Tu âs cirût la peraule
bilengâl monolengâl cognons
Tu âs cirût la peraule
crème
torne indaûr

bilengâl

crème s.m.inv.
  • 1

    s.m.inv. flôr Copie

    [ES] (la part miôr, plui alte, plui impuartante)
    alla festa c'era la crème della città = te fieste e jere la flôr de citât

monolengâl

flôr s.m., s.f.
Part des plantis spermatofitis che e conten i orghins de riproduzion, dispès biele, colorade, profumade
sinonims
rose
esemplis
"lis damis a vevin sul sen i lôr flôrs di vermene e mazorane tirâts sù tai vâs sui barcons, e a florivin ancje la caroce"
gjavât fûr di "La aghe da pît la cleve" di Dino Virgili
"a miârs a jan sbrocât fûr, a miârs, li flôrs; e son blancjis"
gjavât fûr di "Al mandolâr" di Ugo Pellis
flôr s.f.
[TS] (agr.) Pome de prime butade che a fasin i figârs
sinonims
flore, fise
esemplis
"i fîcs si dispicjin in Sierade, ma lis flôrs, che a son ancje chês tant buinis, si cjapin sù za vie pal Istât"
gjavât fûr di "Memoriis di politiche linguistiche" di Adrian Cescje
flôr s.f.
Farine di forment une vore fine, doprade soredut pai dolçs
sinonims
farine di flôr, flôr di farine
esemplis
"su la bocje dal grant fontanon inte ploie minudine che, come flôr tamesade, e salte in aiar"
gjavât fûr di "Lis striis di Gjermanie" di Catarine Percude
flôr s.f.
[TS] (enol.) Tal pl., difiet dal vin che si impâr tant che un vêl clâr produsût dal fonc Mycoderma vini, che si compagne cu la pierdite di gradazion e cul vuastâsi dal savôr
sinonims
flôrs dal vin
flôr s.m., s.f.
Part alte o superficiâl, ancje di alc di imateriâl (ancje fig.)
esemplis
"dome tal ultin lis memoriis lontanis a tornavin a flôr come slizeridis"
gjavât fûr di "Il Bide di Miot" di Maria Forte
flôr s.m., s.f.
Ce o cui che al è une vore biel, preseât, bon (fig.)
esemplis
"ancje dentri di nô al pues jessi un flôr che ti jude a pensâ cun serenitât e semplicitât"
gjavât fûr di "Poz: l'ultin morâr" di Gabriele Zanello
"lei Gregoricchio e vâl la pene par cjatâ incà e inlà di chescj flôrs piçui e biei"
gjavât fûr di "Gianni Gregoricchio, “Une vite di pôc”" di Laurin Zuan Nardin
flôr s.f., s.m.
Ce o cui che al è miôr o ecelent rispiet al rest (fig.)
sinonims
miôr
esemplis
"la flôr de umanitât daûr a stossâ, discrotâ, talpassâ, slambrâ i refudums de umanitât"
gjavât fûr di "Storie di Vera" di Ivano Urli
"une grande zornade di cjace, in companie dal flôr plui zentîl de nobiltât furlane"
gjavât fûr di "La manie" di Arturo Feruglio
detulis
"cun cui che si space la flôr, bisugne spaçâ ancje la semule"
"dutis lis flôrs a son buinis fûr che chês dal vin"
"fin che a son piçui, rosis e flôrs cuant che a son grancj, spins e dolôrs"
"il flôr tal cjamp, lu jude ogni sant; l'om tal mont, Diu lu jude ogni tant"
"il prin flôr al altâr maiôr"
"ogni flôr te sô stagjon"
"pêl ros e pêl di flôr, sot dal cîl no 'nd è piôr"
"prin dal matrimoni a son rosis e flôrs, po spinis e dolôrs"
"un flôr nol fâs Primevere"
torne sù

cognons

Cremese
Al podarès volê dî di cualchidun che al è di Crema, la citât de Lombardie (pronunzie: Cremése), o pûr identificâsi cul venezian crèmese (cul acent sul prin -e-), che al vûl dî “cremisin, sfumadure di ros vîf”. Al è presint a Udin.
fonts
1509 Francesco Cremese di Cividât, precetôr dal imperadôr Carli V, al scrîf une croniche dal assedi di Cividât fat des trupis imperiâls (Nazzi, 1992); 1714 Antonio Pontone, in locho di Gioseffo Cremese di Udene, fittuale dei nobb. Zucco per Casa posta in Borgo di Porta dè Roncho con un corticello, et Orticello, et Morari, e Susinari, coperta di coppi Sollarada (ASU Zucco 27); 1727 Ser Gio. Batta Cremese in Porta Ronchi a Udine, acquista dal Co. Florio Botte Vino di S. Stefano (ASU Florio 316); 1749, ai 30 di Novembar Gio. Batta e Giuseppe pupilli del q. Antonio Cremese di Udine (Osp. 304); 1756, il prin di Otubar Ser Domenico Cremese di Ser Gio.Batta da Udine affittuale di brolo e orto Cappuccini che gli affittano anche casa donata dai nobb. Agricola (ACR 603/2); 1780 Gio. Batta Cramese di Borgo di Ronco a Udine, fittuale nobb. Caiselli (ASU Perusini 274).
torne sù