Tu âs cirût la peraule
bilengâl monolengâl
Tu âs cirût la peraule
corrispondere
torne indaûr

bilengâl

corrispondere v.intr., v.tr.
  • 1

    v.tr. corispuindi Copie

    [FO] (rispuindi a un compuartament, a une intenzion, a un sintî)
    amare ed essere corrisposti = amâ e jessi corispuindûts
    non corrispondere gli apprezzamenti = no corispuindi ai preseaments
  • 1a

    v.intr. corispuindi, rispuindi Copie

    [FO] (jessi avuâl, compagn)
    i nostri punti di vista corrispondono = i nestris ponts di viste a corispuindin
    la sua testimonianza corrisponde alla realtà dei fatti = la sô testemoneance e rispuint ae realtât dai fats
    le due versioni corrispondono = lis dôs versions a corispuindin
    una copia che non corrisponde all'originale = une copie che no corispuint al origjinâl
  • 1b

    v.intr. corispuindi, rispuindi Copie

    [FO] (jessi just par une ativitât, un assum, une promesse e v.i.)
    il premio corrisponde all'impegno = il premi al rispuint al impegn
    l'esito corrisponde alle attese = il risultât i corispuint a ce che si spietavisi
  • 1c

    v.intr. corispuindi, fâ, valê Copie

    [FO] (vê il stes valôr)
    è una risposta che corrisponde ad un rifiuto = e je une rispueste che e vâl tant che un refût
    un miglio marino corrisponde a 1852 metri = une mie marine e corispuint a 1852 metris
  • 1d

    v.intr. corispuindi Copie

    [FO] (coincidi dal timp e dal spazi)
    la mia partenza corrispose al suo arrivo = la mê partence e corispuindè a la sô vignude
    le facciate della piazza si corrispondono punto per punto = lis façadis de place si corispuindin pont par pont
  • 2

    v.intr. corispuindi, rispuindi Copie

    [FO] (relazion tra dôs robis o doi events)
    ad ogni nicchia corrisponde una statua = a ogni nicje e corispuint une statue oppure ogni nicje e je in cubie cuntune statue
    all'aumento del lavoro ha corrisposto un aumento del fatturato = al aument dal lavôr al à rispuindût un aument dal faturât oppure l'aument dal lavôr al è lât a pâr cul aument dal faturât

    v.tr. corispuindi, paiâ Copie

    [FO] (dâ une cuantitât di bêçs tant che paiament daûr prestazion o daûr dirit o par altre reson)
    gli è stata corrisposta la pensione = i è stade paiade la pension
  • 3

    v.intr. corispuindi, rispuindi Copie

    [CO] (rispuindi a un compuartament, a une intenzion, a un sintî)
    corrispondere ad una riverenza = rispuindi a une riverence
    corrispondere alla passione dell'amante = corispuindi ae passion dal amant
    non ha corrisposto alle mie attenzioni = nol à rispuindût aes mês atenzions
  • 4

    v.intr. corispuindi Copie

    [CO] (vê un rapuart par letare cun cdn.)
    cinque anni fa ho iniziato a corrispondere con una ragazza giapponese = za cinc agns o ai scomençât a corispuindi cuntune zovine gjaponese
  • 5

    v.intr. riferî Copie

    [CO] (di une sensazion fisiche, riferî)
    il dolore causato dalla botta sul ginocchio gli corrisponde in tutta la gamba = il dolôr causionât de pache sul zenoli i riferìs in dute la gjambe oppure lu sint in dute la gjambe

