Tu âs cirût la peraule
bilengâl monolengâl cognons
Tu âs cirût la peraule
di sotto
torne indaûr

bilengâl

di sotto
  • 1

    loc.av. sot vie, abàs, disot, sot, disot vie, parsot Copie

    [CO]
    abita di sotto = al è a stâ abàs

    loc.av. sot vie, plui indenant, plui indevant, abàs, disot, sot, disot vie, parsot Copie

    (dopo)
    come si legge di sotto = cemût che si lei plui indenant

    loc.av. disot, sot, parsot Copie

    (loc.adi.inv.)
    un inquilino del piano di sotto = un incuilin dal plan sot

    loc.av. disot, sot, parsot Copie

    (loc.s.m.inv.)
    il di sotto del vestito = il sot dal vistît

locuzions

    al di sotto
  • sot vie, disot, sot, parsot vie, disot vie, parsotCopie
    [CO] (in posizion inferiôr)
    rispetto alle attese, è rimasto molto al di sotto = a pet di ce che si spietave al è restât une vore sot vie
    • al di sotto di
  • sot di, parsot di, parsot vie diCopie
    [CO] (-)
    al di sotto del ponte corre la statale = parsot dal puint e cor la statâl
  • sot di, mancul diCopie
    (par dî di un limit che no si lu à passât)
    un punteggio al di sotto della media = ponts sot de medie
  • sot di, mancul diCopie
    [CO] (inferiôr di)
    un numero al di sotto di trenta = un numar sot di trente
    • Casali di Sotto
  • Cjasâi DisotCopie
    toponim (cjasâi dongje di Tor di Zuin)
    • Case Richinvelda di Sotto
  • Li di Balin DisotCopie
    toponim (borc in comun di S. Zorç da la Richinvelde)
    • Cercivento di Sotto
  • Çurçuvint DisotCopie
    toponim (part basse di Çurçuvint)
    • Cerò di Sotto
  • Cerò DisotCopie
    toponim (borc de Slovenie, dongje di S. Florean dal Cuei, slo. Dolnje Cerovo)
    • Esemon di Sotto
  • Desemon DisotCopie
    toponim (borc in comun di Enemonç)
    • Forni di Sotto
  • For DisotCopie
    toponim (Paîs in Cjargne, jenfri For Disore e Dimpeç)
    • Marsure di Sotto
  • Marsure DisotCopie
    toponim (localitât dongje di Paulêt)
    • Merso di Sotto
  • Miers DisotCopie
    toponim (paîs de Sclavanie, dongje Azide)
    • Moggio di Sotto
  • Mueç DisotCopie
    toponim (borc di Mueç)
    • Mulino di Sotto
  • Mulin DisotCopie
    toponim (localitât jenfri Porpêt e Gonârs)
    • Povici di Sotto
  • I Stai DisotCopie
    toponim (localitât dongje di Resiute)
    • Pradis di Sotto
  • Pradis DabàsCopie
    toponim (cjale Pradis)
    • San Giovanni di Sotto
  • S. Zan DisotCopie
    toponim (borc di Polcenic)
    • Sauris di Sotto
  • Sauris DisotCopie
    toponim (borc di Sauris)
    • Sdricca di Sotto
  • Sdriche DisotCopie
    toponim (localitât dongje Manzan)
    • Selva di Sotto
  • Selve DisotCopie
    toponim (localitât dongje di S. Zorç da la Richinvelde)
    • Tramonti di Sotto
  • Tramonç DisotCopie
    toponim (paîs su la Midune, a Sud di Tramonç Disore)

