Hai cercato la parola
Hai cercato la parola
dare contro
Torna indietro
bilingue
dare contro
-
1
loc.v. fa cuintri, tacâ
[CO] (dî mâl di cdn., atacâlu)finiscila di darmi contro = finissile di fâmi cuintri
monolingue
tacâ v.tr.
(ta-câ)
(ta-câ)
Fâ che un element al resti a contat o intor di un altri doprant leaduris, cole, cusiduris e sim.
esempi
" doi fruts dal Fogolâr a vevin tacât cul scotch sfueis di cjarte celestine cun poesiis scritis cu la machine"
da "Visâsi di chel puint radio" di Agnul di Spere
"vignît ca, che i us tachi chel boton! Ju pierdês simpri, come i fruts"
da "A passe la scalmane" di Anute Fabris
tacâ v.tr.
(ta-câ)
(ta-câ)
In riferiment a animâi, preparâju par tirâ un mieç di traspuart
sinonimi
esempi
"a vevin tacât i bûs par lâ a forment lontan, jù pe Basse, di là da la Aghe"
da "La aghe da pît la cleve" di Dino Virgili
tacâ v.tr.
(ta-câ)
(ta-câ)
Passâ une infezion, un mâl, un parasit e v.i.
sinonimi
esempi
"tal gjalinâr dôs polecis a stavin li fermis, cui voi sierâts, e di sigûr a tacavin la malatie ancje a chês altris"
da "Prime di sere" di Carlo Sgorlon
"no vuei che tu vadis su la rive dai Meus, là di cjase sô, capît? Doi agn fa us à tacât i pedoi a ti e a to fradi, ti visistu?"
da "La salamandrie tal fûc" di Carlo Tolazzi
tacâ v.tr.
(ta-câ)
(ta-câ)
Butâsi cuintri, assaltâ
esempi
"Matie al veve sintude la gnove de sô radio in cjase. La Italie e veve tacade la France"
da "Sul agâr" di Pieri Menis
"intant che nô ju tacavin cu lis balis di arzile, lôr, sburtâts dal Traibar, di Gramigna e Caisel, nus àn tacâts di ogni bande cun claps e bastons e pugns"
da "Amîs come prime" di Alan Brusini
Vedi anche: atacâ
tacâ v.tr.
(ta-câ)
(ta-câ)
Criticâ, fâ cuintri a cdn., a alc, a une sielte, a une idee e v.i.
esempi
"dilunc vie dal lavôr, dispès il progjet al è stât tacât cun polemichis"
da "La elaborazion resinte di imprescj lessicografics furlans" di Sandri Carrozzo
Vedi anche: atacâ
tacâ v.tr.
(ta-câ)
(ta-câ)
Scomençâ, in sens une vore larc e in diviers contescj, ancje sotintindint une azion (ancje ass.)
esempi
"al lave sù pe stradelute che e menave a cjase des dôs feminis, pensant al mût miôr di tacâ il discors"
da "Cretevierte" di Roberto Ongaro
"al jere lât dal avocat par tacâ lis pratichis de separazion"
da "Amîs come prime" di Alan Brusini
"in chê Vierte, Massimo al tacà la cjase gnove"
da "La tiere di Lansing" di Maria Forte
"propit cuant che o soi daûr a tacâ la butilie de sgnape par dismenteâ, al comparìs pre Nocent"
da "Viaç a Vignesie" di Arturo Feruglio
"a sîs o vevi di tacâ a vore"
da "Jo e Graziella" di Mario Beltramini
tacâ v.tr., v.intr.
(ta-câ)
(ta-câ)
Une vore dispès cun infinitivis, sedi cun verps transitîfs che intransitîfs, par segnâ il principi de azion
esempi
"jo e un pâr di lôr si tacà a dâ fûr cartulinis di Nadâl cui auguris par furlan"
da "Visâsi di chel puint radio" di Agnul di Spere
"Jacum al tacà a mangjâ e a bevi cence fonts"
da "Fradi dal plevan" di Angelo Covazzi
"si studiavin l'un cul altri, seneôs di savê e tal stes timp spaurôs di tacâ a fevelâ"
da "Il sium di Lissandri" di Franca Mainardis
"al veve tacât a plovi, e la frute e jere stade tant buine di imprestâi une ombrene par che al ves podût tornâ a cjase cence bagnâsi"
da "La ombrene" di Meni Ucel
tacâ v.intr.
(ta-câ)
(ta-câ)
Vê principi tal timp, tal spazi, tal ordin logjic e v.i.
esempi
"frut, domenie al tache il campionât, il to prin campionât in prime scuadre"
da "Donald dal Tiliment" di Stiefin Morat
"un grop i vignî sù in gole, e i tacà un baticûr di sclopâ"
da "La tiere di Lansing" di Maria Forte
"di chê altre bande a tacavin lis cjasis plui bassis di Tresesin"
da "Prime di sere" di Carlo Sgorlon
tacâ v.intr.
(ta-câ)
(ta-câ)
Fâ prese, scomençâ a jessi, a cressi, a viodisi
sinonimi
esempi
"par tiere al è bagnât, la nêf no tache"
"ancje su la lûs [in salot], grande atenzion: no masse scûr, se no e tache la mufe; e nancje masse soreli, se no i colôrs si smamissin"
da "I furlans e il camarin" di Riedo Pup
"la muse ruane / di Toni di Place / dimostri che ai Piombi / no tache la glace"
da "Ai Piombi" di Romeo Battistig (?)
tacâ v.intr.
(ta-câ)
(ta-câ)
Corispuindi in ogni pont (ancje fig.)
sinonimi
esempi
"si à di cjatâ il toc dal puzzle che al tache"
tacâ v.intr.
(ta-câ)
(ta-câ)
Jessi in conession logjiche, vê un sens logjic (fig.)
sinonimi
concuardâ, concuardâsi, cumbinâsi, leâsi, tacâsi
esempi
"“Su, ghemars, môf chês cjarculis” i zigave daûr, o pûr “Jobul” ancje se chê peraule no tacave gran, in chel moment"
da "Cjase di Dalban" di Maria Forte
"une liende biade che no ten e no tache"
da "Memoriis di politiche linguistiche" di Adrian Cescje
tacâ v.intr.
(ta-câ)
(ta-câ)
Jentrâ in buine relazion, spec. sentimentâl
esempi
"intant che nô ju tacavin cu lis balis di arzile, lôr, sburtâts dal Traibar, di Gramigna e Caisel, nus àn tacâts di ogni bande cun claps e bastons e pugns"
da "Lassait che mi sbrochi!" di Pieri Somede dai Marcs
"e tacave cun ducj: talians, todescs, cravuats, e fintremai cui cosacs"
da "Lis predicjis dal muini" di Josef Marchet
tacâ v.intr.
(ta-câ)
(ta-câ)
Jessi viscôs
sinonimi
impeolâ, tacâsi
esempi
"sintî cemût che e tache la peule de trade"
da "La aghe da pît la cleve" di Dino Virgili
proverbi
"cuant che no si vûl finî si fâs di mancul di tacâ"
"il Signôr nol paie ogni sabide, al va ben planc ben planc, e vie pal timp al va tacant"
"il vier al tache simpri il miluç plui bon"
"il vier al tache simpri il pom plui bon"
"ogni scuse e je buine par tant che e tache"
"Sant Antoni, la ocje dal bonparon e tache a pogni, a Sant Valantin chê dal puarin"
"sborf, là che si tache no si distache"
Torna in Cima
Torna in Cima