Hai cercato la parola
bilingue monolingue
Hai cercato la parola
crescere
Torna indietro

bilingue

crescere ,
  • 1a

    v.intr. menâ, cressi, vignî sù Copia

    [FO] (di oms, bestiis e plantis che a deventin plui grancj cuntun procès naturâl)
    l'erba cresceva = la jerbe e menave
    suo figlio cresce forte e sano = so fi al ven sù fuart e san

    v.intr. cressi, vignî lunc Copia

    (di parts singulis dal cuarp)
    come ti crescono i capelli, è già ora di tagliarli = ce che ti son vignûts luncs i cjavei, e je za ore di taiâju
    si è fatto crescere i baffi e ora sta proprio bene = al à fat cressi lis mostacjis e cumò al pâr propit bon
  • 1b

    v.intr. cressi, vignî grant Copia

    [FO] (deventâ grant)
    non è più un bambino, è già cresciuto = nol è plui un frut, al è bielzà cressût

    v.intr. cressi, vignî grant Copia

    (puartâsi di persone adulte)
    non vuole proprio crescere! = nol vûl propite cressi!
  • 1c

    v.intr. vignî tirât sù Copia

    [FO] (jessi arlevât)
    crescere in un buon ambiente = jessi tirât sù intun bon ambient

    v.intr. vignî sù Copia

    (passâ la infanzie e la pubertât)
    è cresciuto in casa nostra = al è vignût sù in cjase nestre
  • 1d

    v.intr. cressi, lâ sù Copia

    [FO] (lâ in miôr, progredî)
    crescere di grado = lâ sù di grât
    crescere in fama = cressi in nomenance
  • 2

    v.intr. cressi, meti dongje, lâ sù Copia

    [FO] (aumentâ in altece, volum, pês)
    crescono gli anni! = i agns a van sù!
    è cresciuto di due chili = al à metût dongje doi chilos
    il caldo sta crescendo = il cjalt al cres
    il livello dell'acqua cresceva = il nivel de aghe al cresseve
    il prezzo del pane è cresciuto = il presit dal pan al è lât sù
    la popolazione cresce = la popolazion e cres
  • 3

    v.intr. cressi, stramudâsi Copia

    [CO] (mudâsi, davuelzisi)
    l'antipatia crebbe in odio = la antipatie e cressè in odi
  • 4

    v.intr. cressi Copia

    [CO] (alçâsi a un ciert grât, a une cierte cundizion)
    crescere nella stima del direttore = cressi inte stime dal diretôr
  • 5a

    v.intr. vanzâ Copia

    [CO] (jessi di masse, vanzâ)
    mi darete ciò che cresce = mi darês ce che al vanze
  • 5b

    v.intr. cressi Copia

    [TS] (di une note, che e je plui alte di ce che al sarès il just)
    la voce non è intonata, cresce di un semitono = la vôs no je intonade, e cres di mieç ton
  • 6

    v.tr. cressi, tirâ sù Copia

    [FO] (arlevâ, tirâ sù)
    lo ha cresciuto come un figlio = lu à tirât sù oppure cressût come un fi
  • 7

    v.tr. cressi Copia

    [CO] (intai lavôrs a maie, zontâ ponts)
    crescere due maglie ogni giro per dieci volte = cressi doi ponts ogni zîr par dîs voltis

monolingue

cressi v.intr.
(cre-ssi)
Di persone, bestie, plante e v.i., deventâ plui grant, tal fisic e te etât
sinonimi
vignî sù, dâ sù
esempi
"la Lise e cresseve an par an plui fuarte. E jere deventade une biele zovenute, dut a colp. Come che a sclopin, a timp just, ducj i butui"
da "Cjase di Dalban" di Maria Forte
"cumò che Eve e jere cressude e deventade cuasi fantate, i fevelave vulintîr di robis ancje delicadis"
da "Ombris tal infinît" di Carlo Sgorlon
"cuant che un gjatut al è cressût di trê mês, al tache za a jessi avonde autonom"
Vedi anche: cressji
cressi v.intr.
(cre-ssi)
Deventâ plui grant, plui rilevant, plui grâf, plui numerôs, plui alt di cualitât, intensitât, jerarchie e v.i.
sinonimi
dâ sù, lâ sù, tirâsi sù
esempi
"tai prins trê secui Aquilee e cressè di popolazion e di impuartance"
da "Cuintristorie dal Friûl fin sot la Italie" di Josef Marchet
"Tite, blanc in muse, al mostrave un malstâ che al cresseve minût par minût"
da "Trê feminis" di Gianni Gregoricchio
"lis emissions industriâls di solfar, leadis soredut a la combustion dal petroli e dal cjarbon, a podevin fâ cressi la aciditât des ploiis"
da "Clime e incuinament: prime l'ûf o la gjaline?" di Dario Bianchini Giaiotti, Fulvio Stel
"tra i zovins al tache a cressi l'interès par cheste radio singolâr"
da "Un Friûl difarent: i 90 mhz di Onde Furlane" di Max Mauro
"che tu cressis, mari lenghe, / grande e fuarte, se Dio vûl! / che tu slargjis la tô tende / su la Cjargne e sul Friûl "
da "Il cjant de Filologjiche Furlane" di Bindo Chiurlo
"Dopo vot dîs di ploie la aghe de Sfueime e jere cressude di fâ pôre"
da "Amîs come prime" di Alan Brusini
cressi v.tr.
(cre-ssi)
Dâ a un frut, a un animalut, a une plantute e v.i. dut ce che i covente, di nudriment, di curis e ancje di educazion, par che al vegni sù ben
sinonimi
tirâ sù, arlevâ
esempi
"al sint di vê tradît ogni strussie che jê e à patît par nudrîlu e cressilu e fâlu fuart e preparâlu a la vite, al sint un rimuars di cussience che lu fâs compagn dal om plui soç di chest mont "
da "Tal ospedâl" di Amedeo Giacomini
cressi v.tr.
(cre-ssi)
Fâ che alc al sei plui grant in dimension, cualitât, cuantitât, frecuence e v.i. o che si percepissi di plui
sinonimi
incressi, ingrandî, slargjâ, aumentâ, tirâ sù
esempi
"i comerciants chei ludros par no jessi di mancul a àn cressût il presit trê voltis"
da "Int di masnade" di Alviero Negro
"mancumâl che i parons no pain tassis - al riduçave Brusin - se no a scugnaressin cressi il fit…! "
da "Vigji Brusin" di Riedo Pup
"al dave une vôs al cjaval e chel al cresseve il pas"
da "Il Bulo di Crodio" di Maria Forte
cressi v.tr.
(cre-ssi)
Ancje ass., lavorant di gucje, inzontâ ponts
proverbi
"a pôc a pôc si cres"
"cjar che e cres no po sta ferme"
"di Sant Tomâs a Nadâl al cres il dì un pas di gjal"
"il mont al cres ma nol invente"
"il mont al è fat a scjale: cui cres e cui cale"
"il mont al è fat a scjale: un pôc si cres e un pôc si cale"
"il Signôr al è piçul ma al cres ogni dì"
"la cjative jerbe e cres prest"
"la jerbe triste e cres pardut e nissun no le mangje"
"la jerbe triste e cres prest"
"la malizie e cres cu la etât"
"la triste jerbe a cres simpri"
"lasse mus che la jerbe a cressi"
"se a vessin di cressi i dincj, ur cressaressin ai avocats"
"spiete bo che la jerbe e cres"
"spiete cjaval che la jerbe e cres"
"une idee e nas tal cjâf ma e cres tal cûr"
Torna in Cima
Torna in Cima