Hai cercato la parola
bilingue monolingue
Hai cercato la parola
correre
Torna indietro

bilingue

correre ,
  • 1a

    v.intr. cori Copia

    (cjaminâ svelt)
    corri, altrimenti prendiamo la pioggia = cor, se no o cjapìn la ploie

    v.intr. lâ, cori, lâ di corse Copia

    [FO] (lâ indenant svelts)
    correre come il vento = cori oppure lâ tant che l'aiar
    correre come una lepre = cori tant che il jeur
    correre verso casa = lâ di corse a cjase
    ho visto una volpe attraversare il campo correndo = o ai viodût une bolp traviersâ il cjamp corint oppure di corse
    i bambini corrono nel prato = i fruts a corin intal prât

    v.intr. cori Copia

    (movisi di corse cuntun veicul)
    quando guidi corri troppo = cuant che tu vâs in machine tu coris masse

    v.intr. cori Copia

    (velizâ a une velocitât avonde alte)
    correre al largo = cori al larc
    correre col vento in poppa = cori a vele

    v.intr. cori Copia

    (di un veicul, lâ di sburide)
    la metropolitana corre sotto terra = la metropolitane e cor sot tiere
    la moto correva troppo = la moto e coreve masse
  • 1b

    v.intr. cori, spesseâ Copia

    [FO] (fâ alc di corse)
    corri troppo quando parli = tu coris oppure tu spesseis masse cuant che tu fevelis

    v.intr. cori, spesseâ Copia

    (fâ alc cun grande ecitazion, dâsi lis mans ator)
    correre avanti e indietro = cori indenant e indaûr oppure balinâ
    corri a chiamare il medico = spessee a clamâ il miedi
    ho dovuto correre per riuscire a fare tutto = o ai scugnût spesseâ par rivâ adore a fâ dut
  • 1c

    v.intr. cori Copia

    [FO] (partecipâ a une corse sportive)
    un motociclista che corre per la Ducati = un motociclist che al cor pe Ducati
  • 1d

    v.intr. cori, lâ di corse Copia

    [FO] (lâ svelt viers di alc o cdn.)
    i pompieri corrono a spegnere l'incendio = i pompîrs a corin a distudâ il fûc

    v.intr. cori, lâ di corse Copia

    (lâ svelt par vie di un fuart interès)
    correre al concerto = lâ di corse al conciert
    correre dalla fidanzata = cori là de morose

    v.intr. lâ, cori Copia

    (lâ incuintri a une cierte conclusion)
    correre incontro alla morte = cori incuintri a la muart
    correre verso il progresso = lâ incuintri al progrès

    v.intr. cori Copia

    (rivâ in fin dai fats masse di corse)
    aspetta le prove, non correre troppo = spiete lis provis, no stâ a cori masse
  • 1e

    v.intr. cori Copia

    [FO] (dite di une sensazion, par solit pôc biele)
    un tremore le corse lungo tutto il corpo = un sgrisul i corè par dut il cuarp

    v.intr. lâ, cori Copia

    [CO] (lâ di corse cul pinsîr a alc)
    correre con la memoria agli anni della gioventù = cori cu la memorie ai agns de zoventût
    il pensiero corre agli amici lontani = il pinsîr al va ai amîs lontans

    v.intr. cori Copia

    [CO] (dal cjalâ, indreçâsi di une cierte bande)
    lo sguardo corre lontano = i voi a corin lontan oppure a van lontan
  • 2a

    v.intr. lâ, cori Copia

    (di un teritori, di un sît, di un paîs, slungjâsi, slargjâsi)
    la catena montuosa corre da est a ovest = la cjadene di monts e cor oppure e va di soreli jevât a soreli bonât

    v.intr. lâ, cori Copia

    (di une strade o di une costruzion che si disvilupe par un bon toc)
    il ponte corre da una riva all'altra del fiume = il puint al va di une spuinde a chê altre dal flum
    il sentiero corre nel bosco = il troi al cor intal bosc

    v.intr. cori, scori Copia

    [CO] (vê un moviment lineâr)
    il fiume corre verso la pianura = il flum al cor bande dal plan
    il sangue corre nelle arterie e nelle vene = il sanc al cor intes arteriis e intes venis
    sul viso le correvano le lacrime = su la muse i corevin lis lagrimis
  • 2b

    v.intr. cori Copia

    [CO] (di un discors, che si lu sint, si lu lei ben, naturâl)
    questi versi corrono bene = chescj viers a corin ben
    una prosa che corre = une prose che e cor
  • 3a

