SuperDizionari

Tu âs cirût la peraule

cricchiare

bilengâl

cricchiare v.intr.

cricâ v.intr.
(cri-câ)

Fâ il rumôr di un alc di dûr ma crevadiç, che si romp o che al è li li par rompisi o che al sclopete

esemplis

"un aiar rabiôs, une buere crude che e sivilave sui cops, che e faseve cricâ i arbui e zemi lis fueis"

gjavât fûr di "Aiar di cjase" di Franca Mainardis

"il fûc al sclopà te minuçaie, al cricà jenfri dai lens in crôs e une biele flame e smalità a viert"

gjavât fûr di "La aghe da pît la cleve" di Dino Virgili

"lâts sù par une vecje scjale che e cricave o sin rivâts te cjamare di chest amì"

gjavât fûr di "Don Franziskus e Iskander" di Checo Tam

"l'impresari al le dongje la taule fasint cricâ i dêts, cence visâsi, e po al disè ae fantate di tirâi jù il non e l'indiriç"

gjavât fûr di "Prime di sere" di Carlo Sgorlon

"pan fresc che al cricave, ardiel di mil savôrs"

gjavât fûr di "Il mierli" di Angelo Covazzi

Viôt ancje: critâ

cricâ v.intr.
(cri-câ)

Patî une vore, soredut il frêt, la criùre e v.i., tant di vê la sensazion di crevâsi (fig.)

esemplis

"ogni gnot al vignive un burlaç e un frêt di cricâ, e tal doman suiâsi tal soreli che al scotave"

gjavât fûr di "I ribei" di Alan Brusini

cricâ v.tr.
(cri-câ)

[CO] Scliçâ, fracâ tant di rompi

esemplis

"al faseve ancje fente di copâ pulçs, cricantju cu lis ongulis dai poleârs des mans"

gjavât fûr di "I pulçs" di Angelo Covazzi

"cricâ lis coculis"

cricâ v.tr.
(cri-câ)

[BF] Fracâ un cric par fâ funzionâ alc

esemplis

"lasse stâ chel benedet di un aradio… (a Catinute che e veve cricât di gnûf)"

gjavât fûr di "Vieri e gnûf" di Pieri Piçul

cricâ v.intr.
(cri-câ)

Dal dì o de albe, tacâ, tal moment che il soreli si impâr

esemplis

"la Bielestele, sù, tal cîl, e visave che prest al varès cricât il dì"

gjavât fûr di "Il muc" di Roberto Ongaro

"al cjante il gjal / al criche il dì / mandi ninine / tocje partî"

torne sù