monolengâl

valê v.intr.
(va-lê)
Vê efiet, fuarce logjiche, juridiche o di altre sorte che si pues aplicâ
sinonims
contâ
esemplis
"l'articul 6 de Costituzion al vâl par dutis lis minorancis in maniere compagne"
gjavât fûr di "Rai e furlan: la Italie e je «una e incorreggibile»" di Marc Stolf
"no mi cjati ben cun dute la int. Mah! Al è un discors che al vâl un pôc par ducj… però tal gno câs…"
gjavât fûr di "La maree nere" di Checo Tam
"ogni dì une novitât, mil comandaments: ancje l'avocat al finìs cul capî nuie e jo mancul di lui: cuale leç valie? chê gnove o chê vecje, cui lu sa"
gjavât fûr di "L'avocat e la luianie" di Pieri Somede dai Marcs
valê v.intr.
(va-lê)
Dâ un efiet positîf, un vantaç, sei di jutori
sinonims
zovâ, contâ, judâ
esemplis
"ce valial mo il nestri lambicâsi, il nestri scombati se dut al va come che al vûl?"
gjavât fûr di "Par stradis lungjis" di Alan Brusini
"un dei fradis di jê, om di judizi e brâf ne la pescja (e chel che plui vâl, furtunât) al veva mitût di banda cul so lavôr cualchi carantan"
gjavât fûr di "Il me paîs" di Federigo Comelli
"zornadis a passarin fra discori, preâlu e vaî, tant di sô mari che di Lise, ma nol valè nuie"
gjavât fûr di "Il muc" di Roberto Ongaro
valê v.intr.
(va-lê)
Vê il stes valôr, no compuartâ nissune diference
esemplis
"l'incjant e il misteri dal amôr a jerin ducj intîrs in ogni femine e, in cualchi mût, Mafalde e valeve Geneviève"
gjavât fûr di "Il dolfin" di Carlo Sgorlon
valê v.intr.
(va-lê)
Vê un ciert valôr, ancje cuantificât in misure economiche
esemplis
"a àn campagne, che vuê - ducj lu san - e vâl centenârs di milions"
gjavât fûr di "Jessi miliardaris e no savêlu" di Riedo Pup
valê v.intr.
(va-lê)
Vê un ciert valôr, une impuartance, ancje no cuantificade a bêçs
esemplis
"al vâl plui un amì che cent parincj"
gjavât fûr di "La foghere" di Luciano Rocco
"i comandants - i scriveve so pari - a capissin nome la lôr: par cjapâ une culine a son bogns come nuie di riscjâ un zovin. No san, lôr, un om ce che al vâl"
gjavât fûr di "Dreute" di Riedo Pup
"al voleve dispiticâsi a passâ dongje i fîs dal vecjo paron, fasint fente di no inacuarzisi di lôr. Fâur capî che no valevin il so salût…"
gjavât fûr di "La tiere di Lansing" di Maria Forte
detulis
"a valin plui i fats che no lis cjacaris"
"a valin plui i fats che no lis peraulis"
"al vâl plui il baston di un pastôr che no la medisine di un grant dotôr"
"al vâl plui il cûr content che no dut l'aur di chest mont"
"al vâl plui il cûr content che no pan di forment"
"al vâl plui il vueli che no la lum"
"al vâl plui un a fâ che no cent a comandâ"
"al vâl plui un amì che no cent parincj"
"al vâl plui un asin di pevar che no un fîc di mus"
"al vâl plui un bon consei che no une borse di bêçs"
"al vâl plui un campanel di gnot che no un campanon di dì"
"al vâl plui un ducât che no trê liris"
"al vâl plui un gran di pevar che no une balote di mus"
"al vâl plui un lusôr denant che no cent daûr"
"al vâl plui un mus vîf che no un dotôr muart"
"al vâl plui un no cun creance che no un sì vilan"
"al vâl plui un pan sudât che no une man di chel robât"
"al vâl plui un pan taront che no un mus in taule"
"al vâl plui un plat di biel acet che no un plat di rost"
"al vâl plui un plat di biele ciere che no un plat di rost"
"al vâl plui un plat di bon acet che no un plat di rost"
"al vâl plui un porco ben metût che no cincuante pater"
"al vâl plui un porco ben metût che no un pater mâl disût"
"al vâl plui un sì che no un ma lafè sì"
"al vâl plui un solt in soreli che no in ombrene"
"al vâl plui un uciel in man che no cent par aiar"
"al vâl plui un vicin vicin che no un fradi lontan"
"cjaval cence vizis nol vâl nuie"
"cuant che al è destinât no vâl ni miedi ni medisine"
"cuant che e je la sô ore, nol vâl nuie dî di no"
"cuant che il poç al è sut, si sa trop che e vâl la aghe"
"cuant che la piore e à fat il mâl, par chel che e vâl e crepe"
"cui che al laude se stes nol vâl un ves"
"cui che al ten cont di un fulminant nol vâl un fulminant"
"cui che nol rispiete se stes nol vâl un ves"
"cui che nol sa nuie nol vâl nuie"
"cui che nol ten cont di un centesim nol vâl un milesim"
"cui che si laude nol vâl un bêç"
"cuintri la fuarce no vâl reson"
"di ca a cent agns al vâl tant il lin che la stope"
"di carnevâl ogni mat al vâl"
"e vâl plui la cite viere che no la gnove"
"e vâl plui la fieste in famee che no la sagre dal paîs"
"e vâl plui la pratiche che no la gramatiche"
"e vâl plui une fete di polente cuiete che no une spanzade maladete"
"e vâl plui une ore di ben che no cent di mâl"
"e vâl plui une ore di ligrie che no cent di malinconie"
"e vâl plui une ploie te sô stagjon che no un tesaur buzaron"
"e vâl plui une rose frescje che no un scovul"
"femine cence gracie pôc e vâl tant che la mignestre cence sâl"
"i rîs par che a sedin bogns a àn di valê un solt dal un"
"il cjaval al crepe co al à mangjât par tant che al vâl"
"il sì che o dîs vuê al à di valê ancje doman"
"il vin trat e bevût al vâl un scût"
"impare la art e metile de bande, il timp al vignarà che la art e valarà"
"l'ûf fat e bevût al vâl un scût, l'ûf fat e mangjât al vâl un ducât"
"la peraule e je chê che e vâl"
"lis robis fatis in presse no valin une vesse"
"nol vâl jessi conts e no vê ce contâ"
"nol vâl sierâ la stale co a son stâts robâts i bûs"
"nol vâl sunâ pal timp co al à za scomençât a tampiestâ"
"nol vâl tignî sierade la spine se il vin si spant pal cjalcon"
"nol vâl vaî là che nol è rimiedi"
"nol vâl vendi il cjôt par comprâ il purcit"
"siums e ves a valin chel istès"
"spaçâ la monede par chel che e vâl"
"un cjâf cence lenghe nol vâl nuie"
"une dì e vâl un an"
"une robe par fuarce no vâl une scuarce"
"une volte plui valeve cui che lungje le saveve, cumò al vâl ogni cretin che al à plen il so tacuin"
torne sù
torne sù