    v.intr. cori, passâ, svolâ Copia

    [CO] (dal timp, passâ di corse)
    come corre il tempo! = ce che al svole il timp!
    fra le prove scritte e quelle orali sono corse due settimane = tra i scrits e i orâi a son passadis dôs setemanis

    v.intr. cori, jessi Copia

    (jessi in at)
    con i tempi che corrono sarebbe meglio non viaggiare in certi paesi = cui timps che a corin al sarès miôr no lâ ator in cierts paîs
  • 3b

    v.intr. cori, tacâ sot Copia

    [CO] (scomençâ a vê efiet)
    gli interessi corrono da oggi = i interès a corin di vuê
  • 4a

    v.intr. cori Copia

    [CO] (lâ ator, slargjâsi di opinions, di judizis e v.i.)
    la notizia dello scandalo corse rapidamente sulla bocca di tutti = la gnove dal scandul e corè svelte su la bocje di ducj

    v.intr. cori Copia

    (slargjâsi di corse)
    i pettegolezzi corrono = i peteçs a corin
    le nuove idee corrono rapidamente = lis gnovis ideis a corin sveltis

    v.intr.

    (jessi dit)
    corre che sia partito = al pâr oppure si dîs che al sedi partît
  • 4b

    v.intr. lâ di mode Copia

    [CO] (lâ di mode)
    corre l'uso = al va di mode
    corre la moda della minigonna = e va di mode la cotule curte
  • 5

    v.intr. jessi Copia

    [CO] (jessi)
    tra cani e gatti non corre buon sangue = fra cjans e gjats no je amistât
    tra le due cose corre una bella differenza = fra lis dôs robis e je une biele diference
    tra loro due non corre una grande amicizia = fra lôr doi no je grande amistât

    v.intr. jessi Copia

    (jessi a une cierte distance)
    da qui alla fermata dell'autobus corrono non più di cento metri = di ca a la fermade dal autobus no son plui di cent metris
  • 6

    v.intr. sucedi Copia

    [CO] (sucedi, tocjâ)
    corrono cose incredibili = a sucedin robis di no crodi

    v.intr.

    (in espressions che a vuelin dî sintîsi obleât)
    ci corre l'obbligo di occuparcene = o scugnìn viodi
    mi corre l'obbligo di dirtelo = o scuen dîtal
  • 7

    v.tr. cori, fâ Copia

    [CO] (cori un percors intune competizion)
    correre i diecimila metri a tempo di record = cori i dîs mil metris cun timp di record
    correre il giro di Spagna = cori il Zîr di Spagne
    correre la maratona di New York = cori la maratone di New York
  • 8

    v.tr. lâ, cori, riscjâ Copia

    [CO] (frontâ une situazion malsigure)
    correre un pericolo = cori un pericul oppure periculâ
    ha corso il rischio di avvelenarsi = al à riscjât a intosseâsi oppure al è lât a pericul di intosseâsi

    v.tr. cori Copia

    (fâ une esperience aventurose)
    correre un'avventura = cori une aventure

locuzioni

    correre ai rimedi
  • [CO] (vedi correre ai ripari)
    • correre ai ripari
  • stropâ la buse, parâ il colpCopia
    [CO] (cirî di comedâ une brute situazion)
    ora bisogna correre ai ripari = cumò si à di stropâ la buse
    • correre con dieci gambe
  • cori a gjambis puartaitmi, cori a brene vierteCopia
    [CO] (cori une vore svelt)
    • correre dietro
  • lâ daûr, dâ daûr, cori daûrCopia
    [CO] (cirî di vê alc)
    correre dietro al successo = cori daûr oppure dâ daûr oppure lâ daûr dal sucès correre dietro alle nuove idee = lâ daûr aes gnovis ideis
  • lâ daûr, dâ daûr, cori daûrCopia
    [CO] (cirî di cjapâ cdn. o alc)
    il cane corre dietro a una lepre = il cjan al cor daûr di un jeur
  • lâ daûr, dâ daûr, cori daûrCopia
    (cirî i favôrs di cdn.)
    gli corre dietro perché ha il suo tornaconto = i cor daûr parcè che al à il so tornecont
  • lâ daûr, dâ daûr, cori daûrCopia
    (jessi inamorât di cdn.)
    sono due anni che le corre dietro = a son doi agns che i va daûr
  • lâ daûr, dâ daûr, cori daûrCopia
    (cirî simpri gnovis aventuris amorosis)
    correre dietro a tutte le gonne = cori daûr a dutis lis cotulis
    • correre dietro alle farfalle
    correre il mare
  • cori il mârCopia
    [TS] (fâ il pirate)
    • correre il mondo
  • cori pal mont, jessi ator pal montCopia
    [BU], [TS] (viazâ une vore)
  • (deventâ une vore famôs)
    ha corso il mondo cun quello spettacolo = al è deventât famôs cun chel spetacul
    • correre la cavallina
  • stâ sul cjaval dal mat, fâ gjostris, cjavalâCopia
    [CO] (fâ une vite biele e comude)
    corre la cavallina = al sta sul cjaval dal mat oppure al fâs gjostris
    • correre sangue
  • [CO] (intun scuintri, barufe e v.i., jessi muarts o ferîts)
    negli scontri non è corso sangue = tai scuintris no son stâts ni muarts ni ferîts
    • lasciar correre
  • lassâ cori, lassâ pierdi, lassâse passâ, lassâ che la magne e ledi pe campagne, molâ un pont, lassâ jessiCopia
    [CO] (massime ass., fâ fente di no viodi alc di brut o di negatîf)
    bisogna lasciar correre = bisugne lassâ cori oppure lassâ che la magne e ledi pe campagne per questa volta lascio correre = par cheste volte o moli un pont

