cuntun cjapielon sul cjâf e une palandrane intor che a someavin muiniis di ospedâl»"
da "Come tai romançs" di Alan Brusini
conte s.f.
(con-te)
[TS] (sport) Intal pugjilât e inte lote, il contâ i seconts regolamentârs che a coventin par declarâ la sconfite di un pugjil o di un lotadôr che al è par tiere
sinonimi
cont dai seconts, conte dai seconts
conte s.f.
(con-te)
Il vierzi e l'esaminâ, di bande di cui che al è president di un seç eletorâl, des schedis compiladis e depositadis dai partecipants a une votazion par stabilî, midiant di un scrutini, i risultâts
esempi
"a son siglis che a rapresentin dome une o dôs personis e a puartin ae sintesi la corse eletorâl dome par chês personis. Partîts personaliscj. Ae conte dai vôts chestis robis a burissin fûr"
da "Interviste a Federico Simeoni" di Oscar Puntel
conte s.f.
(con-te)
Descrizion ordenade di alc che si disglagne in maniere plui o mancul complesse
esempi
"la depression si scuvierç scoltant lis esperiencis riferidis dal pazient e lis contis di parincj o di amîs sui cambiaments tal compuartament"
da "Jù di cuarde. Ce fâ" di Guglielmo Pitzalis
conte s.f.
(con-te)
Cualsisei narazion popolâr
sinonimi
storie, liende
esempi
"«Une anime di pene che e spiete di jessi diliberade!» Al pensà Nardin, visantsi des contis de none, cuntun sgrisul"
da "La fogolade dal bosc" di Josef Cjargnel
"l'ultin [salvan] si dîs che lu vedin copât tai boscs dongje di Lauc, ma altris contis a disin che ator a 'nd è ancjemò, ancje se a stan platâts e al è dificil viodiju"
da "Friûl di Magance" di Sandri Carrozzo
"uì drenti [te farie] jo i posti il Signour, dome che a mi vegni tal cjâf la conta dal «Mestri sora ducj i mestris»; i jôt sant Pieri sul incugn e Crist che al lu fai deventâ fantat cun doi colps di marcjel"
da "Cocali" di Novella Cantarutti
conte s.f.
(con-te)
Narazion di fats vêrs o inventâts, cun intindiment leterari
esempi
""Mandi, Catia. Ce leistu di biel?" Jê mi mostre il libri. A jerin lis contis di Joyce"
da "I forescj" di Alan Brusini, Gian Paolo Linda
" i sarès plasût di lei contis e romançs. Ricardo di sigûr a 'nt veve, e jai varès imprestâts vulintîr"
da "Prime di sere" di Carlo Sgorlon
proverbi
"conte i tiei botons e po tu contarâs i miei"
"se tu vûs fâ savê une robe, contile in segret"
"se tu vûs sparniçâ une robe, contile in segret"
Torna in Cima
Torna in Cima