Tu âs cirût la peraule
bilengâl monolengâl
Tu âs cirût la peraule
destino
torne indaûr

bilengâl

destino s.m.
  • 1a

    s.m. destin Copie

    [FO] (il davuelzisi dai fats indipendent de volontât e de azion dal om)
    il destino ha deciso per loro = il destin al à decidût par lôr
    rassegnarsi al proprio destino = rassegnâsi al so destin

    s.m. destin Copie

    (impers., ce che no si scjampe)
    era destino che dovesse finire così = al jere destin che e ves di lâ a finîle cussì
  • 1b

    s.m. destin Copie

    [CO] (tal pl., fats dal avignî, sorte)
    i destini dell'umanità = il destin de umanitât

locuzions

monolengâl

destin s.m.
(des-tin)
Davuelzisi dai fats indipendent de volontât e de azion dal om, che si pues crodi za decidût di fuarcis metafisichis o che si calcole une fuarce sorenaturâl
sinonims
câs, fatalitât, providence, sorte, venture, cumbinazion
esemplis
"Ane no veve cirût il confuart di nissun, pronte simpri a sopuartâ il destin par ordin che al bateve"
gjavât fûr di "La aghe dal Ariul" di Maria Forte
"cun chel gredei di pinsîrs tal cjâf al le sù a durmî ancje siôr Tite, che aromai si sintive tant pôc siôr e tant puar diaul in man dal destin"
gjavât fûr di "Il muc" di Roberto Ongaro
"jerial forsit un destin crudêl che le strissinave in chel finimont?"
gjavât fûr di "Chei di Muraie" di Pieri Menis
Viôt ancje: distin
destin s.m.
(des-tin)
Situazion che no si pues cambiâ par vie che si considere naturâl, normâl, tradizionâl e v.i.
sinonims
sorte
esemplis
"il destin des feminis al è chel… lassâ la cjase dulà che a son nassudis, lassâ pari e mari e inviâsi pal mont dongje un om par meti sù une altre cjase"
gjavât fûr di "Chei di Muraie" di Pieri Menis
destin s.m.
(des-tin)
Situazion che si considere la fin, cemût che e risulte di une schirie di fats o di compuartaments
sinonims
sorte
esemplis
"tra lis pachis, i insults e lis menacis, a vignivin puartâts a Udin e, une volte fats zirâ pes stradis plui plenis par mostrâ il destin dai “traditôrs”, a jerin sierâts in presons improvisadis"
gjavât fûr di "La seconde Irlande" di Carli Pup
destin s.m.
(des-tin)
Situazion, complès di fats o risultâts dal avignî
sinonims
avignî, futûr, sorte
esemplis
"se il destin dal Friûl al à di restâ leât cun chel di Triest, o sin dal gjat"
gjavât fûr di "Sot di nissun" di Josef Marchet
"e butave lis cjartis a dutis lis feminis dal borc, e leieve il destin te cjicare dal cafè"
gjavât fûr di "Come tai romançs" di Alan Brusini
destin s.m.
(des-tin)
Pont di rivade
sinonims
destinazion
esemplis
"la letare no je rivade al so destin"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
detulis
"dal destin no si scjampe"
"lasse lâ la aghe al so destin"
torne sù
torne sù