monolingue

lâ v.intr.
Movisi di un puest a di un altri
esempi
"par lâ a Udin a vevin di passâ pal stret di Remanzâs"
da "Cinc centesims al orcul" di Popolâr
"lait a cjase che culì no vês nuie ce fâ"
da "Un muart su la strade" di Pieri Menis
"e jere une grant turbe di int che, de place, a pît e a cjaval, a levin in Are"
da "Amîs come prime" di Alan Brusini
Vedi anche: zî, alâ
lâ v.intr.
Fâ un moviment cuntune part dal cuarp o cuntun imprest par rivâ a tocjâ alc o sim.
esempi
"lâ cu la man inte sachete par viodi ce che al jere dentri"
da "Faliscjis" di Cristina Noacco
lâ v.intr.
Cun dopo un complement di fin, movisi par cirî o otignî alc
esempi
"mieç paîs al lave a foncs, a cais, e, di Vierte, a grisulon e oregluce"
da "Il sium di Lissandri" di Franca Mainardis
"al distrigave jespui a pene gustât, che dopo al veve di lâ a ûfs di furmie, pai uciei"
da "I furlans e i predis" di Riedo Pup
lâ v.intr.
Riferît al timp o a une dade di timp, procedi, fin a rivâ a une conclusion e a deventâ passât
sinonimi
passâ
esempi
"e ancje chest an al è lât"
"tu viodarâs che nol larà tant timp che si visaran che tu vevis reson"
lâ v.intr.
Rivâ in proprietât o in possès
esempi
"se mê mari e ves vût plui pazience e varès ereditât jê, dopo, la lôr robe e no sarès lade a int stranie, che e puartà dentri un altri non"
da "I arcs" di Maria Forte
lâ v.intr.
Di mecanisims, aparâts e v.i. funzionâ
sinonimi
cjaminâ, la indenant
esempi
"adès [il mecanisim par tirâ sù la aghe dal poç] al va a eletric"
da "Aga par vivi" di Angelo Tesan
"chest sacraboltât di motorin nol va plui"
da "Vocabolario italiano-friulano" di Gotart Mitri
lâ v.intr.
Sucedi, vê un ciert davuelziment (fig.)
esempi
"fevele ben, conte la storie come che e je lade"
da "L'avocat e la luianie" di Pieri Somede dai Marcs
lâ v.intr.
Sei di mode
sinonimi
jessi di mode, lâ di voghe, lâ di mode, usâ
esempi
"chest an a van i colôrs clârs"
lâ v.intr.
Jessi de misure juste (fam.)
sinonimi
jentrâ, stâ
esempi
"o ai cjapât chilos e i bregons no mi van plui"
lâ v.intr.
Tacâ une cariere, une ativitât, un servizi e sim.
esempi
"al veve decidût di lâ soldât volontari"
da "Faliscjis" di Cristina Noacco
"tu podevis lâ predi, se no ti smeche di cori [lavorant su la fornâs]"
da "La scuele dai fornasîrs" di Pieri Menis
lâ v.intr.
Finî par cjatâsi intune cierte cundizion
esempi
"alc di impuartant e di fondamentâl al jere lât pierdût"
da "Ombris tal infinît" di Carlo Sgorlon
lâ v.intr.
Finî par fâ une cierte azion o a produsi un ciert efiet, esprimûts cun "a" e un infinît
esempi
"[lis grandecis di "flus"] che si ingrumin a van a formâ grandecis di “stât” o di fonts, che a puedin jessi misuradis intun particolâr pont de scjale dal timp"
da "Dal Prodot Interni Lort aes misuris dal benstâ" di Marzi Strassolt
"a vignaran cjapadis sù testemoneancis che a laran a componi un documentari"
da "La Caravane e rive in Friûl" di Erika Adami
lâ v.intr.
Viodisi cun cdn., spec. par vê une prestazion, un servizi, un prodot, un consei, un sclariment e v.i.
esempi
"chel dolorut i ruvinave la digjestion e no jere une fantasie. Miôr lâ dal miedi"
da "Amîs come prime" di Alan Brusini
"[par ricognossi i fîs za vûts] baste che ducj i doi, tal at dal matrimoni, o declarais che a son vuestris e cussì no vês bisugne nancje di lâ là dal nodâr"
da "La ultime firme de mê podestarie" di Pieri Somede dai Marcs