monolengâl

sot prep., av., adi.inv.
In posizion plui basse rispiet a alc altri che al è in contat
esemplis
"sot lis scarpis si formin dôs çuculis di nêf che mi fasin lâ çuet"
gjavât fûr di "I forescj" di Alan Brusini, Gian Paolo Linda
"cjapâ il sium stant sot la plete"
gjavât fûr di "I spirts" di Ivano Urli
"là che e finìs la schene, te part fofe che e je sot, Vigjut al veve une vergule nere"
gjavât fûr di "Tal bosc di Kebespok" di Pieri Menis
sot prep., av., adi.inv.
Te part basse di alc
esemplis
"Malie, Catine e Nenute a jerin lis trê fiis dal vuardian dal cjistiel [...]. A jerin a stâ sot de torate, in bande dal puarton principâl, cui gjenitôrs"
gjavât fûr di "Marum" di Pieri Menis
sot prep., av., adi.inv.
In posizion plui basse a pet di alc, cence contat
esemplis
" il mâr si slungjave al infinît sot un cîl celestin"
gjavât fûr di "Come tai romançs" di Alan Brusini
"il puiûl di len al è difûr sot la linde"
gjavât fûr di "In scolte..." di Dino Virgili
sot prep., av., adi.inv.
In posizion plui basse a pet di alc che al cole o al ven o al fâs sintî il so efiet dal alt
esemplis
"par trois e cjarandis, intant che si inmaneave un brut timp, e po vie, sot la ploie"
gjavât fûr di "Chê massanghe plui grande" di Maria Forte
sot prep., av., adi.inv.
A cuote, nivel o altece plui basse rispiet a alc
sinonims
da pît
esemplis
" i alpins dal Tumieç a tiravin sù la lôr glesie a Casere Pâl Grant, sot cuote 1700"
gjavât fûr di "La gleseute dai alpins" di Pieri Menis
sot prep., av., adi.inv.
A nivel plui bas rispiet a un limit, un valôr, un numar e v.i.
esemplis
"zovins autôrs sot dai trente agns"
gjavât fûr di "Un Friûl difarent: i 90 mhz di Onde Furlane" di Max Mauro
"par insumiâsi e covente ancje che la temperadure dal cuarp e sedi sot i 38° (grâts)"
gjavât fûr di "Il cjâf dai furlans" di Franc Fari
sot prep., av.
Dongje di un moment o di une date
esemplis
"une fumate ogni sere sot gnot / mi involç e mi travane fin sul vues, got a got"
gjavât fûr di "Fumate" di Ercole Carletti
"al spietave che al tornàs so pari, sot fiestis di Nadâl"
gjavât fûr di "Il muc" di Roberto Ongaro
"te locande a mangjavin sot Pasche la cuartuce cu la salate frescje e il cuarnet a bine, su tavaiis che a svuarbavin di blanc"
gjavât fûr di "Come tai romançs" di Alan Brusini
"a jerin tristis anadis chês, sot dal otante: miserie che alçave di pês"
gjavât fûr di "La aghe da pît la cleve" di Dino Virgili
sot prep., av.
Te jurisdizion o tal timp di un guvier, di un regjim, di une autoritât e v.i.
esemplis
"al veve scugnût fâ dîs agns di militâr cui “jegars” sot da la Austrie"
gjavât fûr di "Il prin moto" di Riedo Pup
"sot dal Ream di Italie, ae fin dal Votcent, la classe dirigjente furlane e scomençà a pretindi dal guvier di Rome une deleghe di autonomie"
gjavât fûr di "Memoriis di politiche linguistiche" di Adrian Cescje
"il mulin di Segat, che cumò al è sot Val, une volte al jere di Cortâl"
gjavât fûr di "Faliscjis" di Cristina Noacco
sot prep., av.
A di un nivel jerarchic plui bas
esemplis
"un bon predi al veve simpri di tasê cun chei sore e di vosâur a di chei sot"
gjavât fûr di "Pre Pitin" di Antoni Beline
"un pedoli rifat, che al cambiave fituâi ogni altri an par vie che sot di lui a murivin di fam"
gjavât fûr di "Agne Ursule" di Pieri Menis
sot prep., av.
Par segnâ situazions o cundizions che a implichin il fat di jessi ogjet o di jessi sometût o di sintî l'efiet di alc
esemplis
"[la grafie normalizade] e jere sot de menace dal ricors al Tar de Filologjiche"
gjavât fûr di "Memoriis di politiche linguistiche" di Adrian Cescje
"o çavariavi come se o fos stât sot l'efiet dal opi"
gjavât fûr di "Il cjâf dai furlans" di Franc Fari
"il comun mi à mandât sot procès dissiplinâr interni"
gjavât fûr di "Jo e Graziella" di Mario Beltramini
sot av., prep.
In posizion dongje di alc o di cdn.
esemplis
"al jentrà e si sentà su la prime cjadree cjatade vueide sot il mûr"
gjavât fûr di "Doro" di Pieri Menis
"Luduì di Teck [...] al comparì in Friûl cun cualchi miâr di mercenaris ongjarês, cjapant Manzan, Rosacis, Scluse e rivant fin sot Udin"
gjavât fûr di "Cuintristorie dal Friûl fin sot la Italie" di Josef Marchet
sot av., adi.inv.
Impegnât in alc
esemplis
"al à la impression che l'altri no lu scolti, come se al fos sot a cirî alc"
gjavât fûr di "Madalene" di Franco Marchetta
"al pensave ai siei, a so pari, puar om, simpri sot par mantignîlu lui che, cu la sô disgracie, pal moment nol podeve inmò fâ nuie"
gjavât fûr di "Cretevierte" di Roberto Ongaro
sot av., prep., adi.inv.
In posizion platade, ancje cun funzion di cause (ancje fig.)
esemplis
"intuî la veretât vere, che e je sot di ogni fat"
gjavât fûr di "La civiltât dal fum" di Riedo Pup
sot av.
Tes parts intimis (eufem.)
esemplis
"e çueteave e si tignive cu la man jù sot"
gjavât fûr di "La salamandrie tal fûc" di Carlo Tolazzi
sot s.m.inv.
Part inferiôr o basse di alc
sinonims
disot, parsot
esemplis
"i no sai nuia, nencja dulà che al è il sot e il parsora"
gjavât fûr di "Donald dal Tiliment" di Stiefin Morat
detulis
"Sante Redegonde la sape sot de gronde"
torne sù

cognons

Di Sotto
Al è une vore probabil che la famee che par prime e à puartât chest cognon e fos a stâ intune posizion plui basse a pet dal nucli centrâl dal paîs. Il cognon, endemic di Sighiet (For Davôtri), al vignive, in efiets, voltât cun Unterhauser dai emigrants locâi par vê plui bon acet cuant che a jerin vie pes Gjermaniis (N. Del Fabbro, inf. pers.). Intal stes paîs ancje il cognon Di Sopra (viodi) che, nancje dîlu, al deventave Oberhauser.
fonts
1513 Libero di Sotto via a Cercivento Inf. (Corgnali); 1773 Antonio di Giacomo q. Zuane q. Leonardo Brumassi da Sigiletto sposa Maddalena q. Lorenzo Di Sotto (Filze); 1794 Gion Batta di Sotto di Sigiletto (ASU Perusini 86); 1938 Di Sotto 3 fameis a Sighiet (Corgnali).
torne sù