lâ v.intr.
Frecuentâ cierte int
sinonimi
lâ ator
esempi
"e je vignude mê mari a compagnâmi fin a Dartigne, e a racomandâmi a chei dal paîs che e stessin atents di me, che no les cun tristis compagniis"
da "Il gno prin pâr di scarpis" di Pieri Menis
lâ v.intr.
Tacâ a vivi intun ciert puest o cun cdn.
sinonimi
lâ a stâ
esempi
"e à scugnût, par stâ a sotet, lâ cuntune sô cusine, plene di fruts, che le à cjolte in cjase tant vulintîr"
da "A jerin lagrimis" di Pieri Somede dai Marcs
lâ v.intr.
Vê une relazion sessuâl
sinonimi
lâ tal jet
esempi
"i plasês dal amôr sai procure lant cun feminis di pôc presit"
da "Friûl e furlans te Histoire de ma vie di Giacomo Casanova" di Pierluigi Visintin
"gno nono al dîs che cumò al è masse un cjapâsi e molâsi, che lis zovinis a van cun ducj e che lis storiis di amôr a valin come une cjiche che dopo un pôc si stude"
da "Sul florî" di AAVV
lâ v.intr.
Jessi, vignî a cjatâsi intun ciert puest, spec. par câs, fâ une cierte fin
sinonimi
imbusâsi, finî, lâ a finî
esempi
"cjo che tu cirivis la tô cjarte di identitât, e jere lade tra lis mês cjartis"
"e il cjantâ di une volte? Dulà isal lât? Dome pal plasê di cjantâ"
da "Cjantâ pe vile" di Laurin Zuan Nardin
lâ v.intr.
Vistîsi intune cierte maniere (fam.)
esempi
"di Trivignan ancje chês: lis cognòs tal vistî. A Trivignan a van dutis a ûs di siore"
da "La plui biele" di Catarine Percude
lâ v.intr.
Finî di vivi, murî (eufem.)
sinonimi
murî
esempi
"Jolande le veve vendude [la cjase] subit dopo che i puars vecjos a jerin lâts"
da "Prime di sere" di Carlo Sgorlon
"oramai i eri una femina svuedada / fasint l’ultim dai pins i lu ai sintût sbegherâ / e po i soi lada"
da "La sô puema" di Giorgio Ferigo
"o ai tante pôre che il rosâr dongje il puarton al sedi lât"
da "Cjase di Dalban" di Maria Forte
lâ v.intr.
Incjocâsi (coloc.)
sinonimi
lâ in bale, partî
esempi
"cul tierç tai al jere za lât"
lâ v.intr.
Jessi preseât
sinonimi
pocâ, smecâ, plasê, fâ plasê
esempi
"Martin al tasè, ma al jere clâr che la robe no i leve masse"
da "Il dolfin" di Carlo Sgorlon
"«Parcè, pupà; no ti vano [i biscots]?», i domandai tal viodilu cussì [pôc persuadût de marcje]. «Par lâmi, mi van», dissal lui; «ma o pensavi che tu mi puartassis une di chês scjatulis come in chê volte...»"
da "Biscots" di Meni Ucel
lâ v.intr.
Jessi cjapât dentri jenfri doi valôrs, doi limits
esempi
"i veve puartade dute la ghiringaie dai fîs e dai nevôts che a levin di un an di vite ai undis"
da "Come tai romançs" di Alan Brusini
lâ v.intr.
Denant di un gjerundi, par segnâ la continuitât, la progressivitât o la ripetitivitât di une azion
sinonimi
jessi daûr, stâ
esempi
"po a van fevelant indenant dal plui e dal mancul, fin che 'Sefon al dispon di lâ a pognisi"
da "Culumie" di Meni Ucel
"[il guvier talian] tra il 1882 e il 1915, cu la diestre al leve rinovant di cinc in cinc agn il pat di amicizie cu la Austrie e cu la Gjermanie"
da "Partide dople" di Josef Marchet
lâ v.intr.
Jessi necessari
sinonimi
coventâ, volê, servî
esempi
"«Ce vino di dâus?» i domandavin. «O savês trop timp che mi è lât. Fasêt voaltris»"
da "Prime di sere" di Carlo Sgorlon
lâ v.intr.
Jessi doprât, spindût e v.i.
sinonimi
lâ vie, finî
esempi
"chei doi lavorents che mi pâr che batin la sflacje a otante, [chel pôc che a rindin] mi va dut in spesis"
da "Vilie di Nadâl" di Pieri Somede dai Marcs
"no si formave capitâl, e il redit al leve dut in consum"
da "Liniis di storie sociâl e economiche dal Friûl 1500 – 1800" di Adrian Cescje
"il gno morôs l'è piçul, / al è piçul, pitinin, / par fâi lis braghessutis / mi va un braç di regadin"
da "Sacheburache" di Zuan Nazzi Matalon, Ottorino Burelli
lâ v.intr.
Cuntun infinît introdusût de preposizion "par", movisi par tacâ une azion, jessi li li par fâle
sinonimi
fâ, stâ
esempi
"al viôt un brut ragnat che dibot i becave un pît, alore lui al va par schiçâlu"
da "Resurezion a Pontinie" di Pieri Somede dai Marcs
lâ v.intr.
Tal imperatîf di seconde persone singolâr o prime plurâl, cun funzion interietive, par animâ, riclamâ a un ciert compuartament o cuntun sens che si capìs dal contest o ancje dome enfatic
esempi
"jo no crôt a chês cazadis alì! Extraterestris achì? Ma anìn mo!"
da "Sense" di Checo Tam
""[vêso durmît ancje lis feminis] Intun convent di fraris!" "Va va mat che tu sês... I oms àn durmît intal convent dai capucins, e lis feminis intun camaron dulà che son lis muiniis""
da "Barbane" di Pieri Somede dai Marcs
lâ v.intr.
Intai stes câs li che al ten sù costruzions infinitivis, si pues cjatâ la costruzion dal dopli imperatîf
esempi
"va viôt di mame, dai une man a mame"
da "L’ultima lettera al fratello tra speranza e vita al fronte" di Laura Pigani
"va prepare di gustâ subit ancje par chest zovin"
da "Vilie di Nadâl" di Pieri Somede dai Marcs
lâ v.intr.
L'imperatîf di prime persone plurâl al pues jessi doprât ancje riferît ae seconde persone singolâr e plurâl
esempi
"anìn chi tu, Beput, lei ce che al è scrit"
da "Predis di ogni fate" di Riedo Pup
"comodaitsi, anìn, vignît!"
da "Il sium di Lissandri" di Franca Mainardis
lâ s.m.sing.
Viaç par rivâ di cualchi bande
sinonimi
lade
esempi
"la diligjence e sarès passade par Udin tal lâ e tal tornâ"
da "Friûl e furlans te Histoire de ma vie di Giacomo Casanova" di Pierluigi Visintin
lâ s.m.sing.
Maniere di movisi
sinonimi
ande
esempi
"chê fantate e à un biel lâ"
da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
proverbi
"a fâ ben, si va in paradîs"
"a fuarce di lâ la sele tal poç, e lasse il mani"
"a lâ a cjase cence nuie, la cjase e vai"
"a lâ nome che a messe nol è ben"
"a lâ pal mont no si cjate lis luianiis picjadis"
"a pôc a pôc si va un bon trop"
"a preâ e altri ben no fâ, a cjadaldiaul no si fâs di mancul di lâ"
"a puarton spalancât il ben al po jentrâ e il mâl al po lâ"
"a Sant Barnabà la ue e ven e e va"
"a Sante Catarine il frêt al va in cusine"
"a van plui vidiei al macel che no bûs"
"a van plui vidiei che no mançs in becjarie"
"al è miôr lâ a durmî cui çucui che no lâ discolçs a palâ nêf"
"al è passât il timp di lâ a moris"
"al tocje di lassâ lâ la aghe injù e il fum insù"
"al va a finîle mâl chel lôf che al à une sole tane"
"al va plui di un mus a marcjât"
"alc al va in ogni negozi"
"bêçs di pote ai van che ai trote; bêçs di stole ai van che ai svole"
"bisugne lâ a messe là che e je la glesie"
"bisugne lâ a mulin cuant che e je aghe"
"bisugne lâ adasi planc par rivâ prest"
"bisugne lâ planc par rivâ prest"
"bisugne lâ vistûts daûr dal so stât"
"bisugne lassâ lâ il mâl jù pai malâts e la vuere jù pai soldâts"
"bisugne lassâ lâ il sanc pes sôs venis"
"bisugne lassâ lâ la aghe injù e il fum insù"
"bramazion di mus no va in paradis"
"ce che al ven di buf in baf, al va di ruf in raf"
"ce che al ven di ruf al va di raf"
"ce che i va i vûl"
"che e ledi la plume pûr che al resti l'uciel"
"cheste musiche no va sun chest bal"
"cjar di cûl no va in cîl"
"come che al va l'ultin di carnevâl e il prin di cuaresime, a va dute la cuaresime"
"conseiti cun trops e po sielç ce che al va miei"
"cuant che a van i bûs tal fossâl al va ancje il cjar"
"cuant che il cuc al va in montagne, nol torne jù se no si bagne"
"cuant che il nûl al va a soreli jevât, mole il bo e va pal prât; cuant che il nûl al va a soreli a mont, cjape il bo e va a disconç"
"cuant che il soreli la joibe al va tal nûl, domenie al plûf sigûr"
"cuant che il tamon al va stuart, lis ruedis a van tal fossâl"
"cuant che il to mus al nasseve, il gno al leve a scuele"
"cuant che la lodule e va in cîl, il pan di sorc al sa di mîl"
"cuant che lis vacjis a van e a tornin di mont, un montanon al è pront"
"cuant che no ti impuarte no stâ cjalâ se e va drete o stuarte"
"cuant che nol cjante il cuc pai tredis di Avrîl, bisugne lâ in comun a cirîlu"
"cui che al à bon vin in cjase nol va ta la ostarie"
"cui che al à la cjase sul cjâf al po lâ pardut"
"cui che al bastone che al ledi cun doi sacs"
"cui che al è di sâl che nol ledi te ploie"
"cui che al è di veri che nol ledi fra lis clapadis"
"cui che al è fat siôr cul vendi fritulis che nol ledi a vendi colaçs"
"cui che al robe pai altris al va in preson par se"
"cui che al semene clauts che nol ledi discolç"
"cui che al semene spins che nol ledi discolç"
"cui che al va a durmî cence cene dute la gnot si remene"
"cui che al va a durmî cence cene dute la gnot si remene e cuant che si è ben remenât nol à ni durmît ni cenât"
"cui che al va a gnocis cence invidâ nol cjate cjadree par sentâ"
"cui che al va a mulin si infarine"
"cui che al va cence bêçs tal tacuin, al è un muart in pîts"
"cui che al va cu lis craçulis al impare a çueteâ"
"cui che al va cui çuets al impare a çueteâ"
"cui che al va cul lôf al impare a urlâ"
"cui che al va daûr plume mai nol ingrume"
"cui che al va dongje dai mulinârs al reste infarinât"
"cui che al va dret nol fale la strade"
"cui che al va e torne al fâs bon viaç"
"cui che al va in vuere al mangje mâl e al duar par tiere"
"cui che al va planc al va salt"
"cui che al va planc al va san e lontan"
"cui che al va tai baraçs si sponç"
"cui che al va tal mulin si infarine di voladie"
"cui che al va tal mulin si sporcje di voladie"
"cui che al vûl aghe che al ledi a la fontane"
"cui che al vûl che al ledi; cui che nol vûl che al mandi"
"cui che al vûl cjar che al ledi in becjarie"
"cui che al vûl il pape che al ledi a Rome"
"cui che al vûl jessi masse maladet nol va dret"
"cui che al vûl salvâ la panze pai fîcs che nol ledi in vuere"
"cui che al vûl stâ ben une dì, che al mangji ben; un mês, che si maridi; un an, che al maci il purcit; dute la vite, che al ledi predi"
"cui che al vûl vê che al ledi, cui che nol vûl vê che al mandi"
"cui che di zovin si fâs mangjâ, di vieli al scuen lâ a pitocâ"
"cui che i insegne al mus a butâ jù il sac e a mangjâ la farine si ridûs a dovê lâ a mulin bessôl"
"cui che nol à ce fâ che al ledi"
"cui che nol à lusôr che al ledi a durmî a scûr"
"cui che nol à robe sô, bisugne che al ledi là che al po"
"cui che nol sa balâ che nol ledi su la fieste"
"cui che nol vûl che al mandi mes, cui che al vûl che al ledi stes"
"cui trê rês de Pifanie va decîs par la tô vie"
"cul domandâ paron si va a Rome"
"cul domandâ paron si va pardut, fûr che te lune"
"cun zeis no si va a cjoli aghe"
"cuntune redine si va drets, cun tantis si va tal fossâl"
"daspò dai cuindis di Avost, cence tabar no lâ tal bosc"
"di robis a 'nd è une gucje par ducj, par ben che e ledi"
"dimi cun cui che tu vâs e ti disarai cui che tu sês"
"ducj a messe in côr no si po lâ"
"dulà che a van lis çoris a son vuessats"
"dulà che no si va di vîfs, si va di muarts"
"dutis lis cuaiis no van par un agâr"
"dutis lis letaris no van a la pueste, dutis lis peraulis no mertin rispueste"
"e va fin che e va e co no va si implante"
"e va tant la cjavre çuete, che il lôf le intope"
"e va tant la sele al poç, fin che e reste dentri"
"fâs un pas a la volte e va lontan"
"Fevrâr: il soreli al va par ogni agâr"
"fin a Nadâl il frêt nol fâs mâl, di nadâl inlà il frêt si 'nd va"
"flât di cûl al va là che al vûl"
"gjave e no met, la fontane a va a sec"
"i bêçs a son taronts: a stan pôc a lâ"
"i bogns che a vadin in paradîs in tiere no si sa ce fâ di lôr"
"i brûts luncs a van pe taule"
"i cjatîfs: cjapâju cuant che a vegnin e lassâju lâ cuant che a van"
"i peçots a van par aiar"
"i pintûts e i scuintiâts a van ducj par une strade"
"i siums de gnot, al dî di un grant poete, a son imagjins dal dì ladis in scuete"
"il brût de pite al va par dute la vite"
"il brût di gjaline al va par ogni aìne"
"il cjaliâr al va in çavatis"
"il cjar cence tamon al va tal fossâl"
"il dî nol va cul fâ"
"il fum al va a riviel, al va dongje dal plui biel"
"il fum al va par traviers, al va là che a son i bêçs"
"il gjat al va tant al ardiel fin che i lasse la çate"
"il lari piçul al va in preson"
"il liberâl e il semenadôr a van par un troi"
"il mâl al va simpri pai malâts"
"il mont al va da se"
"il mont al va sôl"
"il peçotâr al va simpri cun dôs bisacjis"
"il pintût e il scuintiât a van pe stesse strade"
"il selino e i savôrs a van cincuante dîs a cjadaldiaul prin di nassi"
"il Signôr nol paie ogni sabide, al va ben planc ben planc, e vie pal timp al va tacant"
"il testart cumò o dibot al va a cjase cul cjâf rot"
"in paradîs no si va in caroce"
"in vuere si va cun doi sacs: un par dâlis e un par cjapâlis"
"intal crodi va biel planc"
"l'orloi nol va sôl"
"l'uciel al va di çope in çope tant che il sossedâ di bocje in bocje"
"la aghe a va simpri al mâr"
"la aghe e va injù, il fum insù e la fortune par traviers"
"la bielece e va e e ven, e je la bontât che si manten"
"la bramazion e ven, e va; po e torne su la schene di cui che le da"
"là e va la tavaie, là e va la bataie"
"la farine dal diaul a va dute in cinise"
"la farine dal diaul a va dute in semule"
"la maleperaule e va di bocje in bocje tant che la sossedarie"
"la muele e va un pôc par cussì e po a fâs ziruc"
"la peraule che e scjampe e sa indulà che e va"
"la robe e ven e a va"
"la robe fate di rif e di raf, a va di buf e di baf"
"lasse che a disin ce che a vuelin e fâs ce che al va ben"
"lasse che il fum al ledi insù e la aghe injù"
"lasse che la magne a ledi pe campagne"
"lasse lâ la aghe al so destin"
"lasse lâ la aghe injù e il fum insù"
"lei libris vieris, bevi vin neri, lâ cun feminis che no son zovinis"
"lis cjavris là che e va une a van dutis"
"lis cuaiis no van simpri par chel agâr"
"lis disgraciis a van tant che i fraris"
"lis disgraciis no van mai solis"
"lis madonis a van ben picjadis sù pal mûr e lis brûts inte cite"
"lis maledizions a van trê dîs par lûc, po a colin là che e je la colpe"
"lis trê contentecis dal om: lâ coscrit, copâ il purcit, murî la femine"
"lis tristis gnovis a van simpri indenant"
"mâl par cui che al va, piês par cui che al reste"
"maladete chê latoane che e va a la fontane"
"mangjio stran o mangjio fen, ce che mi va in bocje mi sta ben"
"miôr lâ a durmî cuntun mocul che no a scûr"
"miôr rivâ un cuart di ore daspò e lâ sigûrs"
"miôr un bocon di lum che no lâ a durmî a scûr"
"nissun nol va te buse, ogni muart e à la sô scuse"
"no meti e gjavâ, dut cuant in curt al va"
"no si à di tirâ flât e gloti che e va pe scjavace"
"no si po lâ in paradîs a dispiet dai sants"
"no si va a movi il jespâr"
"no si vent dutis lis pioris che a van a marcjât"
"no van mai dutis pes pensadis"
"o lâ o rompi"
"ogni biele rose a va in fen"
"ogni dì no va cussì"
"ogni mincjon al sa lâ pal biel timp"
"ogni puar om, al sa lâ pal timp bon"
"ogni robe e va cjolte pal so viers"
"ognidun cul so sac che al ledi a marcjât"
"par che il cjar al ledi, bisugne onzi lis ruedis"
"par chê strade che no si vûl lâ al tocje di cori"
"par scjampâ de miserie si à di lâ là che a son cjamins che a fumin e no cjampanii che a sunin"
"par tuart o par reson al è simpri mâl lâ in preson"
"Pasche tafanie il frêt al va in smanie"
"plui adalt si va, plui grant bot si cjape"
"preiere di mus no va in cîl"
"preiere di mus no va in paradîs"
"prin di lâ a cjoli il purcit, si à di fâ il cjôt"
"prin ton a soreli jevât, cjol il sac e va a marcjât; prin ton a soreli a mont, cjol il sac e va pal mont"
"robe di stole e va che e svole"
"robe robade e va te cinise"
"robe une gjaline ti mandin a la ghiliotine, robe un milion no tu vâs nancje in preson"
"Sant Antoni, il frêt al va in demoni"
"Sant Simon, e va la lodule tes rêts a tombolon"
"scure la marine: mangje, bêf e sta in cusine; clare la montagne: bêf e va in campagne"
"se al plûf il dì di Sant Zorç, il cavalîr al va te cort"
"se al tone il dì di Sant Zorç, dutis lis coculis a van te cort"
"se o lin a puartâ la nestre crôs in place, o tornìn a cjase cu la nestre"
"se Sant Pieri nol vierç la puarte, no si po lâ in paradîs"
"se si à di inneâsi, lâ simpri ta la aghe grande; no je nancje braùre a inneâsi intune tace di aghe"
"se si à voie di un displasê, si à di lâ ca dai parincj"
"se tu fâs ce che ti dîs, tu larâs in paradîs; se tu fâs ce che o fâs jo, no tu vâs ni tu ni jo"
"se tu ti tais il nâs, il sanc ti va in bocje"
"si sa di lâ ma no di tornâ"
"si sa dulà che si è ma no dulà che si larà a rivâ"
"si va a Rome di plui bandis"
"sossedâ nol vûl mintî: o fam o sêt o sen di lâ a durmî o cualchi cjosse che nol olse a dî"
"tant al va il cjaldîr tal poç che infin al reste"
"tant alt al va il scriç, tant alte e ven la nêf"
"tes barufis si va cun doi sacs: un par dâlis e un par cjapâlis"
"tilulì tilulì, ogni dì no va cussì"
"tu sâs là che tu sês ma no là che tu larâs"
"une tace di vin ros di vinars sant, al va dut in sanc"
"va a mulin cul carnîr se no tu pûs lâ cul sac"
"vôs di mus no va in cîl"
"vôs di mus no va in paradis"
"zunâ e altri ben no fâ, a cjase dal diaul no si lasse di lâ"
Torna in Cima
Torna